هلأ فهمت ..
اي فهمت كتير منيح ...
فهمت الشي يلي ماكنت فاهمتو ...
صح فهمتو بوقت متأخر وبعد ضربات كتيرة وكبيرة بس فهمتو ...
فهمت معنى الميثاق الغليظ ...
فهمت معنى الحلال ..
فهمت معني العقد ...
فهمت معنى لييش ممنوع نحب ...
فهمت ليش الله حرم علينا الحب ...
كنت دائما قول ليش حرام ..ليش ممنوع ...
الغنية بتقول لو حبنا غلطة تركنا غلطانين مازال عشقانين ..
لما فكرت لطالما هنن حبو بعض ليش مايكمل هاد الحب ولو كان هيك ليش أصلا حرام ...
السؤال يلي حرام نسألو سألتو لحالي كتير ...
بس هلأ اكتشفت ..
أو بالأحرى لازم قول الله بدو يورجيني ليرجعني ...
الله خاف على قلوبنا تنكسر ..
الله عارف عواقب هاد الحب ...
الله عارف بأنو قد ماكان هاد الحب كبير بغلطة رح ينته من دون محاولة أنو يتصلح ...
اي ببساطة الحب بينته ...
ببساطة وكأنو مانوجد أساسا ...
ماحدا بصدق صح ...
حتى أنا مابصدق ...
لانو مابينته بالعكس بينقلب لنار أو بركان بيشعل جوا القلب ...
بيحرق ...
وجع بيحرق كتير ..
خاصة لما لازم تكتموا وماحدا يعرف فيه ...
وجع بتبلعو من دون ماحدا يحس ...
ودموعك حكاية تانية بس هدول دموع مابينزلو من العين لا ..لأنو صعب حدا يشوف هدول لدموع ...
بينزلو من جوى لقلب وبتداري عيونك عن الكل لما حدا يشوف ...
عرفت الحكمة وأيقنت ...
شكرا يا رب ...
شكرا أنك علمتني درسي رغم عثراتي المتكررة لم تتركني ...
🥀💔#رحيق
