وهسه بعد ماعرفنا الاسباب والعوامل الي تسبب زيادة حجم المسام لازم نعرف شلون نعالجها ونحافظ عليها طبيعيه بالبداية نتفق ان ماكو شي اسمه اخفي المسام او مااريد مسام بوجهي لان المسام اصلا موجودة بشكل طبيعي 📍المسام اذا كان سببها التقدم بالعمر فالعلاج المناسب الها هو الحفاظ على مرونة الجلد من خلال الترطيب المستمر والمناسب واستخدام الريتينول ,هنا الريتينول رح يحفز انتاج الكولاجين وهيج رح تكون البشرة مشدودة اكثر ومتماسكة ويقل  الشكل الواسع للمسام اما اذا كانت المسام بسبب العوامل الاخرى المذكوره ف اول شي رح نسويه هو اتباع روتين عنايه صحيح ,شلون؟ ✅ استخدام غسول مناسب للبشرة اذا كانت البشرة دهنية او مختلطة يحتوي الغسول على السالسيلك اسيد واليكون دوره كلش فعال بتنظيف المسام طبعا بالتركيز المناسب او يحتوي الغسول على احماض البيتا والالفا هايدروكسي ,هذه الحوامض الها قدرة على تقشير الطبقات الخارجية من البشرة والتخلص من الخلايا الميته حتى ماتتراكم بالمسام وتسبب انسدادها ✅ الترطيب :جدا ضروري ولا تهملوه, منتجات الترطيب التحتوي ع مكونات السيراميد والنياسينمايد كلش تفيد بهيج حالات ضروري يكون المرطب مو زيتي ومو غالق للمسام حتى مانفاقم المشكله ✅ واقي شمس : الالتزام بواقي الشمس ولازم يكون مناسب للبشره اختاروا الواقي اليكون خالي من الزيوت Oil_free ومايسبب انسداد المسام noncomedogenic ✅ استخدام المقشرات الي تكون لطيفه ع البشرة وماتسبب ضرر لحاجز البشرة , مثل التونرات التحتوي ع حوامض الالفا والبيتا هايدروكسي ,او المقشرات الفيزيائية الموجودة بالصيدليات بشرط تكون حجم الحبيبات صغيره وماتأذي البشرة ✅ ندخل بالروتين مالتنا منتجات تساعد بتقليل المسام وتبين حجمها اصغر مثل _ النياسينمايد اله خصائص ممتازه يشد البشرة ويساعد على تقليص حجم المسام واهم شي يوازن افراز الدهون , متوفر بتراكيز مختلفه ومناسب اكثر للبشرة الدهنية , التراكيز القليلة تكون مناسبه للبشرة الحساسه, وايضا الشركات هسه تنتج النياسينمايد وي مجموعة مواد مثل هايلورنك وسيراميد حتى تقلل من تحسس البشرة ويرممها بنفس الوقت _ الريتينول ايضا جدا فعال ويساعد ع تعزيز انتاج الكولاجين وتماسك البشرة متوفر بشكل سيرومات وتراكيز مختلفة وطبعا استخدامه تدريجيا متوفره اشكال منه تنفع كمقشرات مثل الاكرتين ✅ احماض الالفا والبيتا هايدروكسي وخصوصا السالسيلك اسيد , هنا فعاليتها بتنظيف المسام وتقشير الطبقة الخارجيه وتجديد الخلايا ايضا ممكن المعالجة بتقنيات الليزر ,مثل الفراكشينال ليزر ايضا يساعد بالعلاج وغيرها من التقنيات المتوفرة