البارحة بالطريق لكربلاء واحد من الرجال چان ديسولف عنّ الزيارة، ف گال اني قبل مچنت اندل النجف زين و مرايح للقبور بس بعد ما توفت زوجتي صرت كل أسبوع اروح.. ف هنا و حچة عن زوجته..زوجتي توفت بتركيا وجبتها و دفنتها بالنجف چانت مريضة و تحتاج عمليات لقلبها و منجحت العملية و توفت و خسرتها. و بعدين ضاف لكلامة: ( اني قدمت على تقاعد من وقت و طلعت تقاعد علمود اخذها اعالجها بتركيا و اكون يمها تالي لا حظيت بيها و لا حظيت بالوظيفة…. خسرتها و خسرت كل شي وياها) و هنا تذكرت الأية: “وجعلنا بينكم مودة ورحمة.” المودة تضحية بدون انتظار مقابل، والرحمة وقفة صادقة بالمواقف اللي تكسر الظهر. هذا الرجل قدّم أغلى شي يملكه… وقته وروحه وتفاصيل حياته لشريكة قدّر وجودها بحياته و تحملها لمصاعب الحياة ويا.. سامعة يگولون ( يعرف الرجل عند مرض زوجتة) يعني راح يبين اشگد انسان رحيم و شنو معدنة و اشگد انسان أصيل🤍..