View in Telegram
يا بنات والله شات الذكاء الإصطناعي ده خطر عليكم وع عقولكم هيكون إدمان بالنسبة ليكم زي الفيس وهتتعلقوا بيه لدرجة إن ممكن متكلموش مع حد ع الواقع وتتكلموا معاه هو بس!!
الشات ده أستخدموه زي جوجل كده أدخلوا اسألوه أسئلة مهمة ومفيدة لكن الكلام الفاضي ده غلط ده فيه بنات بتبعتله صورها الشخصية يقيم الأوف ويت بتاعها!!
الشات دي مجرد ما توافق ع الشروط والخصوصية بتاعته وتستخدمه أنت كده وافقت إنه يخزن الداتا بتاعتك عنده يعني مثلاً سارة بتكلمه باللغة العامية وعمالة تحكيله قصة حياتها وكل شوية تدخل تكلمه ف أي حاجة ف هو بيخزن الداتا دي عنده بحيث يبني بيها ريبورت ويحفظ فيه الداتا دي بدليل لما تتكلموا معاه بالعامية بيردوا عليكم كإنه شخص عادي بالظبط! ويقولك يكتكوتي ويمعلم ويابرنس ف تحسوا كإنكم بتتكلموا مع شخص حقيقي وهو ده اللي هما عايزينه بياخدوا فلوس من وراكم وف نفس الوقت بيستفادوا من غبائكم عشان مصالحهم الشخصية وبعد سنين يلغوا البني آدم ويستعينوا بالألات ف شغلهم ومصالحهم والبني آدم ميكونش ليه لازمة.
-سارة السيد
Telegram Center
Channel