باشگای شاخەوانی هەڵگورد

سەر کەوتنی بەڕێز ڕوناک زەمانی شاخەوانی بە توانای شاری سنە بۆ لوتکەی ٨١٦٥ میتری ماناسلۆ لە هیمالیای نیپاڵ بە هەموو شاخەوانانی کوردستان و دۆستان و بنەماڵەی بەڕێزیان پیرۆزبایی دەڵێین.
بە هیوای سەرکەوتنی هەموو لوتکە بەرزەکانی جیهان.

https://t.center/halgurdclimbingclub

کۆچی دوایی هاوڕێی شاخەوان و شاخەوانی لێهاتوو خەمخۆری کوردستان، موڕتەزا شێروانی لە کاتی شاخەوانی و ڕاهێنان بە هۆێ جەڵتەی دڵ بۆ بە مایەی دڵگرانی کۆمەڵگای شاخەوانی کوردستان و ئێران.
بەو بۆنە خەمناکەوە لە ناخی دڵەوە لە لایان یانەی کولتووری شاخهوانی هەڵگوردی پیرانشارەوە سەرەخۆشی خۆمان پێشکەشی هەموو شاخەوانانی کوردستان بە گشتی و بنەماڵەی بەڕێزی خوالێخۆشبوو بە تایبەتی دەکەین.
هیوا دارین خوای گەورە سەبر بە دۆستان و خزمان و بنەماڵەی بدات و جێگای بەهەشت بێت.

@halgurdclimbingclub

ڕاپۆرتی بەڕێوەچوونی بەرنامەی ناوچەی گەشتییاری کانی لۆسە

بە پێی بەرنامەی شەش مانگی ئەوەڵی ئەوساڵ، کۆتا بەرنامە کانێ لۆسەی دیاری کرا بو و بە پێی  بەرنامەی دارێژڕاوە رۆژی پێنج شەممە 7کەس لە ئەندامانی یانە کاتژمێر 3ی دوا نیوەرۆ بەرەو گوندی بادیناوێ وەرێ کەوتین.

دوای گەیشتن بە شوێنی دیاری کراو ماشێنەکانن لەوێ بە جێ هێشتن و بەرەو کانێ لۆسە وەرێ کەوتین بە هۆی سارد بوونی کەش و هەوا رێژەیەکی کەمی خەڵک دە ڕێگادابوون دەکرێ بڵین دەو دوو ڕۆژەدا 30کەس نەهاتن بۆ کانێ لۆسە.

دوای ماوەیەکی کەم گەیشتین بە نیزێک کانی ئاوی سپی و شەو لە تەنیشت ئاوهەڵدێرەکە چادرمان لێدان و شەومان لەوێ بەسەر برد.

بەیانی رۆژی هەینی پێنج کەس لە ئەندامانی دیکەی باشگاە تێکەڵ بە ئێمە بوون و دوای خواردنی نانی بەیانی بریارن دا بەرەو سەرچاوی ئاو هەڵدێری کانێ لۆسە بڕۆین و ئەگە بۆن جێ بە جێ بێ بتوانین ڕێژەی ئاوەکەی بۆ زیاتر بکەین بۆ وەی ئاو هەڵدێری کانی لۆسە جوانتر و رازاوەتر بێ دوای چون سەر و دیتنی شوێنەکە گەڕاینەوە شوێنی چادرەکان و نانی نیوەرۆمان لەوێ پێکەوە خوارد و دوای خاوێن کردنەوەی کانێ لۆسە و و دەوروبەری و خواردنی چای کتڕێ رەش، چادرەکانن کۆ کردنەوە بەرەوماڵ بوینەوە.

جێگای ئاماژەیە لە کۆتایی بەرنامەدا  زپڵ و پاشماوەیەکی زۆری بەجێ هێشتراوی گەشتییاران بە هیممەتی دۆستان کۆ کرایەوە و لەوێ سووتێنران و لە بەینیان بردن.
شوشە و قدولکەکانیش هێنرانەوە بادیناوە و کاتژمێر 4و30 گەیشتینەوە کن وەسیلەکان و دوای خوداحافیزی لە یێکتری بەرەو ماڵ بووینەوە و کۆتایی بە بەرنامەی شەش مانگەی یەکەمی ئەوساڵی یانەی هەڵگوردی پیرانشار هات.

بەرپرس بەرنامە و نووسینی ڕاپۆرت:
ئیبـــــــڕاهیم دەلیــــــــــرە

یـانەی کلتووری و شاخەوانی هـــەڵگورد

@halgurdclimbingclub

بە ناوی میری مەزن


ڕاپۆرتی بەڕێوەچوونی بەرنامەی سوورە زەویان لە کۆتایی مانگی خەرمانانی ۱٤۰۳

لە ڕۆژانی ۲۲و ۲۳ی خەرمانانی ۲۷۲٤ گەشتێکی شاخەوانیمان لە کوێستانەکانی سورە زەویان و بناری کۆترێل بەڕێوە برد.

کاتژمێر ۲ی پاش نیوەڕۆ ۲۹ ئەندامی یانە بە مینی بوسێک دو ماشێنی سواری بەرەو ئاوایی قەبری وسێن ڕۆیشتین و پێشتر لەگەڵ ۳ ماشێنی تویۆتا ڕێک کەوتبوین و چاوەڕوانیان دەکردین.

کە گەیشتینە ئاوایی قەبری وسێن بەسەر ۳ ماشێنەکان دا دابەش بوین لە ڕێگای نێو لێڕوار دا کە تەپ و تۆزێکی زۆری هەبو تێهەڵبوین.

لە دوای تێپەڕ بون لە هاوینە هەوارەکانی فەقێ ڕەشکە و زیندوبێ و قەپ قەپی گەیشتینە بستوی سورەزەویان و لە ماشێنەکان دابەزین و بۆ هاوینەهەواری سورە زەویان کە لەو وەرزەی ساڵ دا هەر شین دەچو دەتکوت کچێکی جوان و ڕەزاوایە لە کۆڕی هەڵپەڕکێ دا بەو جلە جوانەی خۆی ڕازاندبۆوە خللۆر بوینەوە.

گەیشتینە شوێنی مەبەست بۆ شەومانەوە و چادرەکان و شوێنی دانیشتن و خەوتن وحەسانەوە دیاری کران.

ئێوارانی سورەزەویان تایبەتن،هەر بۆیەش مڕۆڤ هەر چی بیکات بە وشە وەسفی ئەو هەمو جوانیە و خۆشیەی بۆ ناکرێت.

نوێژی شێوان دو هاوڕێی تر کە بە ماتۆر سکلێت هاتبون پەیوەستی ئێمه بون و مەجلیسیان خۆشتر کرد.

دەستی هەڤاڵان خۆش کە پێشتر زەحمەتی نان و چێشت بۆ تەواوی گرووپیان کێشابو و شەو لە دەوری ئاور و کۆڕێکی دۆستانە نانی شەو نۆش کرا.

تا درەنگانی شەو بە دەوری یەکتر دا دانیشتین و چرکە چرکە خۆشی و پێکەنین و قاقا بو.

بەیانی کە زەردەی هەتاو لەسەرانی دا لە خەو هەستاین و نانی بەیانیمان خوارد و پاش کێشانی وێنەیەکی بەکۆمەڵ ماڵئاوییمان لە سورەزەویان کرد و بەرەو سەرچاوەی ئاوی مازو ڕێژە ڕۆیشتین.

لە سەرچاوەی مازووڕێژە ڕەشماڵەکانی هەوارچیان وەک تابلۆیەکی کۆنی فۆلکلۆر و نەریتی کوردانە خۆیان نیشان داین و بۆ چەند ساتێک لای هەوارچێکان ماینەوە و خۆمان حەساندوە.

ئەوجار بەرەو شوێنی دانیشتنی نیوەڕۆ کە دەبو بە ناوچە گەشتیاری وخۆشەکەی خەرپاپ وەڕێ کەوتین.

هەر کە گەیشتینە خەرپاپ خۆمان لە ئاوە ساردەکەی خەرپاپ هاویشت و هەر چی ئارەقە و تۆز و ماندویەتی ڕێگا بو لەخۆمان بەدر کرد.

بۆ ژەمی نیوەڕۆش هاوڕێیانی خۆشەویست هەر وەک شەوی پێش زەحمەتیان کێشابو ، تێکرا لە سەر یەک سفرە دانیشتین و تێر نانمان خوارد.

ئێوارێ بە فێنکی لە ڕێگای چۆمەکەوە بەرەو کانی دزە هاتینەوە و لە کانی دزە لە لایان چەند هاوڕێ و بنەماڵەی ئازیزی موڕتەزا کە لەوێندەرێ بون بە چا و میوە پێشوازیان لێکردین و بۆ چەند خولەکێک لە لایان ماینەوە.

ئەوجار ماڵئاواییمان لێکردن و هاتینەوە ئاوایی قەبری وسێن و سواری مینی بۆس بوین و بەخێر و خۆشی و بە سڵامەتی بەرنامەمان بەرەو کۆتایی برد.

👤بەڕێوبەری بەرنامە: محەممەد موڕتەزا

✍نوسینی ڕاپۆرت : ئاراس



یانەی کلتووری و شاخەوانی هەڵگورد

@halgurdclimbingclub

‍ ڕاپۆرتی بەڕێوەچوونی چالاکی لەسەر کێوی دەماوەند خەرمانانی ۱٤۰۳

ڕۆژی سێ شەممە١٣ی خەرمانانی١٤٠٣ی هەتاوی بۆ جاری دووهەم لە هاوینی ئەوساڵدا بەرنامەیەکی دەماوەندمان بە بەشداری ئەو بەڕێزانە بەڕێوە برد.

لە یانەی شاخەوانی هەڵگورد بەڕێزان : جوامێر خۆش بین ، هەژار نەبی ، عوسمان بایەزیدی ، سەمیع واژی ، کارۆ سجودی ، میلاد موڕتەزەوی ، نیگار شێروانی، سەلام داوەردان و بایز نیک بەخت.

لە نەغەدە میوانانی بەڕێز: ئەییوب مەعروفی ، کەریم تاتلی و  واحید ڕەوا

گەشتەکە کاتژمێر ٤و٥٠ خولەکی بەیانی دەستی پێکرد و ڕێگای پیرانشار بۆ تارانمان گرتەبەر،
ئەو ڕێگایە ٨٦٠ km و دەبێ ڕێگای پیرانشار ،نەغەدە ، میاندواو، مەلەکان، بناو ، مەراغە ، ئازاد ڕێی تەورێز بۆ زەنجان، ئازاد ڕێی زەنجان بۆ قەزوێن،ئازاد ڕێی قەزوێن بۆ کەرەج، گەورە ڕێگای هیممەت، جادەی دەماوەند  و ئیمام زادە هاشم تێپەڕ کەین و خۆمان بگەیەنینە شارەدێی پلور.

کاتژمێر ٨:٢٠ خولەک دوای خواردنی نانی بەیانی لە پارکی مەراغەی ڕا وەڕێ کەوتین،
نانی نیوەڕۆمان لە نیزێک قزوێن خوارد و دوای وچانێکی باش بەرەو پلور وەڕێ کەوتین.

کاتژمێر ٦ی ئێوارێ گەیشتینە پلور و بە ماشێنەکانی خۆمان چوینە پارکینگ، لە وێشڕا بە سێ لەندەوێر چوینە گوسفەندسەرا و لەوێ چادرمان هەڵدان.
تێچوی هەر کەسێک لە پارکینگ بۆ گوسفەند سەرا ٢٥٠ هەزار تمەنە و هەڵگرتنی کۆڵە پشتی بە وەڵاخ لە گوسفەندسەرا بۆ بارەگای سێ ٦٥٠هەزار تمەنە، دوای خواردنی ژەمی شەو کاتژمێر ٩:٤٠ نوستین و قەرارمان دانا بەیانی کاتژمێر ٦بڕۆیین.

لە کاتژمێر ١١ی بەیانی گەیشتینە بارەگای سێ لە بەرزایی ٤٢٥٠ و بە ڕاوێژ لەگەڵ بەڕێوەبەرانی بەرنامە بەڕێزان جوامێر خۆش بین و هەژار نەبی دوای خواردنێکی سوک بۆ شەومانی چونە لوتکەی دەماوەند و تا کاتی گەیشتنی تیم لە ڕۆژی دواتر لە لوتکە مانەوە و هەموومان  لە لوتکە تێکەڵ بە یێکتری بوین.

تیمی سەرەکیش  کاتژمێر٢:٣٠ شەوی پێنج شەممە ١٥ی خەرمانان بە بەشداری ٩شاخەوان کە هەمویان بۆ یەکەم جار بوو دەهاتن بۆ دەماوەند وەڕێ کەوتین.

یەکێک لە هاوڕێیان بە هۆی سەر ئێشە لە بارەگای سێ مایەوە و کەسێکی دیکەش لە بەرزایی ٥٢٠٠میتری گەڕایەوە و ٨ کەسیشمان کاتژمێر ٩ی گەیشتینە لوتکە و تێکەڵ بە تیمی شەومانی بوین و دوای ماوەیەک مانەوە گەڕاینەوە بارەگای سێ.

دوای حەسانەوەیەکی باش و خواردن و خواردنەوە، کاتژمێر ٢ی دوا نیوەڕۆ بە رەو گوسفەند سەرا گەڕاینەوە.

دوو کەس لە میوانانی نەغەدەی بۆ سەر کەوتن بە سەر لوتکەی عەلەم کێو لە ئێمە جودا بوونەوە و بەرەو ڕودبارەک ڕۆیشتن.

ئێمەش بۆ پیرانشار گەڕاینەوە و کاتژمێر ٧:٣٠ بەیانی ڕۆژی هەینی ١٦ی خەرمانان گەیشتینەوە ماڵێ.


بەڕێوەبەر و نووسینی ڕاپۆرت: بایز نیک بەخت



یانەی کلتووری و شاخەوانی هەڵگوردی پیرانشار

@halgurdclimbingclub