Guliston tumani xabarlari | Rasmiy kanal!

⚡️Sirdaryoda yangi «WULING N111» avtomobili ishlab chiqarila boshlandi

Sirdaryo tumanidagi Asaka Motors avtomobil zavodida yo‘lovchilar va yuk tashishga mo‘ljallangan yangi «WULING N111» avtomobili ishlab chiqarila boshlandi.

«WULING N111» yetti kishini sig‘dira oladi, uning uzunligi 3 797 mm, kengligi 1 510 mm, balandligi esa 1 820 mm. Avtomobil 82 ot kuchiga ega bo‘lgan 1,2 litrli injektor atmosferali dvigatel bilan jihozlangan. O‘rtacha yonilg‘i sarfi 100 km uchun 6,3 litrni tashkil etadi va yonilg‘i baki hajmi 38 litrga teng. Standart to‘plam konditsioner, ABS tizimi va boshqa xavfsizlik elementlarini o‘z ichiga oladi.

Asaka Motors International kompaniyasi boshqaruvi raisi Avazbek Jalilovning ta’kidlashicha, hozirda mijozlar avtomobil uchun oldindan buyurtma berishlari mumkin.

Qo‘shimcha ma’lumot uchun:
Telefon: +998 55 503 02 09
Email: info@asaka-motors.uz

Telegram | Facebook | Instagram | YouTube

Bugun 22-yanvar kuni Xalq deputatlari Sirdaryo viloyati kengashining navbatdan tashqari sessiyasi bo‘lib o‘tdi

Unda O‘zbekiston Respublikasi Bosh vaziri Abdulla Aripov ishtirok etdi.

Sessiyani Xalq deputatlari viloyat Kengashi raisi Pokiza Axmedjanova olib bordi.

Keyingi yillarda hududda qishloq xo‘jaligi, iqtisodiyotini rivojlantirish, investitsiya va tadbirkorlik muhitini yaxshilash, aholining ijtimoiy sharoitlarini yuksaltirish va boshqa yo‘nalishlarda yo‘l qo‘yilgan kamchiliklar tanqidiy muhokama etilib, qo‘shimcha vazifalar belgilandi.

Kun tartibiga muvofiq tashkiliy masala ko‘rildi.

O‘zbekiston Respublikasi Prezidentining tegishli farmonlariga asosan Turdimov Erkinjon Oqbo‘tayevich Sirdaryo viloyati hokimi vazifasini bajaruvchi etib tayinlandi.

Telegram | Facebook | Instagram | YouTube

⚡️Baxmalda aholi muammolariga yechim izlandi

Aholi muammolarini oʻrganish va ularga yechim topish maqsadida bugun Guliston tumani hokimi O'lmasjon Mamadaminov boshchiligida “Baxmal” mahallasida sayyor qabul shaklida aholi bilan ochiq muloqoti bo'lib o'tdi.

Unda Oʻzbekiston Respublikasi Prezidentining tumandagi Xalq qabulxonasi mudiri, mahalla yettiligi va 20 nafardan ziyod mahalla fuqarolari ishtirok etishdi. Muloqotda aholi tomonidan, ichki ko'chalarga asfalt qoplamasi yotqizish, eski elektr ustunlarini yangisiga almashtirish, ichki zovurlarni tozalash va tabiiy gaz quvurlarini ta'mirlash kabi masalalar ko'tarildi.

Aholi bilan yuzma-yuz suhbatlar davomida, fuqarolar tomonidan bildirilgan har bir murojaatlar va muammolar mas’ul tarmoq vakillari bilan joyida muhokama qilinib, o'rganish talab qilinadigan muammolar joyida o'rganildi. Shuningdek. murojaatlar ijrosi tegishli mas'ullarga biriktirildi va chora-tadbirlar belgilab olindi.

Telegram | Facebook | Instagram | YouTube