Иннокентьев Алексей Михайлович
Channel
@glavanyurbainnokentev
Share
Promote
1.53K
subscribers
Глава МР «Нюрбинский район»
Telegram Center
Channel
Join
Иннокентьев Алексей Михайлович
Бүгүн Чуукаар нэһилиэгин олохтоохторун ыҥырыытынан муҥхаҕа сырыттым. Ньурба куорат уонна Сүлэ нэһилиэгин дьаһалталарыттан эмиэ кытыннылар. Бэккэҥээ диэн күөлгэ муҥхаҕа элбэх киһи сырытта. Оҕолорго төрүт үгэһи көрдөрүү, онно үөрэтии-такайыы бэрээдэгинэн, Чуукаар нэһилиэгиттэн оскуола оҕолоро эмиэ дьоннорун кытта сылдьан, өбүгэ саҕаттан саха төрүт дьарыгар кыттыһан үөрдүлэр, сэргэхсийдилэр. Күөх Боллох син балачча бэристэ. Чуукаар дьонугар ыҥырыыларын иһин махтал!
Иннокентьев Алексей Михайлович
Бэҕэһээ Маалыкайга сырыттыбыт. "Мичил" оҕо уһуйаанын көрдүбүт, прачкалара уонна куукуналара туспа турар. Өрөмүөҥҥэ наадыйар эбит. Уһуйааҥҥа дуобат хайысхатынан барыахтарын баҕараллар. Гроссмейстер Александр Ефимовка аналлаах муннук тэрийбиттэрэ бэҕэһээ үөрүүлээхтик аһылынна. Олохтоохтордуун мунньах ыытылынна. Тыа хаһаайыстыбатыгар, сир боппуруоһугар элбэх ыйытык киирэн хоруйданна, агро-оскуола туһунан эмиэ таарыйдылар. Зоотехник Егор Горохов Хатыыга уонна Маалыкайга "Саха сүөһүтэ" ГКП саҥа сылгы базалара ахсынньы 1 к. аһыллар тэрээһинигэр кэлэн кыттарга ыҥырда. Дьон санаатын иһиттибит, киэҥ кэпсэтии таҕыста диэн астынныбыт.
Иннокентьев Алексей Михайлович
1:40
Media is too big
VIEW IN TELEGRAM
Видеоролик Нюрбинского районного патриотического автопробега «Надежный тыл - путь к Победе!». Пункт первый - с.Хорула.
Иннокентьев Алексей Михайлович
0:08
This media is not supported in your browser
VIEW IN TELEGRAM
Бүгүн улууска Ийэ ыйын чэрчитинэн Аҕа дойдуну көмүскээччилэр дьиэ кэргэттэрин кэмитиэтин Саха сиринээҕи ыстаабын кытта, улуустааҕы дьахтар Сэбиэтэ куустанан иккис автопробегы Чаппандаҕа тэрийэн ыытта. "Эрэллээх тыыл - Кыайыыга суол" патриотическай аахсыйа түмүгүнэн бүгүн уопсайа 32 тыһ. солк. киирдэ. Нэһилиэктэртэн СВО-ҕа кытта сылдьар буойуттарбытыгар уонна Донбасс олохтоохторугар араас-малы, кинигэлэри аҕалан туттардылар. Биһиги олоххо-үлэҕэ олус көхтөөх кэрэ аҥардарбыт Кыайыыга бэйэлэрин кылааттарын көхтөөхтүк киллэрэллэр.
Иннокентьев Алексей Михайлович
Бүгүн Хатыыга сырыттыбыт. Нэһилиэк олохтоохторун кытта көрсүһүүгэ сүрүннээн улуус үлэтин, инники былааннарын уонна тыа хаһаайыстыбатыгар киирээри турар уларыйыылар уо.д.а. тустарынан кэпсэтии барда. Сүөһү-сылгы маркировкатын, сир учаастагын, биир таһымнаах публичнай былаас ситимин тэрийии, кулууп уонна оҕо саадын өрөмүөнүн, оҕо саадын үбүлүөйүн боппуруостарын таарыйдылар. Хотон тутуутун туһунан туруорустулар. Түргэнник хамсанан докумуоннарын бэлэмнээн киллэрэллэригэр эттим, боппуруоһу үөрэтэн көрүөхпүт. Хатыыга баһаарынай депо тутулла турарын көрдүм. Тэйиччи буолан, манна баһаарынай чаас тэрийээри гынабыт.
Иннокентьев Алексей Михайлович
Бэҕэһээ «Арассыыйа ийэлэрэ» уопсастыбаннай хамсааһын Ньурба оройуонунааҕы салаатын отчуоттуур-быыбардыыр мунньаҕа буолан ааста. Уопсастыбаннай хамсааһыны салайан кэлбит Саргылана Седалищева 2021-2024 сс. үлэтин отчуоттаата. Саргылана Седалищева салалтатынан көхтөөх кэрэ аҥардарбыт түмсэн улууска үгүс үлэни иилээн-саҕалаан ыыппыттарын бэлиэтиибин уонна Саргылана Петровнаҕа истиҥ махталбын тиэрдэбин. Биһиги балтыларбыт, эдьиийдэрбит, ийэлэрбит, эбэлэрбит СВО кыттыылаахтарыгар эмиэ улахан көмөнү оҥоро сылдьаллар. «Арассыыйа ийэлэрэ» уопсастыбаннай хамсааһын Ньурба оройуонунааҕы салаатын саҥа бэрэссэдээтэлинэн үлэҕэ-олоххо олус көхтөөх киһи, ситиһиилээх урбаанньыт, «Айли» дьахтар кулуубун төрүттээн үлэлэтэ сылдьар Айталина Витальевна Федорова талылынна. Киниэхэ үлэтигэр салгыы ситиһиилэри, бары үчүгэйи баҕарабын!
Иннокентьев Алексей Михайлович
Салгыы Чуукаарга сырыттыбыт, нэһилиэнньэни кытта көрүстүбүт. Улуус бүгүҥҥү үлэтин, инники былааннарын билиһиннэрдибит. Чуукаар оскуолатын саҥа дьиэтэ быйыл холлоҕоһо тутуллан бүттэ, тутааччылар эһиил ситэриэхтэрэ. 2025 сылтан тыа хаһаайыстыбатыгар киирэр уларыйыылар тустарынан кэпсэттибит, олохтоохтор санааларын иһиттибит.
Иннокентьев Алексей Михайлович
Ытыктыыр биир дойдулаахпытын, СӨ искусствотын үтүөлээх диэйэтэлэ, улуус бочуоттаах олохтооҕо, СӨ култууратын туйгуна, СӨ Үүнэр көлүөнэ тыйаатырын кылаабынай режиссера
Александр Васильевич Титигировы
А.И.Софронов аатынан СӨ Уопсастыбаннай бириэмийэ лауреата буолбуккунан ис сүрэхпиттэн, итиитик-истиҥник эҕэрдэлиибин! Бу үрдүк наҕараада Эн искусство эйгэтин сайдыытыгар киллэрбит улахан кылааккын билинии бэлиэтинэн буолар. Улаханнык үөрэбит уонна киэн туттабыт! Мэлдьи дойдугун кытта ыкса сибээһи тутуһа, дьиҥ дьыаланан уонна үтүө сүбэҕинэн мэлдьи көмө-өйөбүл буола сылдьарыҥ иһин улуус олохтоохторун аатыттан истиҥ махталбын тиэрдэбин. Айымньылаах үлэҕэр салгыы ситиһиилэри, кытаанах доруобуйаны, дьолу-соргуну баҕарабын!
"Ньурба улууһа" МО баһылыга А.М.ИННОКЕНТЬЕВ.
