Mustafo O‘zbalakning "Insoniyatning so‘nggi kuni" asari nafaqat fantastik janrdagi kitob ixlosmandlari uchun, balki texnologiya, insoniyat taqdiriga befarq bo‘lmagan kishilar uchun ham qiziqarli kitob ekan. Ya’ni asarda texnologiya taraqqiy etib, inson quyosh sistemasidan tashqariga chiqa olsa, yorug‘lik tezligidan ham kuchli bo‘lgan tezlikka erishsa, boshqa sayyoralarga ko‘chib o‘tish haqida so‘z boradi. Shu bilan birga, ekologiya kundan kunga yomonlashuvi natijasida odamlar bunga majbur bo‘lishi ham ko‘rsatiladi. Ammo boshqa ba’zi muammolar bor: 10 milliardga yetgan Yer shari aholisini qanday ko‘chirib o‘tish mumkin? Dunyo katta hokimiyatlar, shaxslar qo‘lida qolib ketdi deya tasvirlanadi: JFT, Katta Miya, Keksa bo‘ri, Isyonkorlar. Ular orasida quyoshni portlatmoqchi bo‘lganlar ham bor! Ular maqsadiga yetadimi? Bu kabi savollarga kitobni o‘qib javob olishingiz mumkin. Tanbeh: bu fantastik asar, muallif imkon qadar hayotga yaqinlashtirib yozgan. Albatta, hech kim kelajakni bashorat qila olmaydi. Yurakka yaqin olmang! #Mutolaa2025 @GiyosiddinYusuf