قصيده للزهراء عليه السلام 🖤 ياعلي اشلون ابوداع الطاهره روحك ابوحشتها ظلت حايره كلبك بموج الحزن اصبح نحيل ايساعدك عالصار ياحامي الدخيل الصبر لفراگ فاطم مو جميل اجروح فرگتها اجتك غايره اجروح فاطم ياعلي تجوي الكلب يوم شفت الكسر ولدم اليصب منك الدلال جن نار ويشب الروح ظلت بالحزن متگدره جرحگ الجتال مايبره ويطيب اسهام حزنگ بالجبد ظلت تصيب فارگت بحزان انفاس الحبيب ايامك ابغيبتها حيل امرمره قالع البيبان انته والحصن عجب ماتگدر تشيل ام الحسن بيك حسرات الگلب يترادفن للضلوع الغدت ويلي مكسره روح طاهه والفگد ماهو سهل حگ عيونك بالدمع ليها تهل ودعت هاليوم بجروح الاهل الليالي ابغير فاطم قاهره صعد حزنك ياعلي فوگ الجبين بكسرة الاضلاع ينصاب الجنين لم حسن بجروح ماتگدر تعين ونته كل مهموم تكصد تحضره ايعينگ الله ياعلي بفگد البتول شلون لو ايامها باجر تطول انحنه ظهرك ولدمع منك همول نار روحك بالحزن متوجره تمت بعون الله تعالى* ✍🏻الشاعره مريم العبوديه اسبرة الاحزان💔 نسالكم الدعاء بتعجيل الفرج لصاحب العصر ولزمان ع غير مبري الذمه من يحذف الاسم