⚫⚪⚫⚪⚫⚪⚫⚪⚫⚪⚫⚪⚫⚫⚪⚫⚪⚫ ⚪⚫⚪⚫⚫⚪⚫⚪⚫⚫ ╔
▫▫▫ ═══════════╗
🍃🌺🍃 @ganjine5🍃🌺🍃 ╚═══════════
▫▫▫ ╝
#کانال_مدح_و_مرثیه#حضرت_زهرا_س#مرحوم_ذهنی_زاده_______________________________
✍ بخش1
اي يگانه گوهر گنج حيا يا فاطمه
عصمتي عين مراد كبريا يا فاطمه
______________
◾◼◾__________
نور ذاتون ايتمه سِيدي خلق اگر خلق آفرين
بير يارانموش خلق اولونمازدي ولو عرش برين
سنله سايدي علّت ايجادي جبريل امين
بو بياني شرح ايدر فصل كسا يا فاطمه
______________
◾◼◾__________
آتشين درياي حُسنوندن مگر بير قطره آب
چشمه ي خورشيد عالم تابه ويرموش آب و تاب
سير ايدر دنياني هر گون بو اميده آفتاب
بيرده بير قطره او دريادن آلا يا فاطمه
______________
◾◼◾__________
اولماسِيدون سن اگر اي سوم اهل كسا
كيمسه اولمازدي هامي دنياده كُفِّ مرتضي
اولماسِيدي مرتضي اولمازدي كُفّون مطلقا
اي سنون كُفّون فقط بير مرتضي يا فاطمه ______________
◾◼◾__________
سن جلالتده خانم حاشا بو دنيايه گله
مِثلوَه هيهات مامِ خلقت اولسون حامله
بحر وصفونده داياندي كشتي عَقليم گله
غرقه ي گرداب حيرت ناخدا يا فاطمه ______________
◾◼◾__________
سن او بانوسن كه مثلون بيرده گَلمَز عالمه
مايه ي فخريّه سن عالمده نسل آدمه
سن فداهايه مخاطب سن رسول خاتمه
بو خطابي وحيا ايتموش مصطفي يا فاطمه ______________
◾◼◾__________
گلشن پيغمبرين تك بير گل رعناسي سن
بوستانِ اصطفي سرو چمن آراسي سن
باغ فردوس حيا و عصمتين طوباسي سن
سندن اخذ ايلر حيا هر با حيا يا فاطمه ______________
◾◼◾__________
سن او بانوسن كه چرخ عصمته تك ماهيدون
كاملاً احكام شرعه عامل و آگاهيدون
دودمانون ايچره ده محجوبه هر بير گاهيدون
اولمادي چادر باشوندان آيريلا يا فاطمه
______________
◾◼◾__________
فرضيه شاهد همان فصل مفصّل مُجملي
كاش اوليدي شل سنه سيلي ووران ظالم اَلی
قويمادون سيلي يرين گورسون حياتونده علي
چادر آتدا ايلميشدون اختفا يا فاطمه ______________
◾◼◾__________
گوردي غسلوندا علي سيلي يوزين نيلي ايدوب
پاره جايِ گوشوارون هم او بير سيلي ايدوب
چشمه ي اشكين يوزينده مرتضي سِيلي ايدوب
آز قالوب بو سِيل ايده كوني فنا يا فاطمه ______________
◾◼◾__________
باخدي ياندي شدّتيله سس چكوب بير آغلادي
راه صبري كانِ صبره بير بو نسگل باغلادي
قلبْ قلبِ عالمي تك جاي سيلي داغلادي
نه او قمچي يرلري نه بير يارا يا فاطمه ______________
◾◼◾__________
بُلمدي افسوس قدرون ملّت بي شرم و حيا
هم قاپون ياندوردي هم ايتدي وجودون زخم دار
هم در و ديوار آراسندا قويوب ويردي فشار
اولدون اوندا درد سقطه مبتلا يا فاطمه ______________
◾◼◾__________
سسلدون گل فضّه درگاهيم الولاندي منيم
هم بالام سقط اولدي هم سينم يارالاندي منيم
هم سنوب پهلو، آلشمش قلبيم اودلاندي منيم
يانديروب قلب جهاني بو ندا يا فاطمه ______________
◾◼◾__________
يتمه ميش امداديوه درك ايتمه ميش فضّه سني
بُلمورم نولدي گنه بيله چاغردون فضّه ني
فضّه گل بو ظالم بي رحم اليندن آل مني
يتدي سمع لافتايه بوندا يا فاطمه ______________
◾◼◾__________
ديشره چخدي چوخ شتابيله ولي كردگار
گوردي ضعف ايچره يخلموش عصمت پروردگار
هم جنينون سقط اولوب هم چادرون باشدان كنار
غيرت الله اُستوَه سالدي عبا يا فاطمه ______________
◾◼◾__________
ياده سالّام هر زمان كه من سنون آلاميوي
رام گُورَّم هر بلايايه دل آراميوي
ليك بُلّم قان ايدوب بالله او قلب راميوي
ضعف حالنده يخلماق خلق آرا يا فاطمه
______________
◾◼◾__________
سن اوتاندون كه يخيلدون گوردي نامحرم سني
ايتدي مين لر درده عمرونده بو غم همدم سني
سالدي آخِرده اَياقدان بو غمِ مُدغم سني
نه بُلر بيگانه، آنلار آشنا يا فاطمه ______________
◾◼◾__________
حق ليسن بير درد بي درماندي اهل عفّته
چشم نامحرم ساتاشسون بير حيالي عورته
خوشدي اُلماق گوز ساتاشسون هر اهل عصمته
ايستر اولسون بو نظر اصلا هوا يا فاطمه ______________
◾◼◾__________
حاش لله بير گورن اولدي رخ گُل ناروي
حاش لله گوردي بير گوز، طلعت رخساروي
ليك مشغول ايلدون بو نكتيه افكاروي
چادرون اولدي نيه باشدان جدا يا فاطمه ______________
◾◼◾__________
حاله گلدون ضعفدن، گوردون عبا اوستونده وار
بو عبادن پي آپاردون مطلبه دوتدون شرار
ضعف ايدنده چادرون بولدون اولوب باشدان كنار
اولدي قلبونده بو دردون بي دوا يا فاطمه __________________
◾◼⬛______
_______________
◾◼⬛_________
___________
◾◼⬛____________
✅کانال مدح و مرثیه
❗لطفا با ذکر منبع فوروارد کنید
❗ ╔
▫▫▫ ═══════════╗
🍃🌺🍃 @ganjine5🍃🌺🍃 ╚═══════════
▫▫▫ ╝
ادامه
👇👇👇⚫⚪⚫⚫⚪⚫⚪⚫⚪⚫⚫⚪⚫⚪⚫⚪⚫⚪⚫⚪⚫⚫⚪⚫⚪⚫⚪⚫