قـــناة عطـــاء الرحمــن

أللهم صلى على محمد وال محمد
# قصيده للزهراء عليه السلام


خلنشيع فــــــاطمه هاليله
زينب على امها دمعها تسيله
❀ ┉♔❃🖤❃♔┉❀

خلنشيع فاطمه بصوت الحزن
نساعد الحره عليهه من تون
آه ياگلب العقيله من يحن
على فراگ الوالده انحيله

❀ ┉♔❃🖤❃♔┉❀

يله يشيعه شيعوا الطاهره
زينب الليله عل أمه محيره
تذكر أصواب ظلع وشماجره
وتحجي لبوها بلهضم تشكيله

❀ ┉♔❃🖤❃♔┉❀

تشكي الأبوها وتروي الفاجعه
اتگله خلف الباب الزهره واگعه
شفت بعيوني المحسن مصرعه
وطاح على الگاع ومحد يشيله

❀ ┉♔❃🖤❃♔┉❀

إجت فضه ياويلي وشالته
متعور المحسن جنهه عرفته
من أثر عصره صارت وگعته
والزغير اليوم دمعنه انسيله

❀ ┉♔❃🖤❃♔┉❀

نلطم أوياها ونهمل هل دموع
ونصيح يازهراء ياكسر اظلوع
وهاي ايتامج عل فراگج تلوع
وبفگدج حسين تره وجر دليله

❀ ┉♔❃🖤❃♔┉❀

تمت بعون الله العزيز القدير
بأقلام الخادمات الزهراء عليها السلام

✍# الشاعره كوثر ناجي ام حسن
✍# الشاعره سـهام المـالكي

غير مبري الذمه من يحذف الأسماء

https://t.center/fuieqtiot

قصيد للزهراء(عليه السلام )

المستهل


آه يالباب عذبني
----------------------

الجمر بيه ياهلباب ضل يسعر
وي كسرت ضلعها كلبي تكسر
تريد تگوم من الألام ماتكدر
طفله وأنضر على أمي وتصور

صور عالـــبال گـــــــدامي
شفت محسن نزف دامي
ربت ويـــــــاي ألامـي

من صاحت الولد يبني
آه يالباب عذبني
----------------------------

نزل دمعي جالجمره وحرگلي الخد
من زغري الحزن بيه ضــــــل يمتد
مصاب أمي ومصايب عندي ماتنعد
بزمن ضالم لعــــــــد ضالم يتمرد

على الزهره طغوا ضلام
من عدهم أجتني الشام
الحرك الدار سبه الأيتام

هذاك من زغر هدني
آه يالباب عذبــــــني
---------------------------

نمرد گلبي وما أگدر أحجي الصار
شفتهه شلون بضلوعها نبت بسمار
وهيه بيه محتاره وتطفي النـــــــار
وجنهه تگلي يازينب الوكت ينــدار

هذا الصار يضل ثابت
بنحر حسين سهم نابت
وأنتي ألي تحضرينه

وبدمعتهه وصتني
آه يالباب عذبني
-------------------------

بقت علبال مشيتهه من تمشي محنـــيه
شكثر بيهه معاني هواي وأسرار المخفيه
أحسبيهه وعشت بيهــــــه شبقى بيـــــــه
انه مــــــــــن زمان مــو من هسه مسبيه

قصص نكتبت عالباب
ومنهن قصة الحجاب
العفيفه ياخلك تنهاب

رساله أمي خلتني
آه يالباب عذبني
----------------------------

سولـــــــــف هالــــــــــزمن بينه وبشجاعتنه
انه وأمـــــي رفعنــــــــه الـــــــــدين أبعفتنه
ركــــضنه بين خيل ونار وباب الــدار شتتنه
الجرى بينه المصاب أنواع ولاطاحت عبايتنه

هذا المعنه والقصــــــود
خضوع وطاعه للمعبود
بقدرته أحنـــــه تميزنه

خص أمي وبعدخصني
آه يالباب عذبني
------------------------

✍️خادمه أبا الفضل ع
كوثر ناجي أم حسن
https://t.center/fuieqtiot

فزاعيه جنوبي للاكبر(ع) رباط هوسه

الأكبر طاح ومسرع اجاه الحسين
وطب المعركه وفرق الصوبين

❀ ┉♔❃🖤❃♔┉❀

مسرع اجاه وطاحت من العمامه
وهاي الخيل وأهل الخيل گدامه
يشوف ابنه يا ويلي نرضت اعظامه

(طايح وين #يا ابني يا علي وين)

❀ ┉♔❃🖤❃♔┉❀

وصل يم الحسين شلون حاله
موذر عالثرى گطعو اوصاله
وگف محتار ويلي وبچه اگباله

(وطاح عليه #گدام الملاعين)


❀ ┉♔❃🖤❃♔┉❀

نام أحذاه وتمدد بطوله
يگله يا علي ما بيك لوله
شبيه المصطفى كلهم يگلوله

(على جسم الولد #دم هملت العين)

❀ ┉♔❃🖤❃♔┉❀

شحاله حسين من رد على العيله
علي طايح يا زينب اا يا ليله
اموذر هالولد ما اگدر اشيله

(انكسر ظهري يا زينب# وصار نصين)

❀ ┉♔❃🖤❃♔┉❀

على ابنه اليوم ويلي صبح مكسور
ومأجور اليعازي حسين ماجور
أريدن اوگفته ابنفخه الصور

( الزهره وياه# توگف للمعزين)
____

✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot

(بحر القصير)
(مفاعيلن مفاعيلن)

المستهل
من صول علي الأكبر
طب للحومه يتبختر
-------------------------
طب للحومه يتباها
ايصيح انه شبل طه
تبچی الجيش خلاها
حارت مالهه معبر
----------------------
كلمن راد يمه يفوت
من سیفه یشوف الموت
خله خيلهم تابوت
صاح انه شبل حيدر

✍ الخادمه الذليله
-------------------------------
من صول شبه طاها
كص الروس سواها
حارت وين منواها
مترهي ابكلب مستر
✍ام حسن سليماني
-----------------------------
هز الكاع بالحومه
والجيمان مهزومه
الاكبر شايعه اعلومه
وجه جالكمر يزهر
✍ام عباس الحسيني
----------------------------
علي الاكبر شبه جده
وخذاه الزود من عنده
وشحده الوصل حده
يصيح بزود ظل يفتر
✍ ام امير الموسوي
-------------------------------
هاذه البطل تدرونه
شجاع وترهب افنونه
ماهاب اليعادونه
بالحومه نكس العسكر
✍ ألاء
---------------------------
يشبه عمه جيدومه
الاكبر شاعت اعلومه
من طبوا على الحومه
عدوانه عليه تفتر
✍ام مهدي
------------------------------
تمت باأقلام خدمات الزهراء غير مبري الذمه حذف الأسماء

تم الاشراف برابطه كفيل زينب للشعر واختكم ام حسن الخادمه الذليلهhttps://t.center/fuieqtiot

اللهم صلِّ على محمد وآل محمد

قصيده الابو الفضل العباس (ع)

وزن نصاري


فاتن نايبات وحلــــن اجـــــروح
وابو فاضل جفيلي بعده مطروح

┈•┈┈★•$ ✿ $••★┈┈•

وسفه عالنهر مگطوع الزنــود
زينب بالحــزن والگلب ممرود
هدم حيلي مصابك ريتك تعود

وروحي بغيبتك مابطلت النوح

فاتن نايبات وحلن اجـــــــروح

.✍مريم العبوديه اسيرة الاحزان💔
┈•┈┈★•$ ✿ $••★┈┈
انته اللي كفلتني اتعوفني اشلون
بعدك يابو فاضل لعمي العـــــيون
گلبي بغيبتك عباس محــــــزون

ليش انه العزيزه اتخلني وتروح
فاتن نايبات وحــــــلن اجروح

✍🏻. خادمة الحسين مريم عاشور
┈•┈┈★•$ ✿ $••★┈┈•
افراگك يغالي تدري يصعب
دلالي ابمصابك هلتصـــــوب
حزنانه اگظي الليل وانحب

وسط روحي إسهام افراگك اتلوح

فاتن نايبات وحلن اجروح

✍🏻ام زهراء الزيداويه البصراويه
┈•┈┈★•$ ✿ $••★┈┈•
سهم الصاب عينك صــوباني
اجيت وياك ياروحي وحناني
وسف سهم الغدر بيكم رماني

يالوعة مصابي تهدم اصروح

فاتن نايبات وحلن اجروح

. ✍🏻سهام المالكي
┈•┈┈★•$ ✿ $••★┈┈•
يشيلت راس يلراسك المـــــضروب
على عيونك الحلوه الكلب مصيوب
مطلوب العتب وياك مطلـــــــوب

خويه ياكفيلي وبلسم الروح

فاتن نايبات وحلن اجروح

. ✍🏻الخادمه الذليله
┈•┈┈★•$ ✿ $••★┈┈•

دليلي بغيبتك ياخــويه ذايب
رماني بسهم يادهر الــنوايب
بعمود الراس واهات المصايب

اون الفرگتك ابصوت مبحوح

فاتن نايبات وحلن اجروح

. ✍🏻خادمة الزهراء / ليلى زغيب
┈•┈┈★•$ ✿ $••★┈┈•
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان https://t.center/fuieqtiot (( ع))

اليوم التاسع من محرم لطميه للاكبر ( ع)

طور المثكل


حزينه أمك ياوالي
بضلم جور اليالي
____

حزينه امك يالأكبر
نار بحشاها تسعر
شباب وراح محسر
فگدت عزي ودلالي

____

بفگد عزهه حزينه
شباب وحلوه سنينه
تصيح الولد وينه
المثل ضلي وخيالي

____

مثلك بعد مالگى
طول الدهر ارفگى
ياحلو ذاك الملگى
طول العمر يبرالي

__

بالدنيه ماكو مثلك
حته اخلفه بعدك
شبيه النبي جدك
جدك محمد غالي

____

يا وارث نور طه
بهذا الورث اتباهه
بعد وين ألگاهه
سويت يابني بحالي

__


ابجاه أمك ليله
وحزن دمع العقيله
تقبل خدمه قليله
بطريق حسين عيالي
_

أريدن منك طلبه
هلخط بيدك توصله
حسين ابوك يقبله
ويرفع بيده اعمالي
___
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot

قصيده شجاعة لعلي الأكبر عليه السلام
المستهل

صول ابن حسين وبميدانها
كامت اتموج الارض بركانها
شبه جده من فات
علي راعي الكلفات
بسم حيدر سجل عنوانها
-------------------------------
برز ابن حسين حيرها العده
كالو الكرارجرد مفرده
اختلت العدوان وبيهم اسده
زرع بيهم طعنات
شبه جده من فات
بسم حيدر سجل عنوانها

✍#الخادمه الذليله
---------------------------------
علي الاكبر صاح انه ابن الحسين
أشبه الناس بنبي المسلمين
من أبو فاضل غيرتي عمي الحنين
وبيه منه شارات
شبه جده من فات
بسم حيدر سجل عنوانها

✍ #أزهار جبار الجياشي
_____
ناده الأكبر على كوم الحاقدين
احنه اليوث الحرب وبكل حين
ماخذين الوفه من ام البنين
بلسيف نضرب صولات
شبه جده من فات
بسم حيدر سجل عنوانها

✍ #المله ام حمودي
_____
حسين لمن شاف مدلوله افتخر
راكب أعلى الفرس وعليه نظر
مثل جده الحيد يالرايد خبر
ضرب بيهم ضربات
شبه جده من فات
بسم حيدر سجل عنوانها

✍# أم رياض الاحمدي
______
كحل البيض بدماء الكافرين
وأمه تدعي تريد اربات السنين
تدعي ها يالراد يوسف وبأنين
لا تفرح الشمات
شبه جده من فات
بسم حيدر سجل عنوانها

✍ # أم كيان
___
صال العدوان إبن خير العمل
طشر الروس بيمينه من وصل
مثل عمه الضيغمي ذاك البطل
من الذله هيهات
شبه جده من فات
بسم حيدر سجل عنوانها

✍ #أم مهدي الفرطوسيه
______
هاذا الأكبر صال وطب للحرب
مثل حيدر مايثني بلضرب
من دخل للحومه ياهو الي كرب
خله مجمعهم شتات
شبه جده من فات
بسم حيدر سجل عنوانها

✍# سهام المالكي
______

تمت بعون الله العزيز القدير
بأقلام الخادمات الزهراء ع
في تجمع الشاعرات
نسألكم الدعاء

قناة عطاء الرحمان
متدادي من الإمام الرضا عليه السلام
https://t.center/fuieqtiot

لطميه للقاسم ابن الحسن عليه السلام


يمه عجني حنتي هذه دم برگبتي
يالله حنيني
يالله حنيني
__

صوت من نحر الشباب
جفه يحجي ويلخضاب
حنه حطوا عللمصاب
وبيهه دمه عيني
يالله حنيني
_

سمعي ونات النحر
اليوم عريس أنتصر
بالشهاده أكبر فخر
للگبر زفيني
يالله حنيني
____

ههلهلن ليه السيوف
ودگن أبواق الطفوف
اليوم عريس وتشوف
بلدمه امغسليني
يالله حنيني
____

من طحت يمه عللثره
شفت شيبه مغبره
ناده انه حيدره
ويبوسني من جبيني
يالله حنيني
__

شفت زفه بالسمه
بيهه أمي فاطمه
نادت ياشيعه ولاطمه
علولد عازيني
يالله حنيني
_____
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot

لطميه القاسم ابن الحسن عليه السلام


جاسم بالحرب معرس يگولون
سيوف رماح گدامه يهوسون
____
جاسم زفته سيوف ورماح
ماظنه اعرس و بي الافراح
طب الحومته وگلبي ما مرتاح
خاف من دمه چفه يحنون
_
حنه منين بس دماه بيده
وين الحسن خل يحضر وليده
شهيد ابنه وهذا اليوم عيده
بطفچ كربله كلهم يعيدون
___
هالشباب منين جايب هالبساله
عرس ماراد بس موت الحلاله
أدب واخلاق ياطول وجماله
يالوجهك حلو ووساع العيون
__
جايب هالشجاعه من عمامه
حلوه ولايگه براس العمامه
امه عليه مثل گلب الحمامه
كل ساعه تموت موته ويل يموتون
____
جابه للخيم حسين ينعاه
زينب صاحت يارمله اويلاه
امه شيبهه صبغته من دماه
ياعرس گلي بحومه الكون
____
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot

اللهم صلِّ على محمد وآل محمد

لطميه القاسم ابن الحسن عليه السلام


أعذر هلولد ياناس أعذره
يلعطره عطر أمه الزهره

ياجاسم يادلالي رسم عينك حلالي

ـــــــــــــــــــــــــــــــــــ

أعذر هلولد ياناس معذور
انه الوالده ومن گلب مقهور
ماشفنه اليموت يبقى ينور
من نورك أخذ يايمه الحور
جمالك ماوصفه اطمك يمه وسفه

ياناس اشلون طميتوا بگبره
ـــــــــــــــــــــــــــــــــــ

حاچيني صدگ يايمه مكتول
لو نومك حلو ياحلو الطول
جابه عمه للخيمه محمول
صحت عوفو الولد نايم المدلول
لمن شفت دمه تخضب بيد عمه

طحت من طولي وبانت الكسره

ـــــــــــــــــــــــــــــــــــ

محله عمامته يحطهه عللراس
حسين بطلته وروعت العباس
هذا ابن الحسن وتعرفه الناس
يلكله كرم وغيره وإحساس
أبني بعمره يفدي أجل دينه يضحي

فده لحسين روحه ودينه ينصره
ـــــــــــــــــــــــــــــــــــ
أعذر هلولد چه فده دينه
من دم النحر حنينه ادينه
صحت وين الحسن اليوم وينه
جاسم علثرى يجهر ونينه
ابنه خل يشوفه بدمه حنه اچفوفه

وكثرات الطعن كلهه بخصره
_

ثوبه من الثره وسيوف تزفه
مخضب بالدمه خدوده الترفه
وسفه عليك يمه وألاف وسفه
حسين عليك انحنه وصفگ چفه
بعدكم يبقى وحيد وذبحه الگوم تريد

وبلخيل العده يسحگون صدره
ـــــــــــــــــــــــــــــــــــ
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot

لطميه شجاعيه بحق القاسم ابن الامام الحسن (ع)
بيوم الثامن من محرم

المستهل

القاسم سطع نورآ
بالطف أخذ دورآ
صاح القاسم للنزال
بالطف أخذ دورآ
------------------------------'--------
اليوم هذا ابن الحسن
بارز ولابس جفن
صوت صيحاته أعتلن
اعداه بقت مذعوره
-----------------------------'--------
بيوم من صار النزال
جاسم يحلاله القتال
يانعم هاي الأشبال
للحرب مذخوره
----------------------------'---------
يجاهد الأجل دينه
يضحي الأبو سكينه
مرهفه بيمينه
ورايته منشوره
----------------------------'-------
منين هلشاب الأجه
خله هلكون أرتجه
من عمه ماخذ منهجه
وسيرته المعموره
----------------------------'-------
سيرت اجداد وعمام
يانعم هذا الغلام
بضربته فارس همام
وهدته الذكوره
----------------------------'--------
هلهليله عمته
اليوم حلوه زفته
حنه بيهه يمنته
من رگبته المنحوره
--------------------------------'-------
سجل موقف للشباب
الأجل دينه هلرگاب
معرس وفوگ التراب
هذا العرس اسطوره
-------------------------------------
✍️الخادمه كوثر ناجي أم حسن
القصيده أمانه عند الزهراء(عليها السلام )
ولا يجوز شرعا حذف الأسم
https://t.center/fuieqtiot