الموت بيستناك فـ جملة قاسية من حبيب فـ غلطة من مشرط طبيب فـ حادثة ع الطريق الزراعي فـ خيانة ملهاش داعي فـ شتيمة تسحق كرامتك فـ القِسْم أو من خلل فـ وظايف الجسم من طلقة طايشة وأنت مش مقصود من خلق عايشة بتحضنك ببرود من صورة جماعية وأنت مش فيها من ضحكة عادية .. بتفكرك بيها من فشل متكرر فـ قراية الناس من التورط بالصدفة فـ الأحداث من حلم كان قريب .. واتبخر من كانسر .. بيكتشفوه متأخر من خبر صادم يسبب جلطة من ظلم فادح من قبضة السلطة بين الجحيم والجنة يدوب غلطة لذا وَجَب التنبيه الموت هيستناك للآخر مهما تتأخر عليه .