لو في حاجة اتعلمتها بالطريقة الصعبة في الدنيا فهي إني ما اخطط للتفاصيل، وإنما احدد هدف عام، واتوكل على الله واسعى واتحرك.. بس كده بدون تفكير كتير، اقول ان شاء الله حابة اعمل كذا، واسعى وبس. والسعي اللي بسعاهُ ده بيكون منقسم لنوعين: سعيِّ الحقيقي: دعواتي، تضرعي، استغفاري، صلاتي على النبي، ركعتين القيام، الركون لله. وسعيِّ الدنيوي: اني اتحرك بالمتاح قدامي ولو كان قليل ولو كان بمقياسي ماينفع. وحرفيًا مافي أجمل من اللحظة اللي بتستشعر فيها انه ربك يلاقي بالك منشغل بيه هو بس سبحانه، بذكره، وبتعمل بالأسباب وتتوكل بدون ما تشغل بالك بطريقة تحقيقها وتدبيرها لان ربك المدبر.