💔لطميه ثكيله للديران من ديوان احزان مؤلمه خاص للفواتح
👈٣ج
💔دار اهل المحنه... حزنانه وعمتنه
جينه اليوم ليها... شوغايب وليها
ظلمه وهدمتنه... حزنانه وعمتنه
➖➖➖➖➖جينه اليوم ليها... بس نجر بالونين
وين اعزاز كلبي... عنج حملو وين
خلوانه المباني... من اوجوه العزيزين
وين انشوف الاحباب... نامو جوه التراب
فركتهم كضتنه... حزنانه وعمتنه
➖➖➖➖➖➖فركتهم كضتنه... ولله وذابت الروح
لفراك النودهم... ضل الكلب مجروح
حكهه تون عليهم... حكهه تزيد للنوح
فاركنه النودهم... مايرجع شملهم
والدار اهضمتنه... حزنانه وعمتنه
➖➖➖➖➖➖والدار اهضمتنه... منهه الوالي مفكود
شلون نمر عليها... ونعكد بيها اكعود
انصدالهه حزينه... ضل الكلب ممرود
تعمي ولله العين... يادار العزيزين
وحشه وصوبتنه... حزنانه وعمتنه
➖➖➖➖➖➖وحشه وصوبتنه... وصحنه بصوت عالي
يادار المحنه... هم يرجع الوالي
ماظنه الي يعود... وترد الغوالي
هايادار اهلنه... وين اهل المحنه
هالفركه اكتلتنه... حزنانه وعمتنه
➖➖➖➖➖➖هالفركه اكتلتنه... ماضل صبر عدنه
نهمل دمعة العين... والونه اعله ونه
صارو عنه بعيد... ليش اهل المحنه
مايلفون اليه... ولانكعد سويه
هالدنيا احرمتنه... حزنانه وعمتنه
➖➖➖➖➖➖هالدنيا احرمتنه... وضيعنه النودهم
لايرجع شملنه.. ولايرجع سمرهم
هايادار وني... وني اوياي الهم
وني مثل وني... للي مشو عني
الغيبه المتنه... حزنانه وعمتنه
تمت
✍️ الشاعره والمله ام حسين العامري
غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له
الديوان موجود في جميع المكاتب ديوان
🔥🔥وكلامه يوجع الكلب وحزين
اضغط على رابط قناة اليوتيوب ليصلكم كل جديد
👇👇👇https://youtube.com/@user-sw9pj5uh2n?si=_RfAhoYhdzxqZWxiاضغط على رابط قناة التلكرام ليصلكم كل جديد
👇👇👇https://t.center/firyjgssMeropmm
