(1) لو كنت خاطب بنت والخطوبة اتفركشت لسبب ما وهي تعبت نفسيا بعدها جدا، أنا كده هشيل ذنب تعبها النفسي بعد الموضوع؟ ج/ لا ............ (2) ازاي يا شيخ مش هيشيل ذنبها، هي كسرة النفس دي مش ذنب؟ ج/ لا مش ذنب. الشخص اللي يمارس حقه في فسخ خطوبة بسبب عدم قناعة بالإكمال أو بسبب مشاكل أو غير ذلك - سواء كان الشاب أو الفتاة - ليس عليه شيء في ذلك، وإذا كان الطلاق نفسه جائز ازاي هتشيلوا اللي يفسخ خطوبته ذنب!! ما يترتب من ممارسة الإنسان لحقوقه من ضرر نفسي يقع على غيره مسئولية الغير وليس مسئولية الشخص، زي حضرتك لو رفضتي شخص بيحبك وهيموت لو ما قبلتيهوش لإنك مش مقتنعة به فده حقك وما يصيبه من ضرر نفسي برفضك دي مشكلته هو، وحتى لو انتحر بسبب ذلك فدي مشكلته هو مش مشكلتك ولا أنت مطالبة تجاهه بشيء. ............ (3) طب والكلام والوعود اللي بيقولوها الرجالة في الخطوبة دى بعد ما يعلقوا بنات الناس معاهم وبعدين يخلعوا ويقولوا نصيب .. ج/ طيب وليه البنات بيسمحوا لهم بكده وهم عارفين إن الكلام ده حرام وإن الخاطب زيه زي أي أجنبي؟! طيب ولو العكس حصل الشاب هو اللي تعلق بالبنت والبنت بعدها قررت تفركش لأي سبب !! اللي متجوز ممكن يطلق فحضرتك عايزة تاثمي الخاطب لما يفركش؟!! لو فيه تجاوزات حصلت فهي مسئولية مشتركة وكل طرف مسئول عنها من جهته وكل طرف مطلوب منه يوقف هذه التجاوزات. الحالة الوحيدة اللي ممكن يبقى فيها إثم على أحد الطرفين إن هو يكون من البداية مش قصده الخطوبة إنما قصده الخداع والتلاعب، أما إن اثنين يتخطبوا وبعد فترة واحد فيهم يقرر إنه مش هيقدر يكمل لأي سبب فده حقه الكامل وعلى المخطوبين إنهم يبقوا فاهمين ده وفاهمين إن الخطوبة ليها ضوابط ويلتزموا بها. ............ (4) طيب لو الفسخ تم بأسلوب وحش جدا وبعدم تقدير ليا، حزينة على الأسلوب اللي تمت معاملتي بيه مش الفسخ نفسه، وبصراحة مش مسامحة، كده مش من حقي برضو؟ ج/ الأسلوب السيئ الغير مبرر نفسه غلط ومن التجاوز مع أي حد مسلم أو حتى ذمي، ولك حق طبعا ما لم يعتذر وتقبلي عذره، أما مجرد الفسخ فده مش ظلم. الشيخ هيثم سمير #الخطبة #تصحيح_مفاهيم