هذا كلام كايله سابقا واعيده للتذكير من خباثة ابليس انه يغير ويشوه المفاهيم شلون يعني مثلا عدنه بنت محجبة وملتزمة بحجابها وعدنه بنت تحط مكياج وملابسها موزينه تلكه المحجبة والملتزمة بحجابها تحتك مع الاجانب وكلامها معاهم مو راهم ومزاح وضحك بيناتهم والى تحط مكياج تلكاها محترمة ومخليه حدود بينها وبين الاجانب فأبليس يتركك ملتزم بأمور ويخليك توكع بأمور اخرى علمود يغير الموازين ونضرة الناس للاشياء والامثله كثيرة فلا تتهاونون ويه ابليس ونفسك واعرف عدوك شكد مكار وخبيث يجوز ابليس يقنع البنت تلتزم بالحجاب ويقنعها تتصرف تصرفات تخالف الحجاب ويجي لبنت اخرى يخليها تخلع الحجاب او تخالف شروط الحجاب ويقنعها انو ماتحجي ويه ولد وتلزم حدودها كله علمود يغير المفاهيم ويخلي البنت الي تلبس حجاب وساتره نفسها يصير المجتمع ينضرلها نضرة موزينة ومايأمن الها والمتبرجة تصير هيه المحترمة ومحط احترام المجتمع