@faryade_irane فریاد ایران

بلۆچئے دۆد و رَبێدگ

بلۆچئے دۆد و رَبێدگئے رۆچ په بلۆچا یکّ بێمٹ و سئولێن رۆچے که بلۆچئے شاتکامیانی دراَنگازئے رۆچ اِنت.

انچش هر راج و کئومے یکّ شاتکامی‏ای رۆچے هست، جژن گر اَنت و وڑ وڑێن درۆشمان شاتکامی مراگشان برجمَ دارنت شادهیان په گل و چَلے دراَنگازَ کننت. انچش بلۆچ راج اے رۆچا هم په مڑاهے برجمَ داریت، گۆن همدلێن دۆستان یاران زان په زان بنت، وشّێان دراَنگاز کننت.

اگن بلۆچ راجئے پژدرا چمشانکے بدئیێن گڑا گِندێن که بلۆچ راج چه دۆد و رَبێدگا دست هالیگێن راجے نه‌اِنت و انچش اے دگه راجانی پئیما بازێن دودانی واهند و اَزگارێن راجے لێکَگَ بیت.

بله پدا هم چه یکّ نێمگے گِندگَ بیت که بلۆچ راج چه وتی دۆد و دابانی دارگا یکّ کم رنگیئے گیمُّرگئے آماچ اِنت، اے کم‏رنگی گیمُّرگئے سئوب بالادستێن شئوونیستێن راج اَنت که بلۆچئے دۆد و رَبێدگئے سرا اَنگر کنگَ کرتگ بله بلۆچ راجا وتی دۆد و ربێدگ په شرّێن وڑێیا پهازتگ.

بلۆچئے ڈئولدارێن دۆد و ربێدگ  کرنانی کَچاه گۆن بلۆچئے زندا همگرنچ اِنت و مُکمێن باسکان بستگ و سمبالتگ.

#گروه_خبری_تحلیلی_رسانک
#دود_ربیدگ #زبان_بلوچی


@faryade_irane ‌‌‌‌ 👈 کانال فریاد ایران