رایح وین. ...واتخلی ابنیتک وحدها رایح وین...غیر الله وغیرک ماعدها تنذل البنت ابلا ابوها اخذوها ولا لتخلوها علیله ....علیله ......... شابحه العین الدربکم ماترف عین تگول بلکت الله وایرد لیها لحسین الطفله ضلتها شنی من غیر اهلها اشلون تکضی ایامها ولعزاز ماشین اشلون اتعیش...گلولی الورده ابلامای اشلون تعیش...وتباوع علرایح جای مارادت تبقا وخلوها وابچلمت ضلی اذوها علیله......علیله ............. مانی بتکم یاهلی اتخلونی وحدی ضِلتی شنهی واَضلن شنهی عندی عیشه الگشره اضلن عایشه المن ساعه ساعه انحب واهل دمع اعله خدی اشگد ابچیت .....وبچیت اعلیه الحیطان اشگد ابچیت .....ماحصلتو امشانی مکان اخدونی اویاکم اخذونی والوحدی ولا لتخلونی علیله ......علیله .......‌‌‌‌‌............... بویه لیش اهنا تخلینی وحیده والله بخلافک یبابا الموت اریده بویه من اتروح یصیر البیت ظلمه چانت اویاکم انا ایامی سعیده راح الخیر....من گلتولی لاتمشین راح الخیر....من گلتو اهنایه اتضلین میته ولاهیچ اتگلولی لاقل بس واحد خلولی علیله....علیله ............... بویه اخذنی اویاک وانطیلک وعید والله حتی المای ماگولن ارید وین ماتخلینی مااحچی واگول وحشه دنیا ابلا ابو وابلاعضید ابلاخوان.....لاضلت وحده من اخوات ابلاخوان.....لابنیه الوحدها اتبات کل اخوتها اهنا عافوها اب نرجعلچ کلهم سکتوها علیله ......علیله ............................ ایست منکم هلی ماضن ترجعون گاعده وصفگ اگول اشلون واشلون لالی حیل اتبعهم واندل دربهم و لاکوناس امن الاهل اخبار ایجیبون بالله اشلون.....ابقا و ویاهم ماروح بالله اشلون...یارب تاخذ منی الروح محتاره الوحدی عافونی اوهام اتمرنی خلونی علیله....علیله .......... فاروق العیساوی