اللى شجعوكم على خراب بيوتكم .. هتلاقيهم عايشين حياتهم مع أزواجهم اللى قالتلك زوجتك / زوجك سىء ومينفعكيش .. هتلاقيها عايشه حياتها وسط أولادها .. وبرضو ممكن تكون سيئة مع زوجها ومستحملها بالعافية !! خراب البيوت مش بالساهل . أوعوا تسمعوا لأى حد يحرضكم على بيوتكم مهما كان قريب منكم .. اللى كانوا واقفين وبيدعموكم عشان تخربوا بيوتكم أول لما يتم الطلاق والبيت يتخرب هم أول ناس هيبعدوا عنكم ويتفرجوا عليكم من بعيد الكل فى النهاية هيكمل حياته وأنتم حياتكم اللى هتقف وهتخسروا بيت واستقرار وزوجة / زوج وأولاد وسنين طويلة فاتت وعشرة حلوة هانت !! حاجات لو راحت عمرها ما هترجع والتمن هتدفعوه لوحدكم فيه ناس عشان هى تعيش كويس وتبقى أحسن بترضى بخراب بيت أقرب الناس ليها بس أهم حاجه هى تبقى أحسن البيوت مش بتتخرب وتتهدم بالمشاكل ولا بالمواقف الصعبة ! البيوت بتتخرب بشياطين الإنس وبالنفوس الخبيثة اللى بتتحشر وتدخل فى اللى ملهاش فيه ويخببوا الأزواج على بعضهم ويسلطوهم على الطرف التانى فيه ناس كتير بتهد بدل ما تبنى فيه ناس كتير بتظهر لكم أنها خايفة عليكم وعايزة مصلحتكم وهى بتكون أكتر ناس بتضركم وعايزه لكم الخراب مش كل النفوس سوية ولا كل الناس بتحب الخير لبعض صدقونى فيه ناس بيكونوا عايشين سعداء جدًا وحياتهم بتتخرب أول ما يتدخل طرف تالت فى العلاقة ربنا يحفظنا جميعًا من خرابين البيوت الشياطين اللى على شكل ملايكة وفى النهاية الخير والشر اللى بتعمله بيرجع لصاحبه فى أغلى ما عنده وكما تدين تدان 👌🏻 ورعوا الله فى أزواجكم وفى بيوتكم وفى انفسكم #منقول_للاستفادة