نصحى الصبح نطلع على البلد نلاقي احمد ابو صلاح بكزدر مع الشباب و بضحك ضحكته و بقولك كيف حالك يا اخوي بعدها ننزل تلا جامع الشهيد نلاقي احمد ابو سياج و ربيع قاعدين عند الجامع و بضحكوا و بمزحوا مع بعض ، ننزل تلا الجامعه نلاقي الشيخ ابو النمر قاعد باب المحل و عنده براد القهوه و قاعد مع صحابه و بضحك و نميل تلا محمد رسول نلاقيه قاعد في صالون الحلاقه و بمزح مع الشباب و بضحك و يجي علينا معاويه يقول لمحمد بدي احلق يقوله مش فاضيلك ، نكمل تلا بسطة ابو العايده نلاقي يزن المسلماني و الشباب بشربوا في قهوه هناك و بضحكوا و نطلع على البلد فوق عند مطعم ياسر نلاقي قصي السردينه بفطر مع الشباب ، بعدها نطلع تلا المجمع عند قهوة ابو محمد نلاقي احمد ابو سمور قاعد هناك و بشرب في قهوه و بخرف مع الشباب و مبسوطين بعدها نروح تلا احمد الجغل على المغسله نلاقيه مشغول بغسل في هالسيارات و بضحك مع الشباب ، بعدها نروح تلا مخبز حكايه نلاقي سيف و احمد ابو دواس قاعدين هناك بشربوا قهوه و سيف بمز على الشباب و الكل بضحك ، نروح تلا جامع التوحيد و نلاقي مجد و ياسين بستنوا في حموده السعيد و قيس الصائب بدهم يطلعوا مشوار بعدها نكمل طريقنا تلا السوق الحره نلاقي الاوحتي واقف مع الشباب و مبسوطين و بضحكوا
بعدها مره وحده يجي واحد يصحيك من النوم و تعرف انه كل شي حلم و مستحيل تصير لانه شبابنا استشهدوا و انحرمنا منهم .
