سەرێ دە دەروەچەو درار مانگ شەو چواردەم پا بنە هەوش و حەوز م خوەرێ بۊە هەشار دەم ماگە فرە دە ئێ خەوە م دامە یەێ  چراخ دۊ ماگە فرە دە ئێ شەوە م دامە  یەێ  ئەنار دەم ئاینە و هزار چەم سێر دە ئیسفام نیەو دە ڕیشم ئەر عەرەق تکێ گوڵ ئەو گرێ هزار دەم قوڵ قوڵە قوڵ م هف خوەم و شیر خەمەو سینگ تو م مونج ، مونج  لف خوەم و هێز گرێ بوخار دەم ڕەنگێ بیارە ئێ ڕۊیەو کەسێ بێە وە جامەکم پووس م دابڵمکن و ئایم تر درار دەم دە هەر بەنێ م ئەو دەر و دە هرچ دار سەرترم قەدم بڵێن نیە ئەمان یاد گرێ چنار دەم پێشت و پێشت م خەمە خەنگ خەنگ بوشکنەم خێشت و خێشت م زیەمە گری گری بوار دەم رەنگ ئەو نیچوو دە جامەکوو بو نیەوڕی دە مێخەکوو دی دەس و پا وە ول نەکوت ڕێ نیە ڕا فەرار دەم ت نختە نختە ماچمی هزار شەو دیار دەت م نختە نختە خاڵتم  هزار خوەر وە دار دەم #حسین_شکربیگی #غەزەل_کوردی #شێعر_کوردی #ئیلام