ፊልድ ማርሻል ብርሃኑ ጁላ ለሥራ ጉብኝት ባሕር ዳር ከተማ ገቡ‼️ የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ለሥራ ጉብኝት ባሕር ዳር ገብተዋል። ፊልድ ማርሻሉ ባሕር ዳር ሲገቡ ርእሰ መሥተዳድር አረጋ ከበደ፣ በአማራ ክልል የብልጽግና ፓርቲ ቅርንጫፍ ጽሕፈት ቤት ኀላፊ ይርጋ ሲሳይ፣ ሌሎችም የክልሉ እና የባሕር ዳር ከተማ አሥተዳደር ከፍተኛ መሪዎች እና ነዋሪዎችም ደጃዝማች በላይ ዘለቀ ዓለም አቀፍ አየር ማረፊያ ተገኝተው ደማቅ አቀባበል አድርገውላቸዋል። ፊልድ ማርሻል ብርሃኑ ጁላ በባሕር ዳር ቆይታቸው በክልሉ ወቅታዊ ጉዳዮች ዙሪያ በተለይም የክልሉን ሕዝብ ዘላቂ ሰላም ለማረጋገጥ የሚያስችሉ ውይይቶችን ያደርጋሉ። ከዚህ በተጨማሪም በባሕር ዳር ከተማ የሚከናወኑ የልማት ሥራዎችን ተዘዋውረው እንደሚመለከቱ ይጠበቃል። @Esat_tv1 @Esat_tv1