View in Telegram
قصيده ثقيله للزهراء عليها السلام
===========
وين عن بيتچ ييمه رايحه
واحنه وجهچ كل صباح انصابحه
امي اعز من الهوه
امي لجروحي دوه
والكِسّر ضلعچ أبد ماسامحه
وين عن بيتچ ييمه رايحه
===========
البيت خالي وحشه يمه اعلينه
زهره بغيابچ منو يسلينه
رايحه لا وين وتعوفينه
واحنه مانحمل هظم تدرينه
عليچ عميه عيوني
ايتامچ يبچوني
مايهون عليچ اقره الفاتحه
وين عن بيتچ ييمه رايحه
😭😭😭😭😭
الماتت امها تعيش مشلوعت گلب
عايشه بدنياها چن ديرت غرب
لاهنت بلعيش لاتهني ابشرب
عينها تربي وتناطر علدرب
مناطره بلكت يجون
علدرب تربي العيون
نضرة اعيون الشماته جارحه
وين عن بيتچ ييمه رايحه
😭😭😭😭😭
راح تگضي الفاتحه وناسچ تروح
وانه اضل مگابله بس الجروح
يمه شيصبّر كلبها الي تنوح
گبال عيني اطيوفچ الحلوه تلوح
ليلي ونهاري بحزن
مگابله رسمچ وون
مانمت يازهره ليل البارحه
وين عن بيتچ ييمه رايحه
😭😭😭😭😭
الفاتحه لو خلّصّت والجو خلي
والنزل موحش على بونه علي
وضلت اصوات اليتامه تعتلي
انه وخواني وابوي المبتلي
البيت خالي علينه
هدومچ اتبچينه
والدي صوت اليتامه ذابحه
وين عن بيتچ ييمه رايحه
😭😭😭😭😭
وين گعدات العصر وحنه سوه
فلت العشره وخلص ذاك الهوه
ضعنچ لياديره يازهره نوه
ماصحالي يمه لظلوعچ دوه
مشه ضعنچ للگبر
منين اجيب انه الصبر
الدمعه كل ليله على الخد طايحه
وين عن بيتچ ييمه رايحه
😭😭😭😭😭
نگعد ونتذّكر ايام المضت
يوم چنتي شمس بلبيت وضوت
وسفه ياعشرتنه من وگت انگضت
بس الم وحزان لولادچ صفت
راحت وعافت جروح
بلگلب لا ماتروح
ليش بس علينه صاحت صايحه
وين عن بيتچ ييمه رايحه
===========
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
https://t.center/ertlgaaz
Telegram
مأتم ام البنين (؏)
اللهم صل على محمد وال محمد ✨
قناة خاصة لنشر القصائد الحسينيه 🏴📚
قناة خاصة لنشر القصائد الحسينيه 🏴📚
Love Center
Find friends or serious relationships easily