حً ـ

تاجر مكتفي وشاركتك المحصول
تتشرط عليه انوب فوگاها ؟

چزت روحي والمطروقة عفناها.

شمرتك لليشبهك زحمة تبقى وياي.

اخاف اشتاكلك والكاك ما عايز
واخاف !
اخاف من البصدري البعده ماجايز
واخاف كبال عينك
نظره مني تصير
تشبه نظره الخسران للفايز

خَل نتبادل انا وياك
الادوار
واغيب وانتَ
ضل اسئل عليه
وافرض تگدر تنام
فنك تفز ما حلمان بيه

تگلي احبك
بالشقة وتندم عليها
انتَ تدري !
اني باني احلام
على الكلمة الچنت تتشاقة بيها

وحسَبالي گذلتج
ما جايسها غير المَاي
ثاريها چنازة
الرافعيَها هواي

چلبلك بواحد باله مرتاح
انا واحد متت من الحَرامات ..

ونَرجع بس بشرط !
تَرجع مثل ماريد
ولو ما نَرجع افضل ما اتمنَاها
گلمن وحدة
أذتنَي ! بس مرتاح
لازم تنتهي العله وچوينَاها
وعدلين نتلاكَة السالفة انسَاها
كبر يوصل كبر فَضت گطعناهَا

لا تمد روحك نهر
ما يشربونك بعد همهم يعبرونك

الحچي الچنت محتاجه منك
سمعته بصوت مو صوتك.

ثلاث سنين طيفك لو ادري يغيب
چا ما خيطت راسي ويه المخاد.

نفرض شگگتهن خاف ما اطيب
شگ الثوب فوگ الميت شفاد ؟

واغص بريحتك ما گمت اغص بالزاد
المفارگ النسمه العابره تغرگه .

الهوى يلتم علية منين ما ذكروك
وادگ رجلي واظل بعازة الخنكة

المايحبك من تحب ليش يغار
وليش بحياته يريدك تضل تذكار
الجان يحضنك مو يحبك
محتااج !!
البردان رايد يدفه يحضنها النار.

بيهــآ عناد روحي
وي الهوا من يفوت
اذا يثكل عليه للموت ماشمه.

يا كل البگلبي
و انت لو ما بي چان هسه اني خالي
و كلشي ما عندي.

قسيت آني
وچنت مجبور
أبينلك الحب هَين
ردودك علمتني
الألم بس ينعاش
مامسوحله يبين!

تمنيت الاصابع كون ألف بالأيد
لان بيه ندم مو مال أعض خمسه