نأكل شنو ؟؟!! *وكبسونا دعامة الصباح طردونا من وسط الديار زلونا قدام ،،،،،،،الأهل مرقوا العيال بي فد غيار خلينا في بيتنا الدقيق والشاي مرق خلينا حااار دقونا ،، بي سوط العنج ماقدروا ،،، أبواتنا الكبار كتلوا ، البدافع للعرض قدام ولادو ، ملوهو نار ومرقنا مفزوعين شديد مالينا سلطة ،،،، ولا قرار كان رحلة مجهولة مصير غير الرحيل مافيش خيار ونزلنا في بلداً بعييييد وجه الجميع مليان غبار جرينا في لحظة الشريط وظهر فقدنا أخوان كتار ناس ماتوا من تعب السفر ناس ماتوا من طلق العيار قررنا نبدأ ،، سطر جديد ونعيش عشان خاطر الصغار أيقنا ،،،،،، بالواقع المرير فاجئنا سيد بيت الإجار دايرلو ،،، كم مليار بقول وأنا بشكي من كيس الخضار تميت قريب إسبوع سهر لا نمتَ بالليل ،،،، لا النهار آمنتَ بالمثل ،،،،،،، البقول إنو الغريب ، ما ليهوو دار**