‼️ Енді есірткі қылмысына қатысы дәлелденген лауазымды тұлға өмір бойына бас бостандығынан айырылуы мүмкін
Бұл туралы Мәжіліс депутаты Асхат Аймағамбетов желіде жазды.
«Мәжілісте есірткі өндірушілеріне жазаны күшейтуге бағытталған маңызды заң жобасы талқылануда. Жазаны өмір бойына бас бостандығынан айыруға дейін қатайту ұсынылды. Бұл – әділетті шешім. Депутаттар осы норманы қолдап дауыс берді. Алайда, бұдан да күрделі мәселе бар. Қылмыспен күресуі тиіс азаматтардың өздері есірткі бизнесіне араласқан кезде не болады? Біз құқық қорғау органдарының қызметкерлері мен өздерінің лауазымын, қызметтік мүмкіндіктерін және ақпаратқа қолжетімділікті пайдаланып, есірткі айналымына қатысқан өзге де лауазымды тұлғаларға өмір бойына бас бостандығынан айыру жазасын енгізу туралы ұсыныс жасадық», – деді ол.
⚜️Қасым-Жомарт Тоқаев ақын Шөмішбай Сариевтің шығармашылығына арналған концертті тамашалады
Мемлекет басшысы Франц Кафка атындағы халықаралық Алтын медаль сыйлығының лауреаты, қазақ руханиятының аса көрнекті өкілі, белгілі ақын Шөмішбай Сариевтің шығармашылығына арналған кешке барды.
Концертте қазақстандық эстрада жұлдыздары өнер көрсетіп, эстрадалық-симфониялық оркестрдің сүйемелдеуімен ақынның «Айналдым сенен, Атамекен-ай», «Сәлем саған, туған ел», «Аяулым», «Домбыра туралы баллада», «Өкінбе сен», «Өмір-өзен», «Сағындым сағым жылдар», «Дос керек», «Сарыарқа» және тағы басқа өлеңдеріне жазылған, халық сүйіспеншілігіне бөленген әндер орындалды.
😳 Павлодарда жетім қызды зорлаған ер адам полиция қолына түспес үшін өзін атып өлтірді
Железин ауданындағы балалар үйінің 16 жастағы тәрбиеленушісін гинекологиялық тексеру барысында бұрын оның ер адаммен жыныстық қатынаста болғаны анықталған.
Қызды зорлаған кісі оны біраз жыл бұрын қамқоршылыққа алған ер адам болып шықты.
Қазіргі таңда қылмыстық іс қозғалды. Күдікті анықталды. Алайда күдікті іздестіріліп жатқанын біліп, өз-өзіне қол жұмсаған.
🔥 Батыс Қазақстанда тұрғын үйден өрт шығып, балалар төртінші қабаттан секіруге мәжбүр болды
Оқиға Ақсай қаласы №10 шағынаудандағы №19 үйде орын алған. Өрт төртінші қабаттағы пәтерден тұтанған.
Құтқарушылар 12 адамды алып шықты. Зардап шеккен 3 адам (2016 жылғы 2 ұл бала, сондай-ақ 1981 жылғы әйел) Бөрлі аудандық ауруханасына жеткізілді. Жағдайлары ауыр.
🥺 Қарағандыда автобус пен жеңіл көлік соқтығысып, 1 адам қаза тапты
Екі адам ауруханаға жеткізілді.
Белгілі болғандай, «Лада Приора» көлігі мен «Ютонг» маршруттық автобусы соқтығысқан. Салдарынан «Лада Приора» көлігінің жүргізушісі оқиға орнында көз жұмды.
Жол апаты кезінде автобуста 30 шақты адам болған. Абырой болғанда, ешкім зардап шекпеген.
«Қазақстан аумағының басым бөлігінің ауа райын Сібір антициклоны қалыптастырады, сол себептен жауын-шашынсыз ауа райы күтіледі. Тек еліміздің оңтүстік-батысында, оңтүстігі мен оңтүстік-шығысындағы таулы аудандарда атмосфералық фронтальды бөлімдердің өтуімен жауын-шашын (жаңбыр, қар), желдің күшеюі, таулы аудандарда көктайғақ болжанады. Республика бойынша түнгі және таңертеңгі уақытта қар түседі», – делінген хабарламада. 👉 Бізге жазыл | zakon.kz
