/الشاعره خادمة الحسين ام علي المالكي

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://t.me/+ta8JrNDdU6UzMGJi

شايل الهادي ياعلي
وفاطم عليه حزنانه
┄┅═✧❁★-❁✧═┅┄
شايل وعاف بنيته
شلون هضمه هضمته
ويلاه يوم الشافته
يعيونها عميانه
┄┅═✧❁★-❁✧═┅┄
عميانه متوجد الدرب
فراكك اعليها صعب
مصايب عليها تصب
عگبك تضل دوهانه
ام حسين المحمداويه

┄┅═✧❁★-❁✧═┅┄
حزنانه حيل اعله الولي
والمدمع اعله الخد هلّي
وتصيح گلي ياعلي

راح الذي ويانه
___________________
ودمع الأمام اعليه جره
ظل خالي مظلم منبره
والنعش ويلي من سره

امغيمه اصبحت دنيانه

ام علي المالكي
_____________________
افراكك الحيل ايهدمه
شايل يرحمه السمه
بعدك حزينه العالمه

بت النبي وتعبانه
____________________
گطعت الضنه وايست
ساعة الجنازه مشت
اتون لبوها ونوحت

داره بقت خلوانه

✍ام مرتضى الخزرجي
______________________-__
تمت بأقلام شاعرات كفيل زينب ع
في المنتدى الفاطمي
ونسألكم الدُعاء

https://t.center/typkj

نخوه للنبي (ص) لطلب الذريه

((الوزن موشح))

نظره منك يارسول الله الامين
للـــذي ماعــنده مــولانه جنين

✿──↻✿...✿↺──✿

نظره مــنك للذي گلبه جـريـح
سنين ماعنده طفل بابا يصيح
نقسم اعليك بابو اليمه الذبيح
تنظر لحاله وجنـميع المسلمين

الخـ✍️ــادمه ام زيد الشمري

✿──↻✿...✿↺──✿
تنـــضر الــحاله وترزقــه بالضــنه
كون بحضينه الولد هـاي الســنه
امـــتك باسمـــك تــنادي ميــقنه
نحلفك بفاطــمه ومقطوع الوتين

أم صــــ✍️ـــادق المنصوري

✿──↻✿...✿↺──✿

نظــره منـــك يانــبي ابجاه العليم
تجــبر اگليبه انــحرم مــن النعــيم
يدعي رحمه اتشمله من رب كريم
بالسعاده انــذكر مال اويه البــنين

✍ام اسعد الشمري

✿──↻✿...✿↺──✿
لحاله انظر يالنبي وصوته يكول
ياالهـــي اقــسم اعلــيك البــتول
اوليد خادم اجعله لال الرســول
فرحه بحق طفل مولاي الحسين

📚🖌️ام زهراء

✿──↻✿...✿↺──✿
يارسول الله ابجاهك ياشفيع
اتفرح المحروم ولگلبه فجيع
تترس حضينه يبو العتره برضيع
الباري رحمه نزلك للعالمين

*الحاجه ام احـــ✍ـــمد الحچامي*

✿──↻✿...✿↺──✿

بمـجلسك يحضر الماعنده طفل
جاي متعني ودمع عينه يهل
إنحلـــفك بفاطمه وشيال الحمل
نريد منك نظره وتقرهه العين

✍️ام علي المالكي

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام
منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.center/typkj

قصيده لختام مجالس التعزيه
الوزن تجليبه👇👇

ختمناها العزيه بفاطمه الزهره
ذكرناها وذكرنا الضلع والسطره

❥❥ـــــــــــ❁❂❁ـــــــــــ❥❥

نختم مجلسه بالاه والدمعه
ونبدي عشرة المظلومه البضعه
ندعي بالسلامه يعوده وننعه
على الداسته خيول وهشمو صدره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

شهرين المضن نخدم ابو اليمه
الخدم ملتمه وشمحلاها من لمه
عطر ام الحسن بالمجلس انشمه
ندري تحضر وتستمع لليقره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

ندري تحضر بكل مجلس قرايه
تلطم عالضلع هم شايله الرايه
ويــاهـــا نضــل للــموت وفايه
ماننسه مصاب احسينها ونحره

أم صــ✍️ــــادق المنصوري

❥❥ـــــــــــ❁❂❁ـــــــــــ❥❥

ماننسى الجرى لحسين سيدنه
وبدفتر الخدمه امه تسجلنه
نريده بالقيامه هناك يحضرنه
ومن عنده ننترجه هناك فد نظره

📚🖌️ام زهراء

❥❥ـــــــــــ❁❂❁ـــــــــــ❥❥

نظره سيدي خدامك احميها
تخدم من گلب والروح تفديها
شفاعه تريد من عندك يواليها
عهد وانعاهد من سنين للحره

✍ام اسعد الشمري

❥❥ـــــــــــ❁❂❁ـــــــــــ❥❥

على طول السنه ماننسه المظلوم
ناذرته العمر للماشرب محروم
وهاي الخدمه نتمنى تظل للدوم
على المذبوح نلطم نبچي ابعبره

✍️ام علي المالكي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.center/typkj

قصيده لرجوع السيده زينب عليها السلام الى المدينه


ردت اليوم العقيله للنزل شافته خالي
ونت بحسره وملامه عالكفيل بصوت عالي

موگلت يوم الطلعنه من المدينه
زينب انتي بذمتي وكل الظعينه

جيتك اليوم ودمعتي عالوجن ظلت تلالي

ــــــــــــــ المستهل ـــــــــــــ

ظلمه عگبك ياكفيلي اصبحت والله الديار
مالي عين انظر مكانك والگلب مثل الشرار
مادريت شصار بيه راح اسولف شنهو صار

بالجلاله وعز رحلنه عن وطنه
بس حرم واطفال رد هسه ظعنه

گوم ليه ياكفيلي وانظر شصار وجرالي

الخـ✍️ ــادمه ام زيد الشمري

ـــــــــــــــــــ①ـــــــــــــــــــ

خويه ردينه لوحدنه والدرب كلش طويل
والتعب بين علينه والدمع عالخد يسيل
والمشي بثكل الهضايم والشتم بينه يعيل

والضعن ماهو رد بس النساوين
نامو بطف كربله عباس وحسين

معنى جانو وي حياتي هسه ماواحد بگالي

✍طالبةالزهراء

ـــــــــــــــــــ②ـــــــــــــــــــ

ارجعنه یاخویه لوحدنه والظعن کله نساء
ظلوا بطف المنایه کل اهلنه بکربلاء
بس حرم وایتام اجینه ومرتفع منها البکاء

ابیوت اهلنه خالیه من النشامه
بس علي السجاد رد النه علامه

انه ملجومه بزماني بس قهر والهم صفالي

✍🏻المیرزه ام ليلي الخاقانی

ـــــــــــــــــــ③ـــــــــــــــــــ

خويه بالگوه مشيته الدرب عنك يالحنين
تدري جم مره التفت لك موجر بصدر الونين
حدبن عمري الليالي جانت احبال بأيدين

هواي رديت بركض يا خويه اعليك
مامصدگه بروحي راح امشي وخليك

خويه گلي شلون بيه امشي عنك هيج تالي

✍️طالبةالزهراء

ـــــــــــــــــــ④ـــــــــــــــــــ

الرجعه متروسه مصايب اهناك ودعت الگبور
انه كل ظني اشوفن اخوتي والهم ازور
ماشفت واحد گعدلي گمت افتر وحدي ادور

آخ يادار النشامه تنعه باحزان
وانه رديت ابهظم والگلب تعبان

للمدينه راجعه انه لوحدي من غيرك يوالي


✍️ام علي المالكي

ـــــــــــــــــــ⑤ـــــــــــــــــــ

تمت باقــ✍️ــلام شاعرات #رابطة أدب الطف
#منتدى القلم الفاطمي

https://t.center/typkj

قصيده للعقيله زينب عليها السلام
الوزن نصاري👇👇

يشاعر لو كتبت اعله العقيله
لاتكتب مشت زينب ذليله

❃❥❀━((🧿))━❀❥❃

ترى هذا الكلام يغيض عباس
ابو الغيره الگمر وتعرفه الناس
خطبت بالقصر مادنكت راس
جنها حيدره حامي دخيله

الخـ✍️ــادمه ام زيد الشمري

❃❥❀━((🧿))━❀❥❃

مدارس للبلاغه صارت ام عون
بخطبتها العظیمه بچت عیون
جبل شامخ مثل بیها یضربون
مثلها بلنسا لامستحیله

✍🏻المیرزه ام ليلي الخاقانی

❃❥❀━((🧿))━❀❥❃

اكتب عن مناقب اخت الحسين
وعبادتها وفضلها اعله المسلمين
ماذلوها لحظه هالملاعين
مثل اللبوه تمشي هالكميله

الخـ✍️ــادمه ام زيد الشمري

❃❥❀━((🧿))━❀❥❃

مثل اللبوه زينب يوم وگفت
ويوم الي حجت للطاغي خزت
رايه بكل بلد مولاتي رفعت
ودين المصطفى بيرغ تشيله

✍العلويه أم نور الميســانيـة

❃❥❀━((🧿))━❀❥❃

ماذلــت ابد زيـنب يشــاعـر
اكتب شامخه وتقره المـنابر
فكرها ام الخدر مابقى حاير
رساله بكل بلد نشرت جليله

أم صـــ✍️ـــادق المنصوري

❃❥❀━((🧿))━❀❥❃

مدارس للبشر وهیه المدیره
صبر وایمان بت شیخ العشیره
موتکتب علیها امست اسیره
لأن عباس یتالم دلیله

✍🏻المیرزه ام ليلي الخاقانی

❃❥❀━((🧿))━❀❥❃

بأدب اكتب عليها الهاشميه
بگلمه لاتمس بت الزچيه
اعلاميه وفهيمه الطالبيه
عروش ايزيد هزتهه الاصيله

✍️ام علي المالكي

❃❥❀━((🧿))━❀❥❃

تمت باقلام شاعـ✍️ــرات
#رابطة أدب الطف
#منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.center/typkj

قصيده،،للأربعين الحسين (ع )
وحال الامام المهدي( عج )يتلگه عمته زينب( ع)والى كل سيد وعلويه. وموالي يحس بمعاناة اهل البيت



فاتحتمن هايه
خل اسوي اقرايه
الأجت بدروب الخطر
حيل ولطم عالصدر
فاتحتمن هايه،،،فاتحتمن هايه
___________________
جايه عمتي لهلهه واجب اعلينه نگوم
من الهظم تعبانه تبچي بالدمع تنزل ادموم
وينها اتواسي العقيله اتزيح من عدها الهموم
فايده مابيها زينب عالگبر تنعه وتحوم

ام عون مليانه قهر
حيل ولطم عالصدر
فاتحتمن هايه ،،،فاتحتمن هايه

ام علي المالكي
┄┅═✧❁★-❁✧═┅┄
خلي انحشمها كلها.. نسوي مجلسنا ضخم
نصيح للنسوان تسرع.. نلاجي ضعن ام الهظم
لفت زينب تستدير.. تريد عوانه ولطم
ارد اشد حيلي وادگ.. وانحب بحسره والم

من گفاه المنحر
حيل والطم عالصدر
فاتحتمن هايه.. فاتحتمن هايه
✍️ وعد الڪفيل
┄┅═✧❁★-❁✧═┅┄
خلي اتلگاها وانحب عمه يم گلب الحنين
شلونه حالج يلي عمرج خلص ونين بونين
ان تنشديني على حالي عمه انه ماني زين
انهشم ضلعي ويه امي وبعد وضلوع الحسين

گلبي بخيامه جمر
بحيل ولطم عالصدر

فاتحتمن هايه فاتحتمن هايه

ام حسين المحمداويه
❥━──➸➽❥❂❥━──➸➽❥❂
جايبه رووس النشامه رجعتها اعله الجسد
وجايه وياهه الرباب اتصيح يمه يالولد
ورمله يمه اتصيح جاسم راح وياك العهد
الچانت الدنيا مزهره وهسه ظلمه ابلا سعد

شلون وتخلصه العمر
حيل ولطم عالصدر
فاتحتمن هايه،،،فاتحتمن هايه
ام علي المالكي

┄┅═✧❁★-❁✧
ياحميده عمه يمي گعدي عمج يسمعج

يلتيمه اكسرتي كلبي يلي كلبج يوجعج

چني اكللها ياعمه انهظم حيلي المنظرج

باجر بصولة ظهوري يندم السبهم هلج

تبدي ساعات الذعر
حيل ولطم عالصدر

فاتحتمن هايه/٢
ام حسين المحمداويه

┄┅═✧❁★-❁✧═┅┄
تمت باقلام شاعرات رابطةادب الطف

https://t.center/typkj

قصيده،،،فزاعي جنوبي
لأربعين الحسين (ع)

اگعدوا ياهلي جيناكم اليوم
ياعباس اگعد بسك النوم
_______________________
_اجيناكم إمن دروب البعيده
اخوي حسين وي عباس اريده
افتحولي الگبر وعتابي اعيده
ابحضني الراس ينزف من وريده

مشتاگه ،،،،ارد اگعد يمك
اگعدوا ياهلي ،،،،،جيناكم اليوم
________________________
فك باب الگبر جيناك خطار
حسافه تنام يبن امي الرمل حار
اگعد شوف متني ضرب الاشرار
تتلاعه اليتامه وگلبي بي نار

يشتمني ويضرب،،،فوگاهه
اگعدوا ياهلي ،،،جيناكم اليوم
_______________________
گعدت يم گبر عباس تعتب
تگله بيك ادري والدمع صب
اشوفنك اجيت وعندي مطلب
خويه وياي جبت الماي تشرب

ارد اسمع حسك،،،ياهيبه

اگعدوا ياهلي،،،جيناكم اليوم

ام علي المالكي
________________________
شلون تنام والرمله تجويك
اکعد يالبخت ماي ارد اروّيك
بلكت من تحاجيني وتقويك
طوية خام عاشرها مطويّك

وختك تعتب /تعبانه
اگعدوا ياهلي،،،،جيناكم اليوم
________________________
اعتب من غصب عذروني يخوان
اجيتك والضعن ناقص يلحنان
رقيه وخوله ماتن غربه االاوطان
شريفه ووياصفيه درب الجنان

گلولوي / ايگويج الله
اگعدوا ياهلي جيناكم اليوم
ام حسين المحمداوي
______________________
تمت والحمدُ لله بأقلام
ام علي المالكي وام حسين المحمداوي
ونسألكم الدُعاء

https://t.center/typkj

قصیده لاستقبال الزوار

🏴🏴🚩🏴🏴

اتعاهدن ارض النجف وي کـربله
والمضایف بلکرم متسلسله

ااحزم شدوها الشباب

من مدینة ابو تراب

الشیب والشبان حيت یاهله

🏴🏴🚩🏴🏴
الحزم للخدمه شدوها الوِلِد

والمواکب للضیافه تستعد

العلي واولاده یبقى هلعهد

شماتمربینه السنین

خدم نبقی وصامدین

عندابوالحسنين تبقه امسجله

✍🏻المیرزه ام ليلي الخاقانی

🏴🏴🚩🏴🏴
عند ابو الحسنين اسمه ينكتب
اليمشي لبنه حسين حجه تنحسب

ربك يبارك بكل بيت ايرحب

هلا بلزاير يصيح
جاي متعني الذبيح


والعزوبيه ترس ثوبه حله
✍ام حسين المحمداويه
🏴🏴🚩🏴🏴
زاد ابوالحسنين مدوا سفرته

كل بلد هالناس طافت حضرته

بصك شفاعه هناك فاطم كرمته

بالحشر فاز الخدم
ولد حيدر والنعم

الجنة خطها مبتدي من ڪربله
✍🏻وعد الڪفيل

🏴🏴🚩🏴🏴
النجف تهلي الدخولج كربلاء
والمضايف بدرب نصبت عزاء
عل عهد باقين دوم اعل الولاء

مانمل طول العمر

هلمواکب تستمر

حسين ومصابه هتاف النه عله

✍🏻خـادمـة الزهـراءام احمد العبوديه زبير

🏴🏴🚩🏴🏴
بالمواكب واگفه العشاگ احس

هذا يكرم هذا ينطيهم درس

وذاك ضل يصير من حر الشمس

الغايه خدام الغريب
اليسجلهم حبيب

خادم ويتباهه ضل بين المله

✍ العلويه ام نور الميســانيـة
🏴🏴🚩🏴🏴
ياهله باليمشي ويدگ عالمتن

والقصد كلها تواسي ابو الحسن

عايف اهله وشال بمتونه چفن
ك

اتصيح ماننسه الشهيد
كل سنه الخدمه تعيد

ابخدمة حسين الخدم صيته اعتله
ام علي المالكي
_________________________
تمت بأقلام شاعرات الطف

https://t.center/typkj

(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742

السلام على الحسين وعلى زائرات الامام الحسين ع الى السائرات على الأقدام سيعاً نحو قبلة الاحرار ومنطلق الثوار
الى العفيفات المحتشمات الواتي اتين لمواساة سيدتنا ومولاتنا فاطمة الزهراء عليها السلام
الى المعزيات لمولاتنا الحواراء عليها السلام والحجة ابن الحسن عجل الله تعالى فرجه الشريف
علينا ان نكون واياكم اكثر حرصاً والتزاماً بحجاب العفة والستر واللباس الكامل المحتشم في هذه المسيرة المباركة وان نخطوا خطواتنا بحزن وشجن نستشعر الم وعظم ولوعة المصاب مع مولاتنا ام المصائب الحوراء زينب عليه السلام وما جرى عليها نعيش حزنها والمها وغصص فراق أخوتها واحبائها ومعاناتها بعد مقتلهم وماحصل بعد ذلك من سبيها والمعاناة التي لاقتها وكابدتها وكيف حافظت على حجابها وسترها وعفتها رغم كل قيود أهل المكر و الحقد والخديعة فنستلهم منها الدروس والقوة والأصرار والصبر والشجاعه والعبرة والعبره فهي الام والمدرسة التي يجب ان تحتذى بها كل نساء العالم وكل أمراءة تريد الحفاظ على نفسها وتنجو من المخاطر والمهالك التي تحيط بها
علينا أن نقتدي بمولاتنا عليها السلام و لاننضر للمسير على انه خطى وزيارة وتغيير للجو الذي نعيشه ونغير المسير وأهدافه الحقيقة ونضيع الغاية المرجوة منه جانباً بتصرفات غير مبالية وربما متعمدة منها الزينة والضحك والصور واللباس البارز لمفاتن الجسم وووووالخ من التصرفات التي لاتمت للمسير والمواساة بصله
لانسدد  سهماً في قلب الحجة عج ولا في قلب مولاتي الزهراء وابنتها الحوراء عليهما السلام يكفيهم مالاقوا من السهام و الحزن والألم
فلنستنشق بملئ الرئتين تلك الخطوات المقدسة
لنعش ذلك الألم والحزن والحرقة والشوق والأشتياق لحظة بلحظه كي نسقل أنفسنا ونكون على قدر المسؤلية الملقاة على عاتقنا  ولنقدر ونقيم حجم المعاناة التي عاشتها مولاتنا الحوراء ع وعانتها كي تنقل لنا سورة ربانيه عن العفة والالتزام في كل المواقف لانخضع للذل والأنكسار وعلينا ان نغض ابصارنا عن كل محرم من شأنه أن يعيق نقاء القلب وطهارته فيلوثه ويطغى عليه
لنستحق ان نكون بذلك اهلاً لمواساة الأم المفجوعة بولدها وتعزية الاخت المفارقة لأخيها المذبوح ولمحجوب قد رأى كل تلك المأسي وهو مغيب عن الابصار فهو غريب كغربة جده الحسين عليه السلام وفقنا الله واياكم لان نكون خداماً وأهلاً لنصرته صلوات ربي وسلامه عليه
نسألكم الدعاء
اختكم في الله
✍️ام نور الهدى المنصوري

https://t.center/typkj

عن علي بن الحسن بن فضال، عن أبيه قال:

قال الرضا (عليه السلام): من تذكر مصابنا فبكى وأبكى لم تبك عينه يوم تبكي العيون، ومن جلس مجلسا يحيى فيه أمرنا لم يمت قلبه يوم تموت القلوب.

📚 بحار الأنوار - العلامة المجلسي - ج ١ - الصفحة ٢٠٠

#مفاهيم_عاشورائية
19ـ من هي المرأة الوحیدة التي استشهدت في واقعة الطف؟
المرأة الوحيدة التي استشهدت في واقعة كربلاء هي أمّ وهب زوجة عبد الله بن عُمير الكلبي. لمّا رأت زوجها قد قُتل، مضت إليه في ساحة المعركة وجلست عند رأسه وأخذت تمسح الدم والتراب عن وجهه، وهي تقول: هنيئاً لك الجنة! فحمل عليها غلامٌ لشمر بن ذي الجوشن اسمه: رستم، فضرب رأسها بالعمود فاستشهدت في مكانها، والتحقت بالشهداء.

لسان حال الشاعر ورجوع السيدة زينب "ع " الى طف ڪربلاء


راجعة يازينب لطف الرزاية
وهذا يارس الذي حدر العبايه
اخوانچ الخلصت ذبح
روسهم فوگ الرمح

هذا ياراس الذي حدر العباية

┄┅═✧❁★-❁✧═┅┄┄┅═✧❁★
هل المحامل جدمت بابشع جريمة
وردت الطف نينوى بنت الكليمة
ننشدج يازينب اشفتي هظيمة
يالرجعتي من السبي وقصتج أليمة

عندج اعظم ياجرح
روسهم فوگ الرمح
دمعتج تشرح حزن مر وبلايه
هذا ياراس الذي حدر العباية

✍️ وعد الڪفيل
┄┅═✧❁★-❁✧═┅┄
دمعتج يم الحزن تشكي الجره الهم
وطول هاي المده انتــي مناطــرتهم
وي دمعتـچ عالرمح دم جاري منهم
روسهم. تندار بس ادير. اختهم

الدم مثل دمعج سفح
روسهم فـوگ الرمـــح
وياچ ردت روسهم الارض المنايه
هـذا يا راس الذي حـدر العـبايه

بـ✍🏻المله ام مجتبى
┄┅═✧❁★-❁✧═┅┄
ويـــاچ ردت روســهم هاي المسيـه
سلوه چانولــج يابت حامي الحميه
جبــــتي راس حسـين هليله هديـه
لچن ما رجعـــتي وي ضعنج رقــيه

بگيتي مكسورة جنح
روسهم فوگ. الرمح
ورجع ضعنج بس يتيمات وسبايه
هذا ياراس الذي حدر العبايه

✍ العلويه ام نور الميســانيـة
┄┅═✧❁★-❁✧═┅┄
جيتي جبت الراس للمنحر يزينب
والضعن وياچ من ابعيد ينحب
چلمة الله بت علي من تحجي ترهب
هسه صرتي بلا ولي والبيچ يندب
دمعچ اتلگه الصبح
روسهم فوك الرمح
انتي عندچ معرفه بكل الروايه
هذا يا راس الذي حدر العبايه

✍طالبةالزهراء
┄┅═✧❁★-❁✧═┅┄
صوغه نسمع للتـــجي تجيب الأهلها
شوغه تتبع شــــــوغه جابت للكفلها
گعدت احذه گــــبورهم نزلت حملها
مره للعـــــــــــباس تشكي عن نزلها

مية مره انه أنذبح
روسهم فوك الرمح
بچم خرابه وديره موتي اويه الضحاية
هـــــذا ياراس الذي حدر العبايه

✍️ام حسين المحمداويه
┄┅═✧❁★-❁✧═┅┄
ومره يم حسين تشكيله المصايب
خويه جينه اليوم من ارض الخرايب
والدروب الوعره شفنه شكد عجايب
انهض وعاين خواتك حيل شايب

وين ابو گلب السمح
روسهم فوگ الرمح
شهر وعشره العقيله بلا حمايه

ام علي المالكي
❥━──➸➽❥❂❥━──➸➽❥
تمت القصيده باقلام شاعرات رابطه ادب الطف
منتدى القلم الفاطمي

https://t.center/typkj

#اصدار_جديد متوفر

ديوان لهبات الأحزان

آلجزء الأول خاص احاديث ونعي

لخادمة أهل البيت عليهم السلام

الشاعرة ام علي المالكي

متوفر حاليآ في مكتبة حسن الطريحي

للأستفسار والطلب التواصل عبر الأرقام التاليه

👇🏻👇🏻👇🏻👇🏻👇🏻👇🏻

07830861950واتساب

07832535076


https://t.center/hrmrm7

هوسات رساليه للنساء في طريق الحسين (ع) ومشاية الاربعين
____________________
من تمشين درب حسين لاتمشين متحمره
لتضحكين وتصورين احنه بفاجعه كبرى
زينب ردت ويه الروس بالاهات والحسره
والحجه اعله حسرتها يلطم يجذب العبره

(( بافعالج أنتي/ تاذينه))

الخـ✍️ــادمه ام زيد الشمري

✦▬▬❖•◐❁❁◐•❖ ▬▬✦

بالج گلب امامج نار وانتي بالسهم ترمين
المهدي تنزف جروحه وملحج فوگه واتزيدين
مايرضه الحجاب ايميل ولون ابوجهج اتخلين
امشي اتصوري زينب مهظومه اجت لحسين

(( انهض وانشدني/ اعله متوني))

✍ام اسعد الشمري

✦▬▬❖•◐❁❁◐•❖ ▬▬✦

الزهره تريد ملتزمات والخادمه المستوره
تمثل شيعة الكرار بافضل منظر وصوره
ميضيع الجهد هيهات والدمعات مذخوره
يشيعيه انتباهج دوم كل مسعاچ مشكوره

((وراس الوليان/ ترفعينه))

✍️خادمة العقيلة ام احمد

✦▬▬❖•◐❁❁◐•❖ ▬▬✦

كون التمشي مستحيه ولاتلتفت عالشبان
الوصله اعله الجتف خضره بدعه وينها الاحزان
هذا العمل مامقبول مهدينه يظل زعلان
يتلگه العقيله ابنوح ويواسيهه عالوليان

((يلطم ويصيح /المهظومه))

✍️ام علي المالكي

✦▬▬❖•◐❁❁◐•❖ ▬▬✦

يالمتعنيه صوب حسين
وتزورين ابو الاكبر
عينج خل تصب دموم
لمصيبته وتتصور
ام الخدر رجعتها وگلبها الذاب واتفطر
لاتمشين وتصورين
تالمين البقو بالبر

((تكسرينه /گلب المظلوم ))

📚🖌️ ام زهراء

✦▬▬❖•◐❁❁◐•❖ ▬▬✦

لو رحتي اربعين حسين صوتج لاتعلينه
وانتبهي الحجابج زين شعرج لاتطلعينه
تركي العطر لتخلين عوفي الصبغ والزينه
ماترضه الزجيه عليج ضلعها لاتلچمينه

((تلگيها/ ام عون بدمعه))

أم صــ✍️ـــادق المنصوري

✦▬▬❖•◐❁❁◐•❖ ▬▬✦
تمت باقلام شاعـ✍️ــرات رابطة خادمات سيد الشهداء عليه السلام
غير مبري الذمه لكل من يغيير الاسماء او ياخذ كلمات القصيده وينسبها اليه

https://t.center/typkj