قصائد حسينيه وألحانها

كون بهل دمع ياحسين اروي لك
, وجعد يم ضريحك ساعه واشجي لك
, ١٨ علامة التعجب
, اشجي لك حزن لومر علي عاشور
, وتذكر وكعتك من ظلم من جور
, ضحايا ابكربلا ودموم تجري نحور
, وسهم البلجد ذاك الكطع حيلك
, ٢٤ علامة التعجب
, ارويلك دمع من ماي هذه العين
, وصيحن ياغربتك سيدي ياحسين
, الك للموت هذه ابركبتي هل دين
, اكصد يم ضريحك كون اواسي لك
, ££££££££££££££££
, من نحرك تسايل يادمه ابعاشور
, هذه كربلا وبيهه انطفه يانور
, وكع عباس اخيك والظهر مكسور
, وانت ابكل كتر الدموم تجري لك
, ££££££££££££££££££
, اشجي لك ظلم من حركوا الصيوان
, من زينب غريبه وفاجده الخوان
, ونته ياذبيح اموسد التربان
, ورماه العده احسين التفيي لك
, !££££££££££££££££££
, حك عليك عيني من تهل الدم
, ابحوافر خيلهم يالصدرك امهشم
, انا انعاك بيه جروح ماتلتم
, من ظيم الدهر صحت انه ادخيلك
, ££££££££££££££££££
, من ظيم الزمان اجروح شيشدهه
, من زينب مشت للشام وحده
, بالديوان ذاك الرجس ناشدهه
, وي راسك مشت للشام تبري لك
, &£££££££££££££££

واويلاه ع المذبوح. ع المذبوح واويلاه
, ◾️◾️◾️◾️◾️◾️1◾️◾️
, يا ابو علي ارد اذكرك
, بس ما اصيطر ع الدمع
, من الفظ اسمك ابجي دم
, تذكرني بكسر الضلع
, ◾️◾️◾️◾️◾️◾️2◾️◾️
, مل كلبي كل يوم بفجع
, وكل ليله اليه نايبه
, مدري أظل ابجي الوضع
, مدري أنوح أعله العبه
, ◾️◾️◾️◾️◾️◾️3◾️◾️
, أمشي وصعدة التل أمس
, ونضر جثث متوذره
, ولن اسمع باذني همس
, ذاك الحبيب ومنحره
, ◾️◾️◾️◾️◾️◾️4◾️◾️
, ذيج العمامه ع الأرض
, والخنصر انضر منبتر
, صدره انمرد يكطر دمه
, صابوه بسهام الغدر
, ◾️◾️◾️◾️◾️◾️5◾️◾️
, هالناس ماعدهم رحم
, ذبحو أولاد المصطفى
, حتى الحلم صابو سهم
, راح أقره ع الدنيا العفه
, ◾️◾️◾️◾️◾️◾️6◾️◾️
, أسمع تراتيل الحزن
, بأي ذنبٍ قتلت
, اتنوح البمشيه رزن
, قد قامت الدنيا اعتلت
, ◾️◾️◾️◾️◾️◾️7◾️◾️
, زينب أنه أم الخدر
, أنه الي جنت المفخره
, يسبيني تاليهه الشمر
, وأصبح يسيره محيره
, ◾️◾️◾️◾️◾️◾️8◾️◾️
, بعد الأخوه ياعلي
, تصبح سبيه ابنيتك
, ارد اشتكيلك والدي
, چتلو دليلي بغيبتك
, ◾️◾️◾️◾️◾️◾️◾️◾️

يالمفاركني صار الليل و اسهر ليلي ما نامه
, اضل اتذكرك و ابجي صدرك رضو اعضامه
, ٢ العلامة النجمية
,
, يجينـي الليـل اضـل وحـدي و انتـه بلحـدك موسـد
, تضـل دموعـي تتكاطـر لحـد مــا تنشف اعله الخد
, اسولف ويه روحي هواي ناري بصدري ما تخمد
, يمـن جنـت النفـس بالـروح كلبــي ازدادت آلامه
, ٢ العلامة النجمية
,
, يلومونــي اعلـه كثـر النـوح ما يدرونـك انفاسـي
, أعيـش شلـون انه بليـاك يا ريحـــة هلي و ناسي
, امن اذكر راسك المكطوع اضل اللطم على راسي
, و مــن كثـر اللطـم عالـراس كامـت تنزف الهامه
, ٢ العلامة النجمية
,
, بغيابك عني يا خويه احس الدنيه صارت ليــل
, شكثر اتحمل بفركاك كلي منين اجيب الحيــــل
, اذا اغفالي لحظه اصحه يفززني صهيل الخيل
, و يفززني الشمر لمن يصَيّح سلبو العمامـــه
, ٢ العلامة النجمية
,
, يخويه شاهدت كلشي و حالـي تغيــر ليــا حال
, الاميره الما تصدها عيون المحد شايفلها خيال
, تالي اعله الهزل تمشي و اديها تنجتف بحبـال
, اروح لــدار ابـــن سفيــان يزيد البايع اسلامه
, ٤ العلامة النجمية
,
, بليــاك العمـــر ميفيـــد اذا مــو انتــه مــا اريــده
, شســوي بعمـري مـن دونك اطـــرن بعدك البيده
, يضربونـي بسياط الكـوم و راســك حزو اوريـده
, و شمر يحديني يا خويه و عليه يمشي احكامـه
, ٤ العلامة النجمية
,
, يكلولي عليش النوح جسمج بالبجي يتعـــــب
, ما يدرون انه شعانيت اليدري والله يتعجــــب
, ما شافو طفل مذبوح ولا حرمه بحقد تُضرب
, طفل ست اشهر و مذبوح حته ما نطق مامه
, ٣ العلامة النجمية

(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742

تعبتني حسين خويه
كبالي تتلوه شجاك
تعبتني حسين بسك
راح اموتن من وراك
طاحت الخيمه عليه
انت باني الخيمه كوم
الخيل تشرب ماي وانت
من العطش يبست لهاك

الخيل تشرب ماي وانت من العطش ذابل
فوك العطش والخيل كاسر ضهرك الكافل

سبعين زلمه وكلهم اسباع
شيخ العشيره بدون فزاع
بيرغ عشيرت هاشم ايطح
والشيخ بل طف تارس الكاع
-----------------
بكل مكان لكيت وذر
بيش لف جرحك جبير
تارسين الطف بخوي
وكاع لم بي بل حصير
مناشغ عليك البواجي
وماكو ضل بعيوني ماي
جيت احشمك مو لمك
يعني مسبيه اني اصير

متعبيك حيل هواي جرح بصدرك شكبره
معصبين عين الخيل حت ادوس بصدره

ماكو  ضلع ما بيك مشلوع
خيل عوجيه مكسرالضلوع
كون السحك بضلوعي ياريت
كسرك الباب الخيمه مسموع

---------------
مفرهديك كبال عيني
خويه ماضل عدي راي
شفايفك مفطور ضامي
وماجبت الحسين ماي
شلع كلبي الشلع راسك
مايكوم حسين صاح
من التعب اركض واطيح
حجار شمروني بكفاي

التمو عليك كبالي بيك اتفرهد ال وادم
حجار بكفه ختك حاربو شيكعد ال نايم

احميك جا مدري حمي روحي
بنومت حسين ا يزيد نوحي
كثر البواجي تعطش اهواي
فوك العطش مسبيه روحي
-----------

ماكو زلمه يكوم ليه
اليل كرب ماكو امان
بهميه مكعد تالي زينب
موش الي هاذ المجان
بهيمه ماكو خيام ضلت
خايفه عل بنيت اخوي
كلفه حارس ضعني شامت
من عكب ذاك الحنان

صاحو سبيه خلاف اخوي الجابني فيهه
مو خوش تالي لمالهه اخوه صير مسبيهه

بهيمه عدوي يصير حارس
ماكو امان و اليل دامس
متنه عطش والماي موجود
منه الضمه لسان الطفله يابس

صباح جهاد

يخلص   محرم     ويروح
وابقه انه خادم    مجروح
غير  انته روح  وي الروح حبيبي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

راح   الدمع    گالو   راح
وطاح الگلب يمكن طاح
چا بعد بيش انه   ارتاح 

بعده   بهدومي   العطر    من     المواكب
هنا   خدمنه  هنا  بچينه  اعله  المصايب
حسين ابونه حسين اخونه وهوه صاحب
آه   يا   لذت    محرم     وين        غايب


تجمعنه   لو     مختلفين
دربك دربنه       وماشين
شكرا  يبو الغيره حسين حبيبي

،،،،،،،،،،،،،،،،،،،،،،،،،


مو  شهر تأثيره  اعوام
دمعه ودروس واحكام
مختصر كل    الاسلام

والله   الك   حنيت  چنك  شيلة     أمي
خلصت   شبساع  ناوي   تزيد       همي
الرايه   ما    انزلهه اگل    للريح    شمي
بيهه  اسم   حسين  فدوه لأسمه  اسمي


ابقه    بسوادي    لعيناك
وي روحي مجلس اقراك
تقبلني     خادم      وياك حبيبي

،،،،،،،،،،،،،،،،،،،،،،،،،،،،،،،،،

كل ارض ارضك والله
وكل  الزمن   عاشورا
محله الحزن يا محلاه

حسين يا جرح الارض    شاهد   سمائك
برزخ     الميتين      ناح       الكربلائك
لهسه    تبقه    تفور    ما   تبرد   دمائك
الأ   امك    فاطمة      تحضر     عزائك

وتصيح  دلالي  انصاب
يوليدي ما همني  الباب
دم   بلحيتك    وتراب حبيبي


،،،،،،،،،،،،،،،،،،،،،،،،

رب  العرش    يا   مولاي
خليني     للعام     الجاي
وفقني  اخدم  بس  هاي

ما  اريد  جاه  ولا  ردت  سمعه  ومكانه
هوه  انه لوما  خدمته  ما  أصيرن    آنه
ارجع وادگ صدري  وأون  واصرخ هوانه
ضحه  ابنينه  وعيلته   ونحره   وحمانه

بس  گلي  هم  نوافيك ؟
منطينه كلشي شننطيك ؟
خافن   عملنه     يأذيك حبيبي

،،،،،،،،،،،،،،،،،،،،،،،،،،،،،،،،،،،،،،

علمت  الاحساس  احساس
يحسين    كلك        عباس
بس   بيك   لازم      تنقاس

هوه  انته وحدك  ما  الك  واحد  يشبهك
يحسين    حبيتك   لان   ربك       يحبك
اعذرني مو  بالمستوى وباقي اعله  دربك
بس  انته  خير   ما  ترد حتى   اليذبحك


يابو الهلا  وسهله تهون
يم بابك انطش  عيون
احسبني خادم مجنون حبيبي


كلمات الخادم /  رعد الفريجي

قصيده للمشايه

شايلين الرايه   طلعو المشايه
****

زاير ايحشم بزاير  گامو الجنهم مناير
معتنين الكربله
شفت واحد شال رايه   رايد يواسي السبايه 
يمشي وي القافله
وانه صحت بصوت اهلا   ياهلا بيكم وسهلا
ماتكفي ادري الهله
خنتشرف فدوه  بيكم   من رحت فدوه لمشيكم
والله كلكم مرجله
 
نحسب احنه الهايه   طلعو المشايه

صار شهرين ونحضر  ليمت المشايه تعبر
ونتشرف بيها
رزق هذا امن الله عدنا كلمن احنه يبات يمنا
ابخدمتة انگضيها
اطلب وشتريد تامر   احنه  خدامك  يزاير
التصعب انسويها
ادخل وشرف الموكب   ياملك شتريد تطلب
ذبها لتخليها

انزلت بيكم ايه  طلعو المشايه   بيكم   من رحت فدوه
حسين عدنا الي يخدمه  الزهره راح اسجل اسمه
ابدفتر اوي انصاره
كل تجاره وبيها تخسر   بس تجاره ابو الاكبر
ربح موش اخساره
شتنطي باجر راح ضعفه الله ينطيك ويشرفه
ايحطله كومه اصفاره
استغنم الفرصه يخادم  حتا ترجع منها غانم
الدنيه شو دواره

اصعد اول بايه    طلعو المشايه شيكم
والله كلكم مرجل
شراح باجر منها تاخذ   ضل ببو السجاد لايذ
جلب ابخاجيته
حاشه مايتركله خادم   والمعاون كمر هاشم
صار من حاشيته
اخلص ورايح تشوفه   اي بشر لا مايعوفه
يدخله راح ابيته
العنده والماعنده رايح  مايضل بلعوز طايح
من يمد صينيته

يالله افهمو الغايه    طلعو المشايه رحت فدوه لمشيكم
وال
الخدم والمشايه باجر   مايضل بيهم الحاير
كللها تتوج ذهب
شما اله الشيطان وسوس   استبرق الرادود يلبس 
وينحط ابرتبة وهب
وراح كل شاعر اليكتب  مايضل بالجنه يعتب
اصلاً يشيل العتب
شكثر كل خادم يعاني  وزع او شال الصواني
الله يجزيه التعب

ينال خير اهوايه   طلعو المشايه كم
والله كلكم مرجله
 
الشاعر ابو اسد البزوني

عل الوعد مهدينه جاي ****بيده سيف وبيده راي

**
باجر الموعود يظهر شايل هموم السبي
راية العباس بيده يطلع بهيئة  نبي
بكلبه لوعات العقيله من جتفها الأجنبي
بيهن آثار السياط يطلعن بجفه العبي

يترس المعمورة ماي **بيده سيف وبيده راي
*،**
يطلع بنار المواجع ياكل بكلبه الألم
يروح للطف ويشاهد نار وجت بالخيم
وزينب تلم باليتامه وتركض أبين الزلم
تحشم ومحد اجاه راح شيال العلم

تصيح ياحيدر كفاي **بيده سيف وبيده راي
***

ياخذ بثار الوديعه  الركبوهه عل الهزل
بحبل مجتوفات اديها وياهه جم طفله وطفل
تجري دمعاته عل خده لو سمع طاري الحبل
يذكر أحوال العليل الضل وحيد بلا اهل

الارض يطبكها بسماي ****بيده سيف وبيده راي
*****

صورة ايتام بخرابه وعمته نامت عل الترب
وطفلة حسين بحضنها تريد ابوها المنسلب
شنهي صبرك يبو صالح وياحزن شال الكلب
هاي عماتك سبايه وطبن المجلس غرب

ادري ما ترضاهه هاي ****بيده سيف وبيده راي
****
طبن المجلس يزيد وراسك ابوك عل الرمح
وادري يل المهدي بكلامي راح ازيدنك جرح
زينب بديوان اميه كبال  جتال الصبح
وكفت الما جان ضلها  من الحراير يلمح

يكطع بثاراته فاي **بيده سيف وبيده راي
،&

يا نور العيون      خادم وممنون
كلي أمل يا سيدي تقبلني يحسين
.................................................
أجيتك جيـــة الفاكد ضوه أعيونه
ضايع والمدامــــــــع غيرت لونه
وكفت أباب صحنك طالب العونه
فقير ومدلك أيده وجاب ماعونه
بعيوني دمعات    كتبـــن عبارات
كلي أمل يا سيدي تقبلني يحسين
.......................................................
دخلت الحضرتك يا سيـــدي وجيتك
وبست شباج كبــــــــرك من تنخيتك
على أعتابك طحت وبدمعي حاجيتك
آه يحسين تقبل عنـــــــــــــي ياريتك
نبض الكلب راد     منك هوه أمراد
كلي أمل يا سيدي تقبلني يحسين
..................................................
من عندك ردت يا سيــــدي نضرة
يا نور الألـــــــــــــه الواحد وسره
أذا تقبلنـــــــــي خادم تقبل الزهرة
تره الضايع فرحته لـــو لكه شعره
يا رحمة يا خير     يمشبع الطيــــــر
كلي أمل يا سيدي تقبلني يحسين
................................................
من أذكـر مصابك سيدي وجرحك
يبلل ثوبي دمعي وي فجر صبحك
الله أيعيـــــــن زينب شافته أيذبجك
يمها والشمر يتبختــــــر ويضحك
كلـــــــك جراحات    وأجروحك آيـــــــــات
كلي أمل يا سيدي تقبلني يحسين
.......................................................
ما يسوه العمر لوما عشت دمعه
وليل أنهار أنوح الفكدك أو انعه
يا خامس فــرع يا صاية التسعه
أبابك أشتعل واطفه مثــل شمعه
بدمعـــــي توضيت      تقبلنــــــي يا ريت
كلي أمل يا سيدي تقبلني يحسين
.......................................................
خادم خدمة الحسين
الشاعر
محمد الموالي

مذنب غلطان ،، راجــــــع ندمان
انه ويحسين ،، مو خوش انسان

١-
متعني جـــاي الحضرتك   أعــلــن امــامــك توبتي
ابابك اجيت من الخجل    كبل الحجي تفز دمعتي

عمل ماعندي يحسين
اجـيـت بدمعة الـعين
وانه ذنبي ،، كطع كلبي
اروحـن يا ملـك وين

خايف ماتوب ،، وتكثر الذنوب
وبــقـه ابلياك ،، مثل الغـركان

٢-
مرت علينه شكد صور    وجربنه بالـدنيا العشك
بحبك فقط يابو علي     شفنه الحقيقه والصدك

اسولف واني خجلان
لئـنـك اعـظـم انسان
شوكت تسمع ،، حجي المدمع
اذا مــن ذنبي زعلان

كلبي اليهواك ،، فدوه اخذه وياك
يوميه يموت ،، كـــلبــي الندمان

٣-
ما عندي زينه بدنيتي    بس حبك ودمعي اليهل
خايف امـوت وبالكبر    عــن ذنبي باجــر انسال

العمر يخلص بالذنوب
منموتن قـبـل لا توب
تعال احضر ،، قبل منكر
منصيحك يغلى محبوب

خايــف لاموت ،، باجر بسكوت
من ابقه شلون ،، بــيـد الدفان

٤-
رايد اتـوب بحضرتك   لا تـركـض ايــــام العمر
للموت اضلن خادمك   خلصني من ضيق الكبر

كبرنه وركضه الايام
وذنوبي بكد الاسهام
تجي بموتي ،، عله تابوتي
عليك المشت للشام

بعالم الامـوات ،، من تسمع مات
تحضر يحسين ،، أطفي النيران

٥-
تـلـزمـنـي لزمـه بيمنتك    خلصني من كل عثره
خلصني من هذا الوضع   وذبـنـي بحـنان الزهره

يقابل تـــــوبة الناس
عشكتك باؤل انفاس
تعال اسمع ،، اريد ارجع
عليك اجفوف عباس

اخطائي هواي ،، اعرف مولاي
انــــه ابـلـيـاك ،، غصن وذبلان

حسين عبد الجليل المالكي

تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742

قريبا سيتم نشر قصائد المشاية للاشتراك بالقناة
https://t.center/al_hassanen