#حضرت_ابوالفضل_عآلدی تا آب فراتی عشقیله سردار عشق
بیر اُووج دولدوردی باخدی، باشلانوب گفتار عشق
سویلدی عشقیم منیم صاحب شریعتدور فرات
شمع تک روشنگر راه طریقتدور فرات
عشق اولا بو عشقیمه عین حقیقتدور فرات
جوهر تخمیر؛ اِیدوب خَمارینی خَمار عشق
نفسیمه ای سو منیم از بس واریمدور اعتماد
عزم رزم اِیتدیم اِیدم بو اعتمادیله جهاد
ایستیرم تشریح اولا عشاقه معنای مُفاد
اوج رونقده قالا تا حشره دین بازار عشق
عشقیله یوخ سوز سَنی اِیتدیم بو چولده جستجو
سَندن اوتری اِیلدیم کرب و بلانی زیر و رو
تاپدوم آخر اَل سنه اولدوم سنیله روبرو...
اِیستدیم تا خلقه اولسون برملا، معیار عشق
اِیچمرم بیر جرعه سَندن اِیچمَسه فُلک نجات
اِیتمرم لب تر بولَم که اِیلَرم درک ممات
کاش ازلدن اولمییدین سو اولیدون قان فرات
اِیچمیوب سندن نه چون که سرور و سالار عشق
بیر وجودی که اولوبدور باعث بود و نبود
اِیچمَسه بیر جرعه سَندن، سنده وار آیا نه سود
جلوه لندی سنده تا عکس لب دریای جود
بیر یانار اود سالدی جانه قُلزم ذَخار عشق
اوچ گیجه گوندوزدی که سو یولارون اهل جفا
باغلیوب اخیامه عرشه قوزانوب داد و نوا
من سو اِیچسم گور شه عطشان اولار مندن رضا
لازمه مندن رضا اولسون شَه بی یار عشق
باغلادی سو یولارون تا لشکر کینه شعار
اولدی خیردا قیزلارا مخیمده محشر آشکار
گور روادور سو اِیچم من قیزلار اِئتسین آه و زار
آز قالور یانسون سوسوزدان یکسره گلزار عشق
موج ویردوقجا دوشور طفل لب عطشان یادیمه
جلوه لندوقجا گوزومده اود سالور اکبادیمه
سَسلیور اِیندی آناسی تِز یِتیش فریادیمه
اصغریم یاندی سوسوزدان، هارداسان سردار عشق
گر
#عتیقا اِیسته سَن که، شافع روز جزا...
روز محشر شافع اولسون نوحه یاز اِیله نوا
عمریوی بیهوده قویما اولسون عالمده فنا
قالمیوب قالماز بو عالمده به جز آثار عشق
#طهمورثی_عتیق@davodTahmoresi