فن ردّ الجميل
🤍من أُسس ردّ الجميل إنك تعامل الناس باللُطف والودّ والإحسان..
وتفكّر نفسك إن كل اللي عندك من نِعم وإمكانيات وهبات هو فضل ورزق وإحسان من الله في الأساس
"أَحْسِن كَمَا أَحْسَنَ اللَّهُ إِلَيْكَ"
#سورة_القصصلو الفكرة دي اتمكنت من قلبك هتشوف الدنيا بشكل مُختلف، هتحس إن الناس خيرهم وشرهم مش ليك ربنا الفاعل في الكون والناس مُجرد أسباب..
مش هيفرق معاك الناس ترضى ولا ماترضاش، تُشكر وتقدر، ولا تتجاهل وتزهد
في مقولة حلوة قوي بتقول
"إن ضاعَ عند الناسِ حُسنُ صَنِيعك، ما ضاعَ عند اللهِ حبَّةُ خَرْدَلِ" ...
كل قرار خدته بمقاييس الآخرة ما ينفعش تفكر في تاني بمقاييس الدنيا ..
"وَالَّذِينَ يُؤْتُونَ مَا آتَوا وَّقُلُوبُهُمْ وَجِلَةٌ أَنَّهُمْ إِلَىٰ رَبِّهِمْ رَاجِعُونَ"
#سورة_المؤمنون إدعي ربنا بالإخلاص في عملك وأنت هدفك الثواب عند الله مش في الدنيا وبتسأل الله القَبول
🤍هتستشعر إن كل عطاء بتقدمه لله، وده هيخلّيك تعمل أحسن ما عندك، في علاقات القريبة، في تعاملاتك مع الناس الغريبة عنك، في إتقانك في شغلك، في إحسانك في كل خطوة في حياتك..
يقول
#ابن_القيم (مَن عامل خَلق الله بصفةٍ، عاملَه الله تعالى بتلك الصِّفةِ بعينِها في الدنيا والآخرة) ..
في قصة بتتحكى عن السيدة عائشة رضي الله عنها إنها كان بتعطر أموال الصدقات بالمسك قبل ما تديها للفقراء ولما اتسألت ليه بتعمل ده
كانت بتقول ((تصل إلى يد الله قبل أن تصل إلى يد الفقير))
راجع نيّتك وفكّر نفسك إنك بتعامل ربنا..
لماترجّع كل حاجة لربّ الناس
هترتاح، وتهدى، وتطمن، وتأمن
🤍وتأكد لا يهزم شخص أحسن للغير، فإحسانه سيُنجيه
🤍...
#سِكّة_السَّلامة
#noha_zahra#رسائل_الي_المرأة_الصالحة