⚫⚪⚫⚪⚫⚪⚫⚪⚫⚪⚫⚪⚫⚫⚪⚫⚪⚫ ⚪⚫⚪⚫⚫⚪⚫⚪⚫⚫ ╔
▫▫▫ ═══════════╗
🍃🌺🍃 @ganjine5🍃🌺🍃 ╚═══════════
▫▫▫ ╝
#کانال_مدح_و_مرثیه#حضرت_علی_اکبر_ع #مرحوم_کلامی_تبریزی_______________________________
✍شبیه مصطفی آمادۀ جنگ اولدی نام آلسون
طریق سعی و همتده نشان اهتمام آلسون
______________
◾◼◾__________
بلا پیمانه سین قالو بلاده ایچدی مست اولدی
او بیر پیمانه دن پابند پیمان الست اولدی
خمار نشئۀ صهبای وحدت می پرست اولدی
تیز ایستر محضر پیره یتیشسون بیرده جام آلسون
______________
◾◼◾__________
گلوب دوردی مقابل لشکره یوز دوتدی غفاره
گرک سودا ایدن کالانی گوسترسون خریداره
حیاتیندن چکوب ال جان مطاعین گتدی بازاره
شریک عشقه لازمدور که جان ویرسون سهام آلسون
______________
◾◼◾__________
جهاده آلمیشام رخصت بودور برنامۀ کاریم
ورق صحرا مرکب قان قلم تیغ شرر باریم
یازام تاریخیده تا ثبت اولا معنای گفتاریم
مجاهد لفظینین معناسى قان توكسون مرام آلسون
______________
◾◼◾__________
ال آتدی قبضۀ شمشیره دوشدی لشکره وحشت
دیوب الله اکبر مصطفی سیما علی صولت
سماواته دوشوب سس شیر یزدان ایلیوب رجعت
تماشا ایلیون گلمیش اَله حیدر حسام آلسون
______________
◾◼◾__________
آچوب شهباز تک بال و پر اگلشدی عقاب استه
توکوب اعدای دینی بوتراب اوغلی تراب استه
عمومین قولارین سالدوز نیه بیر مشک آب اوسته
گرک بو قانی سیزلردن امام اوغلی امام آلسون
______________
◾◼◾__________
قلج جولان ایدوب بازوی حیدرده دیوب قان قان
ایچیردیب زمره خونخواره قان شمشیر خون افشان
دوشوب سعد اوغلی تشویشه ویروبدور لشکره فرمان
حدود هاله تک مه دوره سین قوم ظلام آلسون
______________
◾◼◾__________
امیرین امرینی افراد بُلدی لازم الاجرا
احاطه ایلیوب افواج ظلمت نوری سر تا پا
بونی ناموس خلقت چشم دنیا گورمیوب اصلا
گونوز خورشید رخشان دوره سین احشام شام آلسون
______________
◾◼◾__________
بو بیر گولدور پیمبر گلشنیندن آچمیوب کامل
طراوتدن سالون پامال ایدون ای قوم سنگین دل
یتوم مقصودیمه اولسون اولان منظور دل حاصل
حیاتیندن ایدون محروم قویمون فیض کام آلسون
______________
◾◼◾__________
خیام ایچره بونون چوخ آغلیان گوزلر یولون گوزلر
سر راهین دوتون ساغ قویمیون گیتسون بو بی یاور
تقّلا ايلیون تیز ئولدورون داغ علی اکبر
حسینین قامتین ایتسون خمیده شکل لام آلسون
______________
◾◼◾__________
بُلوبلر نسبتی پیغمبره وار هر گلن ووردی
بو گول هانسی چمندن سو ایچوب هر بیر بُلن ووردی
گلن ووردی گیدن ووردی بُولوب هر بُولمین ووردی
بو ظُلمین انتقامین روز محشر لاینام آلسون
______________
◾◼◾__________
خیامه یوز دوتوب درک ایت منی ای عالمه سرور
آلوبلار دوره می دشمن بسان چنگ انگشتر
بو قومین دیو نفسی عقلینه غالب اولوب ايستر
نگین خاتم جاه سلیمانی سرام آلسون
______________
◾◼◾__________
ختا دشتینده آهوی ختا صید اولی صیاده
اماندور قالمیشام بیداد الینده تیز یتوش داده
قضا سوق ایلوری مرکب قویوب یوز سمت جلاده
دوروب خنجر الینده عسقلانی انتقام آلسون
______________
◾◼◾__________
یوزون گورسم اگر جان ویرمه موش عین سعادتدور
ویا ئولسم بابا سن گلمه میش مندن وصیتدور
داغیلموش نعشیمی حمل ایت خیامه گر چه زحمتدور
یارالی جسمیمی آغوشینه لیلا آنام آلسون
______________
◾◼◾__________
شکار زخمداری مرکب آچدی پر دولاندوردی
گتوردی عاقبت صیاد اولان یرده دایاندوردی
دیلیم یانسون دیسم بیر ظلم ایدوب دنیانی یاندوردی
عناداً ئولدوروب رکن و مقام اوغلین مقام آلسون
______________
◾◼◾__________
گلستان ادبدن لفظ و معنا ایلدی گلچین
گتوردی رشته نظمه گوروب هرکس ایدوب تحسین
«
کلامی» یازدی بو اشعاری اولسون الده یوم الدین
دوتوب پیر طریقت دامنین اجر کلام آلسون
__________________
◾◼⬛______
_______________
◾◼⬛_________
___________
◾◼⬛____________
✅کانال مدح و مرثیه
❗لطفا با ذکر منبع فوروارد کنید
❗ ╔
▫▫▫ ═══════════╗
🍃🌺🍃 @ganjine5🍃🌺🍃 ╚═══════════
▫▫▫ ╝
⚫⚪⚫⚫⚪⚫⚪⚫⚪⚫⚫⚪⚫⚪⚫⚪⚫⚪⚫⚪⚫⚫⚪⚫⚪⚫⚪⚫