🌺 تایپ کننده و ویرایش کننده از : جناب آقای کربلایی مجتبی نقوی
🌺#قره_قول#غلام_سیاه#صالحگریز به قتلگاه امام حسین علیه السلام
بخش ۲
رسمدور درویش مولاسیله اولسا روبرو
بیر ایله موقعده خجلتدن ائدنمز گفتگو
دلده مینلر آرزودن عمده وار بیر آرزو
شرحینه امّا اونون یوخ ئوزگه حاجت یا حسین
من کیمی چاکرلرون قربان جلال و جاهوه
رازِ گفتاریم مُبَرهَندور دلِ آگاهوه
مین امیدیله شتابان گلمیشم درگاهوه
تا اولام لطفونله مشمولِ عنایت یا حسین
جامِ عشقون باده سین ای ساقیِ بزم الست
نوش ایدن بیر جرعه سین بیر عمر اولوب مخمور و مست
تشنه ی صهبای وصلم دامِ غمده پای بست
باده ایلر تشنه ی وصله سقایت یا حسین
یوخ لیاقت منده سن تک سَروره پابوس اولام
اولما راضی درگهوندن طرد اولوب مأیوس اولام
مایلم قربانیِ حیثیّت و ناموس اولام
حق حریمیندن ایدم حفظ و حراست یا حسین
موردِ مقبولِ سلطان ، خواهشیم اولسا اگر
هر ایکی دنیاده اولّام سربلند و مفتخر
سال یولا کوی مناده منده ایلوم ترکِ سر
بو شهادتدن تاپوم فیضِ شرافت یا حسین
یر یوزونده اهلِ عشقه کوی عشقوندور مطاف
حاجی عشق ایستر ائتسون کعبه ی حُسنون طواف
بیر حقیرِ کم مَتاعم قیل منی عفو و معاف
نقدِ جاندان ئوزگه یوخ الده بضاعت یا حسین
سندن امید و رَجا وار جمله اهلِ عالمه
فخر ایدر عالَم سنیله احتشامِ آدمه
من سنی وئرّم قسم جانِ رسولِ خاتمه
مندن ایله بو تمنّانی اجابت یا حسین
اذن وئر منده صفِ عشّاقیده شهرت تاپوم
سنله بو دولت سراده عزّت و دولت تاپوم
بو خضوعیمدن خشوعِ قلبیدن رفعت تاپوم
مَسندِ عشقه قویوم تا پای همّت یا حسین
ای سَلیلِ مصطفی روح و روانِ بوالحسن
درگهوندن مستمندی ائتمه سن نومید سن
مکتبونده پادشاهین فرقی یوخ درویشیلن
چشمِ حق بینونده بیردور فقر و دولت یا حسین
سن غلامون التفات و لطفه مشمول ایلدون
عبدیوی منصوبِ حق ائتدون نه مخذول ایلدون
قویماقا باش کوی قربانگاهه مقبول ایلدون
کعبه ی عشقه اونی ائتدون هدایت یا حسین
حق یولوندا شوق و ذوقیله گیدوب ائتدی جهاد
خاطرِ ناشادی اولدی رمز و ایمائیله شاد
صدرِ زین اوستن یخیلدی حضرتوندن ائتدی یاد
سویلدی درک ائت غلامون وقتِ رحلت یا حسین
ای جمالِ آفتابی معنی اللهُ نور
لطف قیل منده تاپوم بو صون نفس فیضِ حضور
عاشقه بیردور مقامِ عشقیده نزدیک و دور
فرقتونده واردی اهلِ عشقه وصلت یا حسین
دادینه یتدون غلامون دلده آه و زاریله
باشینی آلدون دیز اوسته دیده ی خونباریله
یوز یوزه قویدون سیه رو عبدِ خوش کرداریله
تازه لندی سنله دنیای اخوّت یا حسین
وار یری قان آغلاسا احوالیوه کَوْن و مکان
اولمادی بیر کس باشون اوسته وئرنده تشنه جان
خیمدن میدانه گلدی زینبِ بی خانمان
پیکرونده گوردی وار بیر ئوزگه حالت یا حسین
قاتله دوشدی گوزی اشگیله دولدی گوزلری
ائتمدی خصمه اثر دلده یانیقلی سوزلری
غصّه دن تاریک اولان گوزده ایشیق گوندوزلری
دوتدی شمرین خنجرین اول کانِ عصمت یا حسین
اول کشاکشدن آچوب گوز واقف اولدون مطلبه
ایستدون یتسون اودا تشییع اولان بیر موکبه
ایلدون دوتقون سسیله بیر اشارت زینبه
سویلدون بیگانه لردن چکمه منّت یا حسین
سن کیمی سلطانه عالَملر فدا اولسون حسین
آستانونده سزادور شه ، گدا اولسون حسین
#صالح ایستر دردینه سیزدن دوا اولسون حسین
بلکه تاپسون خاطرِ بیماری صحّت یا حسین
آفرینش پایه سی عشق و محبّت اوسته دی
جایگاهِ حق تعالی هر دلِ بشکسته دی
«احمد فرشی» اَزلدن سیزلره وابسته دی
وار باشیندا شورِ سودای زیارت یا حسین.
التماس دعای فرج
https://telegram.me/ganjine5