#احوالات_شهادت_امام_حسن_مجتبی_ع_و_گریز_به_روز_عاشورا#ئولسون_باجون_حسن_نیه_بو_حاله_قالموسانکول باشیمه یوزون سارالوب مثل زعفران
زنبق کیمی یانوب بدنون زهر کینیلن
گل تک دوداقلاروندا دوروب قطره قطره قان
حاله گلوب بویوردی باجی یولما زلفووی
گلزار عمریمه یتیشوب صرصر خزان
بیر طشت حاضر ائت منه یاندی جگرلریم
ای کربلا مسافری ای میر کاروان
جور عدودن اینجیمیشم جانه دویمیشام
قویدی یتیم عیالیمی بو خصم بدگمان
زینب گتوردی طشتی قویوب تا برابره
لال اؤل دیلیم صریحینی شرح ایلمه اوتان
بولمم نگوردی باشدان آتوب معجرین یئره
سسلندی وای منه اوره گیم اولدی لخته قان
ای کاش اولیدی زینبین آخر غمی بو غم
کول توکمییدی باشنه بو گردش زمان
بیر آیری طشتده بو خانم باخدی شامده
قالدی نه حاله شرحنه قادر دگول زبان
گوردی او طشت ایچینده حسینون کسوک باشین
گل تک گلوبدی مجلس سلطانه ارمغان
سرمست اولوب یزید شماتت ائدیر،ویرور
هردم او گل دوداقلارا ظلمیله خیزران
زهرا قیزی نقدر ائلیوب صبر ائدنمدی
سسلندی ای یزید شل اولسون الون دایان
شاه مدینه دور بو گلوب شامه میهمان
وورماز قوناقی هر نئجه پست اولسا میزبان
یورقوندی هم یارالیدی هم قیزلاری باخور
هر دینده اولسا شرعده اکرمدی میهمان
قویسام حدیث شامه قلم،شام اولار گونوم
تعقیب ائدوم ازلکی سؤزی قالماسین نهان
دؤلدی مدینه ناله وامجتبائیله
گوگلر گلوب نوایه گیوب قاره قدسیان
آخر نفسده آچدی گوزون ساق صولا باخوب
احبابینی یانندا گوروب اولدی شادمان
گوردی آلوب کنارینی اولاد هاشمی
قارداش،باجی،اوغول،حرم آغلور ائدور فغان
قاسم آتا آتا دیوب آغلور فغانیله
زینب اولوب نوائیله کلثومه همزبان
آچدی دوباره گوزلرین اطرافینه باخوب
بیر آه سوزناک چکوب ایلدی فغان
اوّل حسینه باخدی،باخوب بیرده قاسیمه
رمزیله ائتدی جمله وصیّتلرین بیان
گویا بویوردی قاسمه ای نوجوان اوغول
مندن صورا عمون بو حسیندور سنون آتان
یالقوزلیاندا کرب و بلاده سپاه شام
امداد ائله بو سروره چک تیغ جانستان
بیرده وصیت ائتدی حسینه که قاسمه
دوتسون زفاف قالمیا تا حسرتی نهان
گرچه مدینه ایچره بو طوی ممکن اولمادی
اما دیار کرب و بلاده اولوب عیان
بیر طوی دوتوبدی قاسمه سلطان مشرقین
گورموب اونون نظیرینی بو چرخ هفت خان
بیر حجلهٔ زفاف بنا ایلدی
امامعاجزدی شرح و بستنه یکسر موّرخان
بیر بزم عیش ائتدی مرتب او گون حسین
دعوت وئریلدی گلدی تماشایه کوفیان
هرکس الینده گل یئرینه دسته دسته اوخ
تبریکه گلدی محضر داماده شامیان
طوی حجله سینه عزم ائلین وقتده عروس
شاباش ائدردی قرمزی یاقوت آسمان
قتلاده سالدی عارضه بیر قرمزی نقاب
تا عطرین آلدی اوز گلینون اولدی نغمه خوان
آچ گوزلرون عم اوغلی دانیشدیر عروسیوی
گرچه دوتوبدی گوزلریوی پرده پرده قان
#کریمی_مراغه_ایhttps://telegram.me/ganjine5