#حضرت_ابوالفضل_ع #استمداد بیرمشک سو اوستونده دوشوب ولوله قارداش
آز قالدی که باشیم دوشه اَلدن اَله قارداش
آلسان سَسیمی خیمه دن ای خسرو خوبان
گل سایه وی سال باشیمه جانیم سنه قربان
نهر اوسته علمدارون اولوب قانینه غلطان
آز قالدی باتا کشتی عمروم گِله قارداش
یوخ دلده غمیم نوکریوین قیدینه قالسان
اَلسیز باشیما لطف اِیلیوب سایه وی سالسان
بیر دفعه ده دیندیرسن اگر گوگلومی آلسان
دنیایه برابردی او بیر مرحله قارداش
تا وار نفسیم سینه ده عشقون هوسینده
قویما سیخلا روحیمی محنت قفسینده
گل بیرده گوروم عمرومون اخرنفسینده
تا نخل امیدیم یتیشه حاصله قارداش
سینمده یارا لاله مثالی گول آچوبدور
گلزار ایله بیر غنچه لنوب سنبل آچوبدور
بیراوخدا دگوب مَشکه منه مشگل آچوبدور
سقایه نه گلدی سوزی قالسین هَله قارداش
نِیلوبدی بو اوخ منله مشخصدی سوزومدن
یاندرمازیدی بیربیله، دگسیدی گوزومدن
اخیامه گَلم گَلموری بو دفعه یوزومدن
لطف اِیت منه بو خواهشی قبول اِیله قاردش
آلدوم سویی وردوم علمون نهر فراته
چکدیم سویونون خاروخَسین نچه جهاته
دگدوقجا اَلیم نهریده اول آب حیاته
قان آغلامشام خیمه ده غنچه گوله قارداش
الله بولوری سالدی سو سقانی نه حاله
باخدوقجا سویا قزلاروی چَکدی خیاله
گوردوم دوزولوبلر صَفه اَللرده پیاله
گوز یاشلی باخولار یولا سقا گَله قارداش
اِیتمیشدی رقیه یوزه گوزیاشینی جاری
سَسلیردی عمو داده گَل، اِیله منه یاری
اصغر سوسوزوندان اِیدوری ناله و زاری
آز قالدی که قارداشون او لحظه ئوله قارداش
سو قولی اونا ویرمیشم اخیامیده جانان
بیر اوخ ولی نومید اِیلدی قالمیشام حیران
گل مشکیمی اخیامه آپار ای شه خوبان
گورسد نه بلا تاپدی رقیه بوله قارداش
سقایه قضا شور قیامت اِیدوب ایجاد
روحیم داخی هیهات اولا بو غصه دن آزاد
گل بیرده گوروم جان ویروم ای شه اِیوین آباد
گر زحمته سالسامدا منی عفو اِیله قارداش
مدتدی
#عتیقون اِیلیر عرض ارادت
تا وار نفسی ایلیجاخدور بیزه خدمت
یاز دفتریوه آدینی بیر وقفه زیارت...
قسمت اولا اول عاشق خونین دله قارداش
التماس دعا
🙏87/6/30
@davodTahmoresi