فزاعيه مربعه للام بثواب الزهراء عليها السلام
(( الوزن تجلیبه))
ـــــــــــــــــــــــــــــــــ
امنه ام الهلا يالينزمط بيها
نصبه امعدله وتعجب محاچيها
••««((((
💔))))»»•
امنـه ام الهلا ياناس محلاهـا
وجه الخير من نتسامر اوياها
تعـجبني سـوالفها و حچاياها
شگد شفجه وجليله من نلاگيها
✍🏻المله نور الساعدي
••««((((
💔))))»»•
يا شفجه وحنينه مانمل منها
ننسى احزانه يوم اللي نحضنها
عليها العين تدمع والحزن فنها
امان الروح امي و حلو طاريها
ا
✍️م حيدر العباديه عماره
••««((((
💔))))»»•
حلو طاري الامیمه ارويحتي ایردها
یاخیمة ٱمان ونگعد بسدها
امحمله وشایله ما ندري اشعدها
نفدي ارواحنه الها بس نراضیها
✍️ام ضیغم المحنا
••««((((
💔))))»»•
نفدي ارواحنه لو بس يسوموها
عزيزه اعله الگلب هاي امنه تدروها
تشيل الروح يوم اللي يشيلوها
ابروحي والگلب يالغاليه اشريها
✍️ ام محمد تقي الموسوي
••««((((
💔))))»»•
والله ابعمري لشري الغاليه امي
بعد اعيونها من يشرك ابهمي
محبتها چبيره وتسري ابدمي
حرت ياناس امي ابيش أجازيها
✍🏻ام احمد الحلاويه
••««((((
💔))))»»•
هاي امي وعليها لايگه الونه
كون اوياها عمري ردت اخلصنه
جزه ضعنچ ييمه ومالحگتنه
بتچ يالحنينه المن تخليها
✍🏻العلويه ام علي
••««((((
💔))))»»•
نرثي ومانمل وحگچ اعلينه
انذكرچ يالعقيله وحيل ونينه
ماننسى الزچيه ويوم ابو اسكينه
اوجثت الغالي يل ماصح چفن ليها
✍🏻المله نور الساعدي
••««((((
💔))))»»•
تـــمــ بعون الله ـــت
بقلـ
✍️ـم شاعرات اهل البیت(ع)
في رابطة دموع العقیله(ع)
لانجيز حذف الاسماء
✋ نسالكم الدعاء
🤲https://t.center/Kfeilzainp