﮼مُ،الدغِسي .

فتّـان الشيــنه قوليلـه
عندك يـوم ايش اموتــيل🖤!.

اللي مشـوا مـانـي علـيـهـم عابـي
اقلال خير ما عندي عليهم ردا
نسـيوا رفـقنا لـولـي واتـعـــابــي
امعـاهـم سـعـتا في اسنين الشدا
واللي صحـبتـه تـظهر علل كــذابي
لا خـيـر فـيـه ولا عـلـيـه معـدا 🖤!.

غافلين ما انجيبو علم
طرطاش عزمنا جا اصدافنا🖤!.

تعتم أيديرو كل ما يحلالهم
دوبيني ألهم مازلت لاقي بال
أرواق الحيا والقدر طقينالهم
وهم كل يوم أمطيرين أخلال🖤!.

هو عمر واحد مانريد نعيشه
علي شان خاطر ناس ما يسووه
مانقولك نا فوق راسي ريشه
ولكن الدنيا يا عزيز وجوه 🖤!.

ايام الصغا سا تنقلب وتعدي
يبدل الله بالخير عام كلايل 🖤!.

مناظر أغزله خافيات قروده
تركيب غدر في صفة إنسان امحور
مغير نا اللي صبار في هروده
كمين جرح في قلبي غريق امعور 🖤!.

خطّرها الاّ مدعىَ كحيل أنظاره
علينا أحجر ياعين لا تشقيبه🖤!.

يالله في طوعك سنين شبابي
الدوج دافره بقدري اخطيت الرفه
هي خير من قولت افلان يزابي
ايتبع ومايفرز اللي لاهفه .

حتى بـالوبر والدم والترزيِـمة
بلا أمحور نعرفهن اوجـوه غفاَليِ 🖤!.

محمد بوسته