بدايةً كلنا عارفين إن الصلاة هي ثاني أركان الإسلام وإن أول ما يُحاسَب عليه المرء يوم القيامة هي الصلاة🌸💙 يعني الرسول صلي الله عليه وسلم لما ذكرها في الحديث الشريف وهي "ثاني أركان الإسلام" وبتُقَاس عليها مدي ايمانك وطاعتَك لله عزوجل، وايضا يُقاس عليها إذا كنت مسلم او كافر لانه من تركها عن عمد كااافر بقول رسول الله صلي الله عليه وسلم.. ودا شئ خطيييير جدا لازم نحاول نستوعبه مع بعض كدا!.. وكلنا عارفين بردوا ان الصلاة عماد الدين وكل شويه اما نيجي نطلب من حد نصيحة يقولنا الصلاة عماد الدين ويسيبنا ويمشي..💔 ايوه ماشي طبيعي هتقولي عِرِفت إن الصلاة عماد الدين وبعدين.. فهميني يبنتي كويس! بصي هي العمارة بتتبني ب اي ؟ طوب واسمنت واللَّذِي منه ينفع ميكونش فيه طوب ؟ ولا اسمنت؟ ولا اللَّذِي منه؟ بمعني إنه لو مفيش طوب العمارة مش هتببني وكذلك الاسمنت واللَّذِي منه .. ماهو انا مش مهندس معماري عشان اعرف اي اللَّذِي منو 👀 المهم تخيلوا معايا يا بنات إنه .. العمارة دي هي الدين بتاعنا .. والطوب او الاسمنت او اللَّذِي منه .. ده الصلاه.. اللي من غير الطوب والاسمنت .. بالنسبالك العمارة هتقع الي هو الدين بتاعنا 😢🌸 تمام نخش عاللي بعده ..! في حديث للرسول صلي الله عليه وسلم كده فيما معناه ان "من ترك الصلاة فقد كفر " كفر؟؟ .. يعني اللي مبيصليش يعتبر كافر!!!!! اصل هقولك على حاجة اللي بيفرق بينك وبين الكافر "الصلاة" يبقااا مش حان الوقت ان احنا نفوق بقا ولا اي؟ " إن الصلاة تنهى عن الفحشاء والمُنكر" معناه واضح جدا، إن الصلاة ممكن يصليها حرامي أو شخص عنده ذنوب كتير عادي جدا. مهي الصلاة هتنهاه يعني هتصلحه مع الالتزام بصلاة الجماعة والصُحبة الصالحة. هل الصح الإنسان اللي عنده ذنوب يترك الصلاة عشان ذنوبه! طبعا لأ #الصلاه