#Toshkent_shahri Matilda ismli timsohning taqdiri muhokamada Bizga kelib tushgan murojaatga ko‘ra, Toshkent shahridagi ElVET veterinariya klinikasida Matilda nomli timsoh bolasi saqlanmoqda. Ushbu murojaatga Instagram sahifasidan olingan video ham ilova qilingan bo‘lib, unda klinika xodimlari Matilda katta bo‘lgach, uni Misrga qaytarish rejalari haqida gapirgan. Tabiatni asrash bo‘yicha mutaxassislarning fikriga ko‘ra, ekzotik hayvonlar tabiiy yashash muhitida yoki maxsus tayyorlangan qo‘riqxonalar sharoitida saqlanishi kerak. Yosh timsohning uzoq vaqt noto‘g‘ri sharoitda bo‘lishi uning sog‘lig‘i va tabiiy odatlari buzilishiga olib kelishi mumkin. Matildaning kelajagi haqida qaror qabul qilishda ekologlar va biolog-mutaxassislarning maslahatiga rioya qilish lozim. Uni yoshligidayoq tabiiy muhitiga qaytarish yoki timsohlarni parvarishlash bo‘yicha tajribaga ega maxsus tashkilotga topshirish – hayvonning manfaatlari uchun eng to‘g‘ri qaror bo‘ladi. Mazkur holatni atroflicha o‘rganish maqsadida Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi inspektorlaridan bu masalani chuqur o‘rganib chiqishlarini so‘raymiz. ☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring! Instagram | Facebook | Twitter | Sayt | Youtube