💬Maktabgacha ta’lim muassasasi tarbiyalanuvchilariga ilonlar bilan tomosha uyushtirilganligi holati Bolalar ombudsmani tomonidan o‘rganilmoqda. ✍️Mazkur holat joriy yilning 16-yanvar kuni Toshkent viloyati Piskent tumanida joylashgan 7-sonli MTM da bo‘lib, bunda muassasa ma’muriyati tomonidan mazkur tomoshada bolalarning xayoti va sog‘lig‘i xavfsizligi ta’minlanmaganligi aniqlangan. 🔴Jumladan, sirk tomoshasi Olmaliq shahar xususiy korxona tasarrufidagi xavaskorlik sirk jamoasi tomonidan uyushtirilgan. ✅Ma’lum bo‘lishicha, o‘quv yili boshida mazkur xususiy korxona rahbari H.E. tuman maktabgacha va maktab ta’limi bo‘limiga tuman ta’lim muassasalarida sirk tomoshalarini o‘tkazish bo‘yicha murojaat kiritgan bo‘lib, mas’ullar tomonidan ommaviy tadbirlarni tashkil etish bo‘yicha belgilangan talablarga zid ravishda ruxsat berilgan. ⚠️Sirk namoyishi dasturida yovvoyi hayvonlar bilan sahna ko‘rinishlari ko‘zda tutilmagan bo‘lsa-da, bolalar uchun xavfli tarzda 2 ta O‘rta Osiyo kobralari bilan tomoshalar o‘tkazilgan. 🌀Hozirda holat yuzasidan tuman IIB tomonidan tergovga qadar tekshiruv harakatlari olib borilmoqda. ⚠️Bu borada qo‘shimcha ma’lumot beriladi. ☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring! Instagram | Facebook | Twitter | Sayt | Youtube