المعلومات الاكيده في موضوع الكهربا 🔴 الكمبيوتر الاساسي (السيرفر) واقف.. دا معناه ماعندك طريقه تشتري كهربا من اي حته لانو السيرفر دا هو الكان بيوزع علينا فواتير الكهربا 🔴 ناس بورتسودان السيرفر حقهم منفصل وعندهم هناك .. عشان كدا هم لسا شغالين .. بس للاسف مافي طريقه تشتري منهم لانو كهربتهم بتنزل في العدادات داخل الولايه بس 🔴 البيان حق الكهربا انو الناس توصل بالتوصيله القديمه (دا بيان كاذب) 🔴 في تطبيقات دفع الكتروني مطلعين إشاعة تحت تحت انو ممكن تشتري كهربا عن طريقهم (عشان الناس تحمل التطبيق حقهم) 🔴 في ناس بيستغلو الفرصه دي ويشيلو قروش من الناس ع اساس بيحول ليك ويقوم يحظرك 🔴 لو محتاج (حوجه ماسه) كلم مهندس كهربا يجي يوصل ليك من العمود مباشره (وخلي بالك الحاجه دي ع مسؤوليتك) .. بس دا الحل الوحيد عشان تجيك كهربا 🔴 الناس العندهم طاقه شمسيه او مولدات ممكن تشحن منهم وتمشي امورك ولو عندك في العداد باقي ف قلل من الاستهلاك لحد ربنا يفرجها الكلام دا انا بقوله وانا متاكد من كل نقطه فيه ✅ م.محمد التاج محمد كترو من ترديد (حسبنا الله ونعم الوكيل) ربنا يحفظنا جميعا وينهي الحرب ❤️ #MEM #Mo_Tag #مو_تاج #Man_Of_Theory #رجل_النظرية