إنت عارف الجنة فيها يوم الجمعة؟! .. بس ما إسمو يوم الجمعة .. ولا فيهو صلاة بس حاجات سمحة شديد بتحصل ♥️ إسمو يوم المزيد ... وفيهو الناس بطلعو من قصورهم لوادي كداا أفيح .. يعني منطقة واسعة ♥️ تراب المكان دا من الصندل والزعفران ♥️ والناس بتقعد في مقامات كتييرة .. منهم القاعد علي منابر من نور .. ومنهم القاعد علي منابر من ذهب ومنهم القاعد علي الزعفران ساي ♥️ ومن كمال نعيم الجنة .. إنو ما بتشوف زول أفضل منك إذا إنت قاعد في درجة أقل ♥️ وبعد ما الناس تشرب شراب التسنيم .. والغلمان المخلدون يوزعو في الأكل والشراب والتسنيم زي ما قال النبي صل الله عليه وسلم في وصفه : لو أدخل إبن أدم فيه أصبعه ثم خرج علي أهل الدنيا لوجد جميع أهل الجنة ريحه ♥️ والعجيب إنو التسنيم دا ذاتو .. ما بشربوه كل الناس إلا المقربين .... والأعجب ومزاجه من تسنيم .. يعني إنت بتجيب شرابك بكبو ليك فيهو حبة تسنيم ♥️ يعني ما بتشربو تسنيم صافي .. من شدة جماله ومذاقه ♥️ المهم في اليوم دا .. الناس بشوفو ربنا سبحانه وتعالى .. وقيل والله ما أعطيا أهل الجنة نعيم كالنظر لله سبحانه وتعالى ♥️ وفجاة كداا تهب ريح جميييلة .. تثير الصندل والطيب الموجود .. والريح دي حاجة في منتهى الطيب والعطر والناس تبدا ترجع بيوتها ... وكل زول يدخل علي زوجتو تقول ليه .. يا فلان والله بقيت أجمل من قبيل .. ودي مهمة الريح .. إنو تبقى أوسم وأسمح من لما قبل تطلع وترجع لقصرك وزوجتك وتعيشو قصة حب كأنها بدأت الأن ♥️