View in Telegram
پارایدولیا (Pareidolia) و کارتیکەریش جە سەرەو شێوناو ژیوگەی و تاڵانکەردەو یاگەوارە تارێخیەکاماوە.
پارایدولیا (شێوەبەخشیەی وەهمی)،(مانابەخشیەی بە وینیاکا)، (ئاشنا بەچەموەدای)، (ئاشنا پێنداری) دیاردەیە مەغزین کە مانا و شێوەی ئاشنا بە وینیاکا مەبەخشۆ.
پسەو بەچەموەداو تەونیە یا هەوریە پسەو دەم و چاوی.
چی دیاردەو مەغزینە زیادتەر وەرو تەوێڵێ و گێجگاو مەغزی دەرگیرش مەو، کە چا یاگەو سەرەینە مەغز هەوڵ مەو زانیاریە بێ ماناکا بە شێویە ئاشنا بەربارۆ و دەم و چاوەکا بشناسنۆ.
ئی دیاردەیە جە زەمانەکاو زووینە کە مرۆڤ لێ دەشت و دارستان و هەردەکانە ژیوان، یاری ئینسانەکاش دان کە زووتەر خەتەرەکا بشناسنۆ و هێز و ئێنێرژی کەمتریش پەی فکروە کەردەی بەکار بەرۆ.
پسەو نمونەی جە وەقتەو ویناو سێوەریەنە ، مەغز جە جیاتی ئانەیە هەوڵ بەو جە سەرەو تەمامەو وردەکاریەکاو سێوەرەکەیوە فکروە کەرۆ تا دڵنیا بۆوە سێوەرەو چێشین و چا ڕاێشوە زەمان و وزەی فرە بەکاربەرۆ، هەوڵش دان بە کەمترین فکروەکەردەی و جە کەمتەرین ماوەنە، نزیکتەرین شێوە کە وەڵتەر دیەنش شێوە کەرۆ پا سێوەروە، پسەو نمونەی شێوەو ئاژەڵیە، پاجۆرە زووتەر و باشتەر تاوانش پسەو نمونەی ویش جە هێرشەو ئاژەڵەکا پارێزنۆ یا چاگەنە بەرشۆ.
ئی دیاردەو مەغزیە کە جە درێژماوەنە وەش بیەن و جە دۆخەو سەردەماو زووینە یاری ژیواو ئینسانەکاش دان، ئیسە مەکریەو واچێمێ کارتێکەریش چی سەردەمەنە فرە کەمتەرەن.
بەداخوە ئارۆڕۆ فرەیە هەنێ بە نامێ گەنج گێڵی و زەڕ ئێزیای و کارشناسەو گەنج ئێسەی، بە ویناو هەر تەون و کەمەر و هەرد و تەپۆڵکە و ملەگایە کە جە کارتێکەری ئا دیاردەو مەغزینە ئا یاگێ وڵات و نیشتیمانیمانە شێوەیە ئاشنا جە بەشەر و ئاژەڵ و نیشانەیە بدا بە چەموە، مانایە وەهمی و نا ڕاستیەو نیشانەو گەنجیش پەنە ما و دەس مەکەرا بە هۆرکەنەی و تێکداو ئا خاک و شاخ و داخیە.
بە ئۆمێدٚەو پارێزیایی ژیوگا و ئاسەوار و یاگەوارە ویەردین و تارێخیەکاما جە دەسەو گەنج گێڵە پارایدولیا مەغزەکاوە و مافیا تاڵانکەرەکاو ئاسەوارە تارێخیەکاماوە.
🆔 https://t.center/edrispiri2021
Telegram
ئیدریس پیری Edris Piri
یۆوەمین و گەورەتەرین یانەو دەسنووسی جە کوردەواری
یەکەمین و گەورەترین کتێبخانەی دیجیتاڵی دەستنووسی کوردی.
بە ئاماژە بە سەرچەمەی مەتاوی ئیسفایە کەری.
پەیوەنی:
@edrispiri
یەکەمین و گەورەترین کتێبخانەی دیجیتاڵی دەستنووسی کوردی.
بە ئاماژە بە سەرچەمەی مەتاوی ئیسفایە کەری.
پەیوەنی:
@edrispiri
Love Center - Dating, Friends & Matches, NY, LA, Dubai, Global
Find friends or serious relationships easily