View in Telegram
👩⚕|| الاطفال وبرد الشتاء.
ـ~
🙇♀كيف احمي طفلي من برد الشتاء🙇♂
هنتكلم عن شوية حاجات نعملها عشان نحافظ علي اطفالنا من التعرض للاصابه بالانفلونزا
(الوقاية خير من العلاج)
❶|| اولا الاستحمام
_يفضل عدم تجاوز مدة استحمام الطفل من 5 ل 10 دقايق
_ يفضل غسل جسم الطفل اولا ..ثم شعرة
بحيث ميقعدش فترة براسه مبلوله قبل م يلبس ✋
_الاطفال اقل من 6شهور يفضل الاستحمام بغرفة النوم
_ناخد بالنا ان لازم نكون مجهزين كل حاجة الطفل جنبنا قبل ما نبدأ نحمية /الشاور
..الشامبوو.البامبرز..الفوطه..الملابس
_التاكد من ان المكان تهويته محكمه ومفيش اي تيار هوا هيتعرضله الطفل اثناء الاستحمام بحيث تقفلي الشبابيك والابواب كويس جداا👌👌
_التاكد من درجة حرارة المياة قبل البدء ف الاستحمام
وانها تكون مناسبه للطفل ..
_يفضل لو كان استحمام الطفل ليلا قبل النوم ..
_تدفئة الطفل جيدا بعد الاستحمام وعدم تعرضه لتغير في درجة حرارة الغرفه ..
_تدفئة اطراف الطفل /ايدة ورجلة / وراسة جيداا
_وقبل كل ده لازم ننشف جسم الطفل كويس جداا ونتاكد ان مفيش اي جزء من ملابسه مبلول
وعدد مرات الاستحمام .. مفيش اي مشكلة لو يوم ويوم النظافه مهمه جدا
طالما الجو مناسب وهتتبعي التعليمات كلها
الطفل زية زينا بظبط وبيحتاج ياخد دش عشان يفوق وجسمه يكون مرتاح .. ده غير العرق والجلد الميت الي ممكن يسببوله التهابات لو محافظناش علي نظافته الشخصية دايما👌..
انما لو جو برد اوي .. يبقي مرتين اسبوعيا 👋👋
❷|| ثانيا... الملابس
_لازم نحافظ علي مناسبة ملابس الطفل للجو
في الوقت الحالي الطفل مفروض يلبس ٣ قطع
2 بكم و قطعه بنص كم تحت .
_دايما نتاكد ان هدومه مش مبلوله او مفيش اي تسريب من البامبرز
_الهدوم تكون مناسبة لحجم الطفل بحيث👇
مينفعش لبس صغير وضيق عليه يكشف منطقة البطن او الضهر او اطرافه تكون مش مدفيه او يبقي خانقه وبيعوق حركته
ومينفعش لبس واسع وكبير عليه بحيث يعرضه للهوا وميكونش مدفيه ..
_يفضل الملابس القطنية لانها بتدفي الطفل كويس
واحنا خارجين بنتقل فوق لبس البيت ومبنقلللش العدد
_لو طفلي بيلبس ايس كاب او بغطي راسه دايما او اغلب الوقت ..يبقي يفضل اتاكد ان الايس كاب مش معرق راسه بحيث اول م اقلعهوله مياخدش برد .. يا اما اخلعه ع مراحل..
❸|| ثالثا.. العدوى
مهم جداا احافظ علي طفلي من الاصابه بالبرد عن طريق العدوي 👇👇
_تقليل اختلاط الطفل بشخص مصاب بالبرد .
_ممنوع تقبيل الطفل من الفم.. اطلاقا او الوجه عموما لو الشخص مصاب . والافضل بلاش اصلا بسبب مرض #الهيربس
_المحافظه علي نظافة ادوات الطفل وتعقيمها باستمرار
_نظافة ملابس الطفل دائما ومراعاة غسل ايدة كل فترة ..
_عدم تعرض الطفل مباشرة لشخص بيكح او بيعطس
ولو حصل ومتواجد معانا بمكان يبقي الطفل يكون بعيد عنه بمسافه امنه تحمية من رذاذ الفم والانف والمكان يكون جيد التهويه ..
❹|| رابعا ..التغذية والمناعه
لو طفلك رضيع اقل من 6 شهور ..
يراعي ان رضعاته تكون منتظمه ومنسيبش الطفل يجوع او نتاخر في معاد رضاعته ..
اما لو طفلي ابتدا ياكل ..6 شهور وازيد ..
يراعي الالتزام بتعليمات التغذية السليمه وعدم ادخال اصناف مخالفه لجدول التغذية العمرية ..((ترتيب الاصناف بالشهور))
والابتعاد عن اي مواد صناعية واطعمة يدخلها مواد حافظه
ويفضل الاغذية الطبيعيه تماما ✋
Love Center - Dating, Friends & Matches, NY, LA, Dubai, Global
Find friends or serious relationships easily