#boks_maktabi #mashgʻulot_yigʻin 🤩 Agentlik tizimidagi Bahodir Jalolov nomidagi boksga ixtisoslashtirilgan sport maktabi oʻquvchilari Toshkent viloyatida joylashgan "Yangiobod" sport bazasida oʻtkazilgan qishki oʻquv-mashgʻulot yigʻinida ishtirok etdi. Oldinda boʻlib oʻtadigan musobaqalarga samarali tayyorgarlik koʻrish maqsadida tashkil etilgan oʻquv-mashgʻulot yigʻinida sport maktabining 45 nafar sportchi-oʻquvchisi ishtirok etib malakali trenerlar yordamida boks mahorati va jismoniy tayyorgarligini oshirdi. Maʼlumot oʻrnida, bugungi kunda mazkur sport maktabida 5-10-sinflar kesimida 140 nafar oʻquvchi (shundan 12 nafari qiz bola) boks mahoratini oshirish bilan birga zamonaviy taʼlim standartlari asosida bilim olmoqda. Oʻtgan 2024-yilda yilda sport maktabi oʻquvchilari boks boʻyicha oʻtkazilgan Osiyo chempionatida 2 ta kumush, 1 ta bronza, Oʻzbekiston chempionatida 3 ta oltin, 1 ta kumush, 3 ta bronza Oʻzbekiston kubogida 2 ta oltin, 3 ta kumush, 11 ta bronza, Xalqaro turnirlarda 13 ta oltin, 5 ta kumush, 11 ta bronza medallarini qoʻlga kiritgan. Telegram | Facebook | Instagram | YouTube