فكرة إنك تحتسب كل حاجة بتعملها عند ربنا بجد نعمة كبيرة أوي.. تصبر على مجهود معين انت مُلزم تقوم بيه كل يوم (فتحتسب صبرك) ترضى كل الرضا بالابتلاء اللي انت فيه (فتحتسب رضاك) تتعب في شغلك أو تربية أولادك (فتحتسب تعبك) نعمة كبيرة أوي إن الواحد كل ما يعمل حاجة يقول يا رب أنا محتسبها عندك.. لأن مش كل مجهود متشاف، ولا كل صبر متقدر، ولا كل تعب وتحمُل وضغط الناس هتقف تسقفلك عليه، لكن تأكد إن كل لحظة تعب تعبت فيها وطاقتك خلصت واحتسبتها عند ربنا هتتفاجئ بيها بكرم من عنده. احتسب الحاجات اللي ملهاش ميزان عند الناس، بس ليها ميزان كبير أوي عند ربنا. 💛