خبرگزاری دلفان

💠حسین نظریان
🔹‍ شعر لکی

دنگِ سازه که دلی خوشا نکه چه کردیه
دار پرویی ، زونِ لال ِ آ نکه چه کردیه

شمشمه کوره که شو لانه وژه دی نمکه
سر ایواره ،فکرِ لیز و جا نکه چه کردیه

ار دس ِ دسبگری ، یه گرهِ کور ِ  گنی
اِ  دس بی دسلاتی آ نکه چه کردیه

عسرِ چئمی که شو و روژه ماواری چو وهار
ار و حسرت،  جگری کنا نکه چه کردیه

یه منا کارِ گناکارِ قصه هوچ و پتی
ار وژ ه کارِ گنی  منا نکه چه کردیه

ار پیا قصه کره و گپِ شیرینِ وژه
حق و باطل اِ یکا، جیا نکه چه کردیه

درده داری که دس ا ِ داری و درمان شوریه
ار دوای اِ دل اشکیا نکه چه کردیه

یه رودگه که نامِ نازِ ایمامه هایرن
حاجتِ بيوه ژنی راوا  نکه چه کردیه

شوون ویرداری که گرگه مته ار رئن و مچو
ار دنگی ناره اِ سر . هنا نکه چه کردیه

عمر اگر یه روژه یا صد روژه چه فرقه مکه
پپی ار بالِ وژ ء یکا نکه چه کردیه

#حسین_نظریان(غریب_دلفانی )
🔶هفته نامه چکادزاگرس 👇
@chakad_zagros