.

يالله كل ما قول اسم ساره صالح بتذكر موقف صار معي انا وميرنا رفيقتي الله يرحمها

انا وميرنا منعرف ساره من القناة ما شفناها عالواقع وكتير منحبها

انا شاءت الظروف اني احكي اكتر مع ساره و صرنا رفقات و صارت تعرف شغلات بتخصني و انا اعرف شوية شغلات بتخصا بظروف معينة

بس كلو ورا الشاشة ما تقابلنا ولا مرة
و كل مرة نتفق نشوف بعض و ما تزبط للأسف

كتير كنت جاكر ميرنا و قلها عم حاكي ساره صالح 🤭 و صرنا رفقات انا و ساره صالح 🤭 و حكيتلا عن محمد ل ساره 🤭

كتير كانت تتجاكر مني بس تقلي اي بس لسا ما شفتيها اصلا😏

قبل عملية ميرنا باسبوعين تقريبا
اجت لعندي عالبيت
قالتلي حزري ميييين شفت 😍 حرفيا هيك كانو عيونا الله يرحمها
قلتلا مين ؟

قالتلي ساااااره صالح
قلتلا عم تمزحي وسلمتي عليها ؟
قال لا خجلت قلا اني بحبها وماعرفت شو بدي قلا اصلا😂😭
قالتلي شي يوم بس تشوفيها بروح معك ومنشوفا سوا

بعد ب أسبوعين عملت ميرنا العملية و توفت بعد بأسبوع

وما قالت لساره صالح انو بتحبها كتير 💔

يلي بدي قولو لا تستنو لبكرا لتعترفو ب مشاعركن لا تخبوها .. خصوصي لناس لطيفة وطيوبة و قلبا ابيض متل ساره


لا تستنو لبكرا يمكن ما يكون في بكرا 💔

لطفاً الفاتحة على روح دكتورتي حبيبتي ميرنا بدر ♥️