Hal-Abuur cishqaawi🥰

Hadba goor danboon
Geyaankeeygi helay
Ama aan god galay
Intaad garowso leed
Nabsi kuma gefee
Ha ii gelin sidaan.🥺

Ruuxda kuu go'daa
Go'aankeedu yahay
Ineey guul heshoo
Guri kula degtoo
Gasiin kula cuntee
Ha ii gelin sidaan.🥺

Gocashada jacayl
Nabarrada i guba
Ma gam'ee hurdada
Waa adduunyo gebi
Geeddi laga yahee
Godob heyga gelin.

Ama iga garbaxe
Gooni ila ahaaw
Ama gowracoo
Nafta iilka geey
Abaalkaad gashaa
Laguu gudahayaa.

Hal-Abuur Cishqaawi
https://t.center/cishqi143

https://www.facebook.com/share/p/1GohDM2Sq3/?mibextid=qi2Omg

Adduunka Jirrooyin jaadjaada
Ayaa jiro jiifka kuu diido
Jirkaaga kolkey dhex jiiraane
Jeefaafo waxaan usoo joogay
Jeerkaan galay caashaq jeelkiisa
Ma joojin inaan jibaadaayo
Oo juuca jacaylku waa jeermis
Iyo cudur jiirta jiiseeya.

Hal-Abuur Cishqaawi

Xanteeyda ninkii ogaado
Xogteydana aan usheego
Nafteyda xanuunku haayo
Jacaylku xasuuqay waayo
Xalkeeda hadduu helaayo
Waxaan u hayaa xaqiiqo.

Hal-Abuur Cishqaawi

Wewelkeygu baddaa, waa ka weynyahayoo
Walbahaarka jacayl, wadnahuu degayoo
Wacantaan rabay baan, weli dhowrahayaa

Weero caashaq ayaan, ku qoraa warqadoo
Waagi ii baryo baan, woowga maanso tixaa
Werdigeeyguna waa, "wacaneey wacaneey"

Hal-Abuur Cishqaawi

▪︎Sow ma aaminin
▪︎Ifka noloshiyo
▪︎In eey aayaha
▪︎Oori ii noqon🥺

▪︎Eeynigeediyo
▪︎Sow asaageed
▪︎Ii abaal galay
▪︎Arji kuma celin

▪︎Waa adduunyee
▪︎Sow anoo jecel
▪︎Axdigeeynii
▪︎Iilka kuma ridin

▪︎Sow ayaamaha
▪︎Arbaciyo sabti
▪︎Talaadiyo axad
▪︎Isniinya khamiis
▪︎Jimcoo u afxira
▪︎Iima aha urug

▪︎Uurkutaallada
▪︎Ma illooboo
▪︎Eelka caashaqu
▪︎Aafo weeyaan

▪︎Aawada baan
▪︎Ooyayaa ee
▪︎Aamus mey oran
▪︎Meyga tiri illin😢

Hal-Abuur Cishqaawi

Cishqigaan i heloo cindigeeyga degoo
Curuuqdeyda ku faafay ciyaar ma ahoo
Caawa oo kale buu i cadaadin hayaa

Cidna iima maqnoo ceelna iima qodnoo
Cadraddaan rabay baa cidla iiga tagtoo
Cabashaan galayoo waan calaacalayaa

Ciqaab weeye jacayl cilmi buu dilayoo
Ciidda loogu ridoo ka carraabay adduun.

Hal-Abuur Cishqaawi
https://t.center/cishqaawi143

Qof qaaddir boqraad aheed
Qof qurux badan baad aheed
Qof qaayo leh baad aheed
Qof qiimo leh baad aheed
Qof qaaliya baad aheed
Qof qaatay hankaad aheed
Qof jiitay qudhaad aheed
Qof quursi yar baad aheed
Qof diida qab baad aheed
Qof qoonsi yar baad aheed
Qof qalad naceb baad aheed
Qof qirasho leh beed aheed
Qof xumo ka qadaad aheed
Qof sharaf quutaad aheed 
Qof ila quman baad aheed
Qof qaasa ayaad aheed
Qof ii qalmo baad aheed
Qof aan qabatoomay iyo
Qof aan ku qarwaad aheed
Qalbigu goortuu karkaro
Qaboojiye baad aheed🥺

Hal-Abuur cishqaawi

Dareenku markuu igalay
Qofkaan duniduu jeclaa
Daryeel kama aanan helin
Wakaa dabadeed cishqigu
Nafteeyda dugaashadoo
Dabiikeeygoo dhintaan
Dawadi googoobayaa.😪

Hal-Abuur Cishqaawi
https://t.center/cishqaawi143

Heygu digan anoo dilan
Heyga tegin anoo daran
Cilmi baa daraaddii
Loogu duugay iilkee
Heygu daawan caashaqa😪

Adoow daaro nuurkee
Ha ii doorin maalmaha
Duruufaha adduunkiyo
Waayaha ha ii dabin
How duleyn cadaawaha
Ruuxdeeyda kugu diran

Anigoo ku doortooo
Dumarkoo dhan kuu jecel
Heyga laacin duul kale
Heyga leexan dunidee
Ifka aniga ila deris

Adigoo daryeel iyo
Ii heli karaa dawo
Ha daayicin nafteydii
Aawadaa dayowdoo
Doowri aar sidiisii
Hoygeedu yahay duur

Jacayl waa dab iyo naar
Waa dareen leh eel badan
Marna waa cirkoo da'ay
Doog iyo barwaaqoo
Naftaa lagu dabiibaa

Ii dabac mar ii dabac🥺
Damqo oo mar ii jilac
Aad baan u daalaye
Hal daqiiqo oo qura😪
Igu oro dabuub fudud.

Hal-Abuur Cishqaawi
https://t.center/cishqaawi143

Hadduu boholyoowgu uu yahay been
Qeys iyo boodhari bud looma dhigeen

Hadduu belelkiisu uusan badneeyn
Bilaash tixda looma soo bandhigeen

Haddeey bugtadiisu ey bogsehee
Bahdii qeysya leylo sow ma bateen

Haddaan barashiyo bilawga jacayl
Ka baaqsan lahaa ma booyi leheyn🥺

Haddaan baxarkiyo baddaa geli leyn
Sow maan ka badbaadi leyn beladaa 🥺

Haddaan bani aadan waa badan yee
Yartii hore beegsan waan baxsan laa

Haddaan ballan caashaq biiri leheyn
Nafteeyda bisteeda meey bukateen🥺

Wallaahi billaahi been ma ahee
Baraaruge hoow bareerin jacayl.✋

Hal-Abuur Cishqaawi
https://t.center/cishqaawi143

Dheymantaan hablaha
Dhami uga go'aay
Weygu dheertahoo
Kuma dhaafi karo

Dhuuxa iyo lafaha
Dhiigga baad runtii
Ku dhex nooshahoo
Kuma dhaafi karo

Dhaawac baan ahee
Dhaqtarkeygiyeey
Ha dhaqaaqin ee
Dhinaceyga joog

Dhibaatada jacayl
Waan u dhimanayaa
Haddii adan dhayeyn
Dhibaannada cishqiga

Cishqi bey rartayoon, u rabbeysanahoo
Rug ayaan u ahoo, weygu raagay runtii

Raaxo weyga tagtoo, waa rafaadsanahoo
Ragaadkiisa jacayl, baan la riimahayaa

Raarkaa ley duldhigoo, werdaa ley ratiboo
Reerku weygu dadaalay rabbaa wax taree

Weyga reebay hurdoo, ruugmo waan ka tegoo
Raashinkii ma cunee, heyga raagin walaal

Qalbigaad rogataa, weli reemahayoo
Kuu riyaaqahayee, haka raagin walaal

Ruuxda oonta nacdoo, lagu raaciyayoon
Lagaa reebi kareeyn, haka raagin walaal

Raxmaddeeydu walaal, waa adoo i rabee
Ha rafaadin naftee, mar uun raaxo dhex geey

Risaqeeyga adduun, waa yartaan rabayoo
Reeysa maayo haddeey, rafiiqeyga aheyn.

Hal-Abuur Cishqaawi

Yartaan wadnaheyga iyo
Naftaba wada siiyay oo
Qalbiga wehelkii eheyd
Calafka iga weeciyoow
Walaal iyo iima tihid
Widaaygeeygee idaa
Idhaaf ha i waalinee😢

Muddaan wada joognayoo
Wanaag baa ina dhax maray
Misana Alle weeyne baa
Is waaygeynii Qadderay.🥺

Hal-Abuur Cishqaawi

Inaan adi ku jecelahay
Adna aad i jeceshahay
Idaacaddu ha sheegtee
Ma iclaamineeynaa❣

Hal-Abuur Cishqaawi

Anoo kuu qabay caashaq
Shalay quudka u diidday
Oowgaa oo qatanaay
Inaan quusto haddeer
Oonan qiimo ku siinnin
Qorshahaas adigaa leh
Go'aankeedana qaatay
Ee haddaad berri qiiro
Iyo caashaq qarraaba
Keeni doonto qaboobi
Fursad qaaliya huunno
Hadda heyska qasaarin
Adduun waa marba qaabe.

@Hal-Abuur Cishqaawi

Anoo ku doortay adaa ideyrshay
Adaa i diiday anoo diyaar ah
Anoo dayoobay dartaa daciif ah
Adey diloo wadnaheyga dooxay.

Hal-Abuur Cishqaawi
https://t.center/cishqaawi143

~Waxaa barakoobay
~Ilaah biti siiyay
~Ninkaad la bohowdo
...........

~Nafteyda baraaro
~Adaa ugu baaqay

~Bidhaan araggaaga
~Anaa ku biskoodo

~Bartaadiyo muuqa
~Anaan bilyan siisan

~Adaa bilic fiican
~Sidii bil u nuuro

~Kolkuu baxo nuurku
~Qorraxdu bar yareyso
~Adaa barrigoo dhan
~Iftiin ku bayaansha

~Hablaha badankooda
~Amana basharkoo dhan
~Adaan barbar joogin

~Quruxda bedenkaaga
~Barbaa dahab mooda

~Indhaha baarkooda
~Hilaal bishay caawa
~Barbaa umaleeya

~Ilkaha birbiraaya
~Barbaa nal umooda

~Jirkaaga bislaaday
~Barbaa buskud mooda

~Ruuxii ku bartaahe
~Indhaha kugu beego
~Dhan kale uma beyro.

Hal-Abuur Cishqaawi
https://t.center/cishqaawi143

https://www.facebook.com/share/p/2dyyJfRkng7XqGjX/?mibextid=xfxF2i

Facebook-ga naga soo booqo✋

~Boggeeyga jacaylka
~Adaa ku barbaarshay

~Waxaad igu beertay
~Adeeyga bogsiiyay

~Wadnaha boholyowga
~Adaa ka baxnaanshay

~Boogtii igu tiillay
~Adaa iga baanshay

~Bisteey anigoo ah
~Adaa i badbaadshay

~Halkii belbeleysay
~Adaa biya seyrshay

~Qalbiga bartankiisa
~Adaa kali buuxshay

~Adaa degay beerka
~Boos laabta ku yeeshay

~Billado sharafeedka
~Adaa mudan baayo

~Billaahiye ruuxdu
~Adeey u bogtaahe
~Jacaylka bullaalay
~Ka dhowr basanbaaska

Hal-Abuur Cishqaawi
https://t.center/cishqaawi143

~Anoo bedqaboo fiyoow
~Anoon gelin baab jacayl
~Adey baray caashaqoo
~Adaa igu beeray laxaw

~Adaa balantiyo cishqiga
~Axdigi lumiyoo ka baxay
~Adaa boholyoowga iyo
~Alwiyo igu reebay balaw

Hal-Abuur Cishqaawi
https://t.center/cishqaawi143