جتني وقالت قلبي اليوم يجفاك هذي حقيقه واعتبرها نهايه انسى غرامي خاطري اليوم بنساك استر على ماجاك وانسى هوايه قلت الهوى يا بنت والروح تفداك قالت قسيت اليوم واشرب قسايه قلت اعشقك والقلب يغفر خطاياك قالت غلاك اليوم أكبر خطايه قلت المشاعر تنحني حب لرضاك قالت ماعاد اليوم ينفع رضايه قلت الدفا يا بنت في كف يمناك قالت برود الشوق يطفي دفايه قلت الوفا قالت جفا القلب ذكراك يكفي كفا مات الضمير وكفايه ما عاد قلبي مثل ما كان يهواك خلك عزيز اليوم بين اصدقايه قلت الصداقه كيف بعد الهوى ذاك قربك يعذبني وبعدك - شقايه قالت بامان الله والرب ويّاك قلبي عليل وكيف بلقى دوايه قلت ارجعي قالت عسى الرب يرعاك ارحل وبالتوفيق وانسى الحكايه ودعتها يا قلب والروح تنهاك تنهي روايه حبرها من بكايه