بسم الله الرحمن الرحيم والصلاة والسلام على أشرف الخلق سيدنا محمد صلى الله عليه وسلم ♥️✨
رواية كل شيء بقدر
بقلم الكاتبه :ميامن يوسف
*_اقتباسهه ♡♡

  الحياة رواية جميلة عليك قراءتها حتى النهاية، لا تتوقف أبداً عند سطر حزين قد تكون النهاية جميلة. إنك لا تستطيع أن تمنع طيور الحزن من أن تحلق فوق رأسك، ولكنك تستطيع أن تمنعها من أن تعشش في شعرك.✨🤍

طبعا معاكم الكاتبه الروائيه الاتوقفت عن الكتابه لفتره (ميمي يوسف) جيتكم اليوم عايزة احكي ليكم معاناتي العشتها في الحرب دي وحابدا ليكم من البداية
طيب اعرفكم علي نفسي انا ميامن يوسف عمري ١٨سنه بقرا تالته يعني ممتحنه الشهادة الثانوية وكنت علميه حينها ماشاءالله تبارك الرحمن عندي اخوان واخوات دون ذكر الأسماء والتفاصيل عذرا بس حتعرفوهم خلال الحكايه وخلاص كده كفايه انا شايفه طبعا المهم النبدا الحكايه يلا حماااااااااااااااااس 🔥🔥🔥🔥🔥🔥🔥♥️♥️♥️

البارت الأول (طلعتنا من بيتنا )🥺💔
طبعا دي كانت بداية الرحله الشاقه والصعبه والحتتوصف ليكم المهم يوم ١٩/٤ واللهو اليوم الرابع من حرب الخرطوم طلعنا من بيتنا وكنا متجهين على ود مدني حنتوب (بيتناالكبير) موطن أجدادنا واهلنا ♥️♥️م كنا ناوين نطلع بس اخوي الكبير مجاهد أصر شديد وهو مقيم ف مدني هناك المهم قال انو الوضع صعب وكده وم معروف البحصل شنو ولازم تطلعو الى أن طلعنا في اليوم ده ركبنا كلنا انا واخواني واخواتي وكان معانا ود خالتي اجرنا الشريحه واتوكلنا حتى م قفلنا البيت ولا اي حاجه كانت حاجه خفيفه كده علي اساس انو يومين ونرجع مشينا وكان الطريق عااااادي وآامن اكتر مما يكون المهم بعد فترة دامت ساعتين او اكتر وصلنا مدني حنتوب دخلنا عليهم كلهم اتفأجو وحتى م كانو ع علم ب جيتنا. وكان بعد يومين عيد الفطر الناس كانت صايمه وتعبانه وصلنا منهكين بس برضو كنا مبسوطين بجيتنا لأننا طولنا رغم اننا مرقنا مكرهين من بيتنا عدينا معاهم احلى شهووور ف البيت الكبير بنكهة امي زهراء(الزهرة🥰) ام ابوي الله يديها العافيه طبعا أعمامي و عماتي ماشاءالله كلهم ساكنين في حنتوب اي زول بيتو براهو بس كلهم قريبين بعض نحن نزلنا في البيت الكبير بيت الحبوبه وسبحان الله كنا خايفين علي اخواتي في الخرطوم م طلعوا معانا واحدة كانت في الكلاكلة ودي اسمها لينا عندها ولدين بابكر واحمد والتانيه في اللاماب ودي اختي الكبيرة اسمها مهج عندها ولدين وبنت عمرو، وفارس، ووداد ماشاء الله تبارك الرحمن المهم خليناهم هناك م كانو دايرين اطلعو نهائي..
المهم مرت الايام وطلعوا اخواتي جونا واتلمينا كلنا وعدينا في حنتوب دي ٨ شهور بالضبط كانت فيها الحلو والقاسي خلالها عقدنا لي عمي وبرضو بت عمتي بت خال ابوي ديل كانو نازحين معانا واختي الأكبر مني طوالي اسمها لدن خطبوها(نازح ونازحه) برضو يوم ٧/٨ وفي الفترة دي عملنا مشاريع للدخل وكده لانو الوضع كان صعب في مننا العمل حلاوة لكوم وفي منا الباع تسالي وفي العمل سلطه فواكة وفي العمل اندومي بالزيتون وفي العمل فطاير طعميه وفي العمل اسكريم انا كنت بعمل الايسكريم طبعا انا وبت عمي عملناهو وظبط والله وربحنا منو كتييير والله المهم عشنا احلى واقسى ايام في نفس الوقت والله مرت في لمح البصر وبقت تمانيه شهور بس كنا معانين في الاول من طلعتنا من بيتنا لكن تأتي اتأقلمنا علي الوضع انتهت الشهور الا ان جاء يوم ١٥/١٢ ومن هنا بدت رحلة النزوح الحمقيقي 😤يلا حنحكي عنها في البارت التاني
حمااااااااسات🔥🔥🔥🔥🔥🔥🔥♥️♥️♥️♥️♥️♥️♥️♥️♥️